Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Banorët e Bërxullës kanë dalë në protestë pasi kërkojnë që qeveria të plotësojnë kërkesat e tyre dhë më pas të vijojnë me ndërtimin e rrugës Thumanë-Kashar. •Një nga banorët paralajmëroi se të kalojnë në ekstremitet nëse kjo situatë nuk merr zgjidhje. •Disa prej tyre bllokuan rrugën e Rinasit por u përballën me Policinë. • Një banorë në protestë ka deklaruar se shteti punon vetëm për veten dhe se taksat e tyre po harxhohen për darkat e Ramës dhe Ballukut.
4 artikuj për këtë temë.
TIRANË- Banorët e Bërxullës kanë vazhduar protestën ditën e sotme për projektin e rrugës Thumanë-Kashar. Një nga banoret në protestë ka folur me neopozitëm, duke deklaruar se motra e Belinda Ballukut është emëruar si kryetare e Komisionit të Vetingut, falë ministres. Ajo tha se ky shtet punon për vetën.
Ajo u shpreh se Balluku ha biftek me faturë 1 mln lekë, ndërsa përmendi edhe darkën e kryeministrit Edi Rama me ish zyrtarin e FBI-së, Charles McGonigal, që ka kushtuar 10 mln lekë.
“Atje e ka motrën Belinda Balluku, njëra shkruan tjetra vulos. Belinda shkruan, ajo i vulos atje te SPAK-u. Kanë ikur në drejtim të paditur të gjithë. Ky shtet punon për vete, i kanë bërë ligjet vetëm për veta. Belinda Balluku do 1 milion leke të hajë një byftek, Rama do 10 milione lekë për të ngrënë një drekë, ndërsa ne s’kemi bukë të hamë, vetëm me ilaçe”, u shpreh banorja.
TIRANË- Protesta e banorëve të Bërxullës është përshkallëzuar, pasi kanë bllokuar rrugën e Rinasit. Mësohet se ata janë përplasur me policinë, e cila u ka kërkuar që të lirojnë rrugën. Ndërkohë që banorët e kanë kundërshtuar këtë gjë, duke theksuar se nuk do të lëvizin nga aty.
"Nëse doni bëni video apo çfarë të doni, nuk lëvizim”, tha një banore.
“Pse nuk vjen shteti të fusë në burg koncensionarin, nuk dorëzohemi”, tha një tjetër banor.
TIRANË- Banorët e Bërxullës kanë bllokuar rrugën që të çon drejt Rinasit ditën e sotme. Duke u ulur në autostradë ata kanë kërkuar zgjidhjen e problemit të tyre mbi projektin Thumanë-Kashar.
Po ashtu ata kanë paralajmëruar se nëse nuk marrin zgjidhje mbi këtë situatë do të shkojnë deri në ekstremitet.
“Nuk e lëshojmë tokën deri në vdekje. Po na vjedh shteti. Duam në rrugë gjyqësore vlerën sipas tregut”, shprehen disa prej tyre.
TIRANË- Banorët e Bërxullës kanë nisur protestën ditën e sotme për të kundërshtuar projektin e rrugës Thumanë-Kashar. Një prej banorëve ka deklaruar për mediat se nuk e dinë se çfarë do të bëhet me të ardhmen e fëmijëve të tyre sepse po u merren pronat pa asnjë të drejtë. Po ashtu ata kanë paralajmëruar se protestën do e kalojnë në forma ekstreme, pasi nuk u mbetet gjë tjetër veç vetëgjyqësisë.
"Nuk e dimë ku do përfundojnë fëmijët tanë nesër, u merret prona e shtëpia dhe shteti rri indiferent. Sot që jemi në ditën e 150-të protestës na vjen një informacion. Na vjen që nuk kanë arritur akoma në përfundimin për vlerën e pronës tonë. Ligji e parashikon, një vit para projektit duhet bërë inventarizimi i pronave dhe të dalë çmimi i pronës. Shteti nuk ka dëshirë për ta zgjidhur çështjen që është shumë e thjeshtë. Ne e kemi paraqitur vlerën e një pronë të shitur në dalë 31 tetor 2022, me një vlerë rreth 50 euro për metër katror. Ky shtet ose nuk do ta vendosë ujin në zjarr dhe kërkon të na vrasë për së gjalli ose kërkon të luajë si macja me miun duke testuar nervat tona. Kemi 5 muaj që bëjmë thirrje, të vijnë e të ulen në negociata me ne. Nervat tona nuk mbajnë më. Ne po sillemi në mënyrë shumë të qytetëruar. Do kemi forma më ekstreme proteste, ua kemi treguar se dimë t’i bëjmë të gjitha. I kemi bërë gjërat shumë të kontrolluara”, u shpreh një prej tyre për mediat.
