Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Ditën e sotme u zhvillua mbledhja e opozitës në kryesinë e Kuvendit. •Deputetët e përjashtuar nga Kuvendi, nuk u lejuan që të marrin pjesë. •Një ndër to ishte edhe Edmond Spaho, i cili nuk u lejua që të futej nga Garda. •Pas përfundimit të mbledhjes, Sali Berisha tha se opozita do të vijojë aksionin për kaosin në Kuvend dhe mos zhvillimin e komisioneve. •Nga ana tjetër, Gazment Bardhi, në përfundim të mbledhjes tha se deputetë do të vijojnë kaosin në Kuvend, madje shtoi se mazhoranca po i detyron që të ndërmarrin akte ekstreme, siç është ajo e grevës së urisë.
6 artikuj për këtë temë.
TIRANË- Kreu i Grupit Parlamentar, Gazment Bardhi ka folur për mediat pas përfundimin të mbledhjes me deputetët.
Ai tha se Partia Demokratike është e vendosur mos lërë mazhorancën të zhvillojë mbledhjet parlamentare dhe ju bëri thirrje të heqin dorë nga pengimi i opozitës
"Sot kemi diskutuar mbi situatën jo normale ku është përfshirë Kuvendi për shkak të sjelljes antikushtetuese të mazhorancës. Jemi të vendosur për të vijuar aksionin demokrati brenda Kuvendit për t’i pamundësuar punën normale mazhorancës. Mazhoranca duhet të tërhiqet nga shkelja e ligjit. Nuk kërkojmë favore prej tyre, por respektim të kushtetutës. Po na nxisin të shkojmë drejt akteve ekstreme. Opozita tashmë është bashkë. Qoftë në Surrel, qoftë te vila e Nikollës ata mund të mblidhen dhe të votojnë, por kjo është në shkelje të rregullores. Mbledhja online është në shkelje, është dështim i shtetit ligjor”, tha Bardhi.
TIRANË- Kryetari i Partisë Demokratike, Sali Berisha tha se opozita do të vijojë aksionin për kaosin në Kuvend dhe mos zhvillimin e komisioneve.
"Shkelmon të drejtat e popullit opozitar. I tmerruar nga ato që kanë abuzuar me pushtetin e tij. E di që me komisionet hetimore parlamentare do t’i nxjerrin atij të gjitha të palarat dhe si përfundim do të dorëzojë mandatin dhe do të shkojë në punë të vet. Aksionin e keni shumë transparent. Do jeni ju të parët që do ta mësoni. Në komision ishit. Parlamenti ekziston si ndërtesë dhe grupi i fuqishëm që mbron Kushtetutën. Të tjerët zhduken si minj.
Greva e urisë dhe çdo akt tjetër do merret në kohën e duhur. Gatishmëria e qytetarëve është për t’u admiruar. Asnjë ligj që kalon në kundërshtim me Kushtetutën dhe ligjet e vendit nuk do të njihen nga opozita. E patë si kaluan në kundërshtim me ligjin, pa mbledhje komisionet dhe të futur pas karrigeve. Kushtetuta e ndalon përveç se në gjendje të jashtëzakonshme. Nëse ngushëllon veten Edi Rama dhe e quan këtë si të ligjshme, le ta ngushëllojë. Berisha i tretë është më i fuqishëm se çdo Berishë deri më sot"
TIRANË-Kreu i Grupit Parlamentar të Partisë Demokratike Gazment Bardhi, ka lajmëruar se sot do të zhvillohet mbledhja e grupit. Bëhet me dije se disa nga deputetët demokratët nuk do të mund të marrin pjesë në mbledhje pas penalizimeve të vendosura nga Kuvendi, për protestën e organizuar nga deputetët opozitarë gjatë javës së shkuar.
Deputetët që nuk do të do të jenë pjesëmarrës janë Saimir Korreshi, Elda Hoti, Lindita Metaliaj, Ervin Salianji, Petrit Doda dhe Edmond Spaho.
Kujtojmë se deputetët e Partisë Demokratike që janë përjashtuar nga punimet e Kuvendit nuk u lejuan të hyjnë në Kryesi as në datën 6 nëntor të këtij viti. Ish-kryeministri Sali Berisha e quajti të paligjshëm vendimin, duke u shprehur se deputetëve po u ndalohet që të marrin pjesë edhe në mbledhjen e Grupit të tyre Parlamentar.
TIRANË- Dosja.al ka siguruar me video momentin kur deputeti i PD-së, Edmond Spaho nuk lejohet të futet brenda Kryesisë së Kuendit. Edhe pse është paraqitur sipas njoftimit të Gazment Bardhit në Kryesinë e Kuvendit, për të qenë në mbledhjen e grupit, është penguar nga Garda e Republikës.
Ky deputet vazhdon të jetë i përjashtuar nga jeta parlamentare, pas vendimit të Sekretariatit të Etikës. Kujtojmë se sot në orën 12:00 është parashikuar që të mbahet në Kryesi, mbledhja e grupit parlamentar.
TIRANË-Rikthehen sërish tensionet te Kryesia e Kuvendit. Garda nuk lejoi deputetin demokrat Edmond Spaho, për të hyrë në Kuvend, si pasojë e masës së përjashtimit që është ende në fuqi.
Aktualisht janë 6 deputetë të përjashtuar, që nuk do të lejohen të marrin pjesë në mbledhjen e parashikuar të mbahet në orën 12:00.
/Dosja.al
TIRANË- Kreu i grupit parlamentar i Partisë Demokratike, Gazment Bardhi do të mbledh ditën e sotme grupin parlamentar të PD-së. Mbledhja mësohet se do të mbahet në orën 12:00, në sallën e grupit në Kryesinë e Kuvendit.
“Të nderuar kolegë, Nesër, e hënë, ora 12:00, mbledhje e grupit në sallën e grupit në Kryesinë e Kuvendit”, thuhet në njoftim.
Pak ditë më parë deputetet e opozitës u ndaluan nga Garda e Republikës të futeshin në Kryesinë e Kuvendit për të marrë pjesë në Komisione, ndërsa zgjodhën më pas të futeshin duke kaluar nga dritaret. Ndërkohë, ditën e sotme të gjitha komisionet janë zhvilluar online, për të shmangur përplasjet me opozitën e cila prej disa kohësh i ka bllokuar./Dosja.al
