BERAT/ Qytetarët zgjedhin mes Demos dhe Ismailajt, vihet nën hetim Lefter Maliqi, PD: Po votohet familjarisht

Zija Ismaili

BERAT- Kandidati i “Bashkë fitojmë” në Berat, Zija Ismaili ka ushtruar të drejtën e votës. Pas votimit Imaili ka deklaruar për mediat se situata ka qënë problematike në 24-orët e fundit.

Ai ka denoncuar prezencës e shumë forcave policore që kanë qarkulluar gjatë natës,të shoqërua nga automjete që nuk janë nga Berati.

“Dua të denoncojë forcat e shumta të policisë, i bëj thirrje ministrisë së brendshme të distancohet nga këto akte. Ne duam zgjedhje të qeta. qytetarët e Beratit janë njerëz të kulturuar që duan qetësi”,-tha Zija Ismaili.

Lefter Maliqi

KUÇOVË- Kandidati i koalicionit Bashkë Fitojmë për bashkinë e Kuçovës, Lefter Maliqi është vënë nën hetim pasi ka kanosur 4 persona.

Mësohet se të katër personat që janë kanosur nga Maliqi janë punonjës të fitmës së ndërtimit Salillari, të cilët ndodheshin në një lokal në vend. Gjithashtu ka nisur hetimi për shoqëruesin e tij M.H, 48 vjeç.

Juliana Memaj

DIMAL- Partia Demokratike e udhëhequr nga Enkelejd Alibeaj ka denoncuar kryebashkiaken e Dimalit Juliana Memaj se ka detyruar administratorët e njësive vendore që të firmosin vërtetime për shumë qytetarë që të lejojnë votimin familjar. PD thekson se kjo është e ndaluar me ligj dhe se ky vërtetim mund të firmoset vetëm nga eksperti mjeko-ligjor.

Njoftimi nga PD-ja:

Në bashkinë Dimal, administratorët e njësive vendore të Bashkisë, me urdhër të kryetares së bashkisë që kandidon në zgjedhje, po firmosin vërtetime për shumë qytetarë për të lejuar votimin familjar në kundërshtim me kodin zgjedhor. Vërtetimi për votim në emër të dikujt tjetër (në prani të tij) duhet të lëshohet nga eksperti mjeko-ligjor. Bashkëngjitur dhe vërtetimi i lëshuar në njësinë Poshnje

Dokumenti