Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Kryetari i Partisë Demokratike Sali Berisha ka kërkuar që mjekët t’i bashkohen revoltës së Opozitës për t’i shkurtuar ditët qeverisë së kryeministrit Edi Rama. Berisha tha se në Shqipëri mjekët po përçmohen, nuk po paguhen dhe se Rama po i detyron të emigrojnë. Berisha u shpreh se ligji i parë që ndryshoi qeveria e Ramës kur erdhi në pushtet është ai për ndalimin e importit të ilaçeve që nuk tregtohen në BE. Kreu i PD tha se kanë vendosur ligjin që në Shqipëri do hynin ilaçe që tregtohen vetëm ne vendet e BE, pasi ishin të sigurta. Por, ai shtoi se ligjin e hoqi Vilma Nushi për të cilën tha se përfaqësonte ndërmarrjen farmaceutike publike të Beogradit.
10 artikuj për këtë temë.
TIRANË- Mjekja kirurge, Lida Shosha, ngriti alarmin për largimin e bluzave të bardha, jo vetëm mjekët, por gjithnjë e më shumë edhe infermierët. Në tryezën e organizuar nga kryetari i Partisë Demokratike, Sali Berisha, me profesionistët e shëndetësisë, Shosha tregoi se nga spitali ku ajo punon aktualisht brenda 1 jave janë larguar nga Shqipëria 70 infermierë.
"Jam kirurge e përgjithshme. Prej më shumn se çerekshekulli kam shërbyer në spitalin e Traumës dhe së fundmi jam në një spital privat. Prej vitesh kemi parë se si sistemi shëndetësor dhe se si armata e shquar e mjekëve është përpjekurt me mish dhe shpirt t';i gjendet popullit në ditët e tij më të vështira, t'i gjendet qytetarit në sfidat e mëdha që ka kaluar ky tranzicion i zgjatur.
Nuk ka qenë e lehtë, ka qenë e vështirë, por mendoj që armata mjekësore ka qenë stoike. Ku jemi sot? Sot jemi përballë sfidave të jashtëzakonzhme të cilat do të kenë një kosto drastike në shëndetin e popullatës dhe kjo ka të bëjë me situatën aktuale të sistemit shëndetësor dhe largimin masiv të bluzave të bardha dhe jo vetëm të mjekëve, por edhe të infermierëve, teknicienëve, kanë ikur edhe staf të administratës nga spitalet.
Brenda 1 jave, nga spitali ku unë punoj u larguan 70 infermierë brenda një jave. Kjo është dramë. Megjithatë, shpeshherë e kam ngritur zërin dhe kam folur për problematikat e sistemit shëndetësor. As e ka vënë kush ujin në zjarr. Jemi baltosur, kanë hedhur topa balte ndaj nesh", tha mjekja Shosha.
TIRANË- ISh-kryeministri Sali Berisha ka bërë thirrje qytetarëve dhe mjekëve që të ngrihen dhe të rrëzojnë regjimin monist të kryeministrit Edi Rama. Berisha në fjalën e tij tha se mjekët duhet të përdorin influencën e tyre për të rrëzuar qeverinë, duke theksuar se sirenat për rrëzimin e kësaj qeverie po bien.
"Po bien sirenat e një drame të madhe për shqiptarët. Ju jeni dëshmitarë sesi po shpërbëhemi dhe kurrë nuk meritojmë një gjë të tillë. Ndaj dhe kam besim të madh se përkushtimi juaj ndaj profesionit, humanizmi juaj, djersa që keni derdhur do të jenë një apel, të bashkojmë të gjitha forcat. Të bëjmë gjithçka për të dalë nga kjo diktaturë e vërtetë. Kjo diktaturë e vërtetë në kuptimin e një pushteti absolut. Sot kjo parti është parti shtet njëlloj siç ka qenë para shkurtit 1991. Se në shkurt Ramiz Alia krijoi një këshill presidencial që përfshiu edhe të tjerë. Sot nuk ka asnjë drejtues që të mos jetë i PS. Nuk ka ndodhur kurrë, së fundmi mori edhe presidentin. Ky është një kushtrim për ne. Kjo erdhi në vazhdimësi, por arriti deri këtu. Detyra jonë është të ngrihemi. Aq sa duket i fuqishëm ky regjim, aq është edhe i kalbur. Këta vjedhin dhe vetëm vjedhin. Shpresoj tek ju dhe bashkërisht do bëjmë gjithçka për të ndërruar këtë qeveri, këtë sistem," tha Berisha.
TIRANË- Kreu i Partisë Demokratike Sali Berisha ka zhvilluar pasditen e së martës një tryezë diskutimi me mjekët për të folur mbi problematikat në sistemin shëndetësor. Berisha u shpreh se ligji i parë që ndryshoi qeveria e Ramës kur erdhi në pushtet është ai për ndalimin e importit të ilaçeve që nuk tregtohen në BE.
Kreu i PD tha se kanë vendosur ligjin që në Shqipëri do hynin ilaçe që tregtohen vetëm ne vendet e BE, pasi ishin të sigurta. Sipas ish-kryeministrit ligjin e hoqi Vilma Nushi për të cilën tha se përfaqësonte ndërmarrjen farmaceutike publike të Beogradit. Sakaq, kreu i selisë blu deklaroi se Vilma Nushi nuk është gje tjetër veçse një oligarke.
"Ligji i parë që ndryshoi qeveria e Ramës kur erdhi në pushtet është ai për ndalimin e importit të ilaçeve që nuk tregtohen në BE. Vilma Nushi e hoqi, përfaqësonte ndërmarrjen farmaceutike publike të Beogradit dhe duhet të futeshin ilaçet serbe që nuk futeshin dot, sepse nuk kishin standarde për tu tregtuar në BE. U hoq ligji dhe Vilma Nushi u shndërrua në oligarkun, pastaj mori edhe check up-in. Shpreh para jush bindjen time të thellë se kushti i të gjitha kushteve për t’i dhënë një përgjigje problematikave të mëdha të mjekëve është angazhimi i bluzave të bardha në një lëvizje të fuqishme kundër kësaj qeverie. Një punonjëse bashkie, na bëhet ministre. Dhe kjo ministre, dhe letrat higjienike i blen me tender sekret. Prandaj nuk rriten rrogat tuaja. Janë me dokumente të gjitha këto. Kjo ministre, porosit 50 respiratorë kur ato ishin aparate jetëshpëtimi. Erdhën 5 nga 50. Edhe sot nuk ka paguar asgjë për atë që bëri. Sepse është mik i qeverisë dhe ministres," tha Berisha.
TIRANË- Kryedemokrati Sali Berisha ka zhvilluar pasditen e së martës një tryezë diskutimi me mjekët për të folur mbi problematikat në sistemin shëndetësor. Berisha iu bëri thirrje mjekëve që të ngrihen për të rrëzuar regjimin monist të Edi Ramës. Sipas kreut të Partisë Demokratike mjekët duhet të përdorin influencën e tyre për të rrëzuar qeverinë.
"Ju jeni dëshmitarë se sa kanë ndryshuar pagat tuaja në nëntë vite. Cili është ndryshimi, ju them se me borxhin që ka marrë kjo qeveri, rrogat tuaja mund të ishin rritur edhe katër herë. Edhe katër herë mund të ishin rritur. Edhe të infermierëve, me radhë. Por, këto nuk kanë qenë në axhendën e qeverisë. përcmimi ëstë për mua i pashlyeshëm. Skena në spitalin e Traumës, ne n aka rastisur që në diktaturë na thërrisnin edhe në spitalin e burgut, ose thërrisnin të burgosur. Gardiani nuk futej në vendin që ne i vizitonim, rrinte tek dera. Ndërsa tek Trauma një demonstruesi i rrinin dy tek koka, dy tek dera," tha Berisha.
Mjeku i njohur Alban Harxhi bëri thirrje nga tryeza e organizuar nga Partia Demokratike me bluzat e bardha, për t'i dhënë fund largimit të mjekëve jashtë vendit.
Sistemi shëndetësor shqiptar, tha Harxhi, po lëngon nga keqadministrimi dhe keqqeverisja, duke e lënë figurën e profesionistit shëndetësor gjithnjë e më larg misionit të vend.
"Ky është një takim misionar. Ashtu si të gjithë ne e nisim karrierën tonë profesionale me fjalën betohem, kështu që jemi mbledhur sot për të kërkuar të prezantojmë shëndetësinë shqiptare si një aksion që ne duhet të nisim si profesionistë për ti dhënë jetë një sistemi që po lëngon nën kthetrat e strukturave qendrore duke e lënë figurën e profesionistit shëndetësor gjithnjë e më larg misionit të vend. Ne jemi sot këtu për t'u betuar se do të kërkojmë që nën suportin e politikave demokratike dhe figurave elitare të sistemit shëndetësor shqiptar t'i themi ndal hemorragjisë së bluzave të bardha jashtë vendit, t'i themi ndal keqmenaxhimit financiar shëndetësor, t'i themi ndal orvatjeve të pacientit, t'i themi ndal mosvlerësimit të mjekut dhe bluzave të bardha në shëndetësi. Jemi këtu për t'i thënë shoqërisë shqiptare se do të kërkojmë të ofrojmë një sistem shëndetësor ku objektivi të jetë shëndet për të gjithë. Të ofrojmë politika sa më efiçentë për pacientin dhe personelin shëndetësor, të ofrojmë mirëqenie shëndetësore me qasje europiane. Do të arrihet kjo falë bashkëpunimit tonë dhe politikave që po ndërmerr Partia Demokratike dhe veçanërisht Prof.Dr Sali Berisha", u shpreh Harxhi.
TIRANË- Mjeku Gëzim Xhepa tha se ajo që ka marrë kolpon kryesore për problematikat në sistemin shëndetësor në Shqipëri është QSUT dhe problem kyç është përgatitja e studentëve dhe specializantëve. Gjatë tryezës së mjekëve Shepa tha se shteti duhet të kthejë sytë tek QSUT pasi në këtë situatë ku ndodhemi rrezikojmë që të largohen edhe studentët e specializantët drejt perëndimit.
"Goditjen fatale sistemit arsimor ja ka dhënë unifikimi i titujve. Duke unifikuar titujt akademik me titujt e research imponuan në gjithë personelin mjekësor të tentojnë me aftësi apo paaftësi të vihen në dispozicion të studentëve. Të ndahen dy titujt si më parë, bashkëpunëtori i vjetër shkencor nga docenti, mjeshtri i kërkimeve nga profesori, përndryshe për interesat tona personale marrim përsipër të dëmtojmë të ardhmen e studentëve. Të kthehet vëmëndja në lëndët e informimit. Kështu si ka ardhur do na largohen studentët dhe specializantët duke kërkuar perëndimin, jo vetëm mjekët”, tha Xhepa.
TIRANË- Mjekja e njohur Lida Shosha akuzoi ish-ministrin e Shëndetësisë, Ilir Beqaj për futjen në treg të medikamenteve jo cilësore. Gjatë tryezës së mjekëve, Shosha tha se për cilësinë jo të mirë të medikamenteve, qytetarët ua hidhnin fajin mjekëve.
“Duhet një reformë në sistemin farmaceutik. Në kohën e ministrit Beqaj u lejua që në tregun shqiptar të operonin kompani aspak serioze, që futën në treg barnat apo medikamente jo cilësore dhe pasojat i patën qytetarët. E dini se çfarë ndodhte? Familjarët apo pacientët ia hidhnin fajin mjekëve për mos efikasitetin e mjekimit, ndërkohë që fajin e kishin pikërisht këto medikamente që ishin jo cilësore”, tha ajo.
TIRANË- Mjeku Fatos Kadeshi ka deklaruar se në vendin tonë duhet që të krijohet një institucion për kontrollin e barnave si FDA-ja. Gjatë tryezës së mjekëve, Kadeshi ka deklaruar se cilësia e medikamenteve është shumë e rëndësishme dhe se ekspertët për këtë institucion duhet që të specializohen jashtë vendit.
"Duhet të krijohet një institucion për kontrollin e barnave si FDA-ja. Cilësia e medikamenteve është shumë e rëndësishme. Duhet të specializohen komisioni i GNP-së si dhe i farmakovigjilencës. Institucioni si FDA-ja duhet që të futet në axhendë sa më shpejt si dhe ekspertët duhet që të specializohen jashtë shtetit," tha Kadeshi.
Ndërsa mjeku Admir Nake ka deklaruar se nëse një mjek largohet nga vendi, ai ka marrë bashkë me veten edhe shpresën e qytetarëve. Gjithashtu Nake ka shtuar se shëndetësia si dhe arsimi duhet që të konsiderohen si prioritet kombëtar në vend.
“Nëse ju shikoni një mjek që largohet, dijeni se ai ka marrë me vete edhe shpresën e shqiptarëve. Nëse mjeku ikën, ikën oksigjeni, dhe nëse oksigjeni bie ju e dini se çfarë ndodh. Shëndetësia dhe arsimi duhet të konsideron si prioritet kombëtar”, tha Nake.
TIRANË- Deputeti demokrat Tritan Shehu ka deklaruar se sistemi shëndetësor është shumë larg parametrave dhe objektivave të duhur. Gjatë tryezës sotme me mjekët, Shehu tha se sistemi financiar në vend është më i nënfinanciuari në Evropë.
"Fatkeqësisht sot ne të gjithë bashkë, ju të gjithë mjekët që jeni pranë qytetarit, sistemi ynë shëndetësor është larg parametrave dhe objektivave, larg elementëve për të cilët jemi mbledhur për të diskutuar. Sistemi shëndetësor është me i nënfinancuari në Europë me 2.1 të GDP nga buxheti dhe 0.8 nga kontribute diskete kur mesatarja europiane është 9. Kjo qeveri aktuale premtoi shëndetësi falas, por është kokëposhtë”, tha Shehu.
Shehu theksoi se, shërbimi shëndetësor është i mbushur me korrupsion shtetëror ndërsa përmendi PPP-të korruptive.
“Më i centralizuar se ka qenë në kohën e sistemit komunist. Shembull është drafti i fundit në parlament, ligji për spitalet. Shërbimi shëndetësor është i mbushur me korrupsion shtetëror, mjafton të shohim PPP-të e famshme që kanë krijuar monopole private nacionale të financuara nga shteti, gërryese të sistemit tonë shëndetësor. Goditen qytetarët, mjekët, goditen për dy arsye, e para për të maskuar realitetin korruptiv shtetëror dhe e dyta për të terrorizuar kolegët tanë”, tha Shehu.
TIRANË- Ish-kryeministri Sali Berisha ka mbajtur ditën e sotme një tryezë bisedimi me mjekët. Tryeza ka për qëllim nxjerrjen në pah të problemeve të sistemit shëndetësor në vendin tonë.
