Berisha: Pronari i skafit ishte Adhurim Kushi, janë zhdukur kamerat që kanë filmuar tragjedinë në Himarë

Sali Berisha

TIRANË- Kryetari i Partisë Demokratike, Sali Berisha në konferencën e përjavshme theksoi edhe një herë se opozita e ka shpallur armik kryeministrin e vendit Edi Rama. Ish-lideri i PD i kujtoi kryeministrit Rama se do të vijojnë betejën kundër tij, pasi të gjitha akuzat Partia Demokratike ai i ka me fakte, duke e cilësuar çështjen e inceneratorëve si aferën më të madhe në vend. Ndër të tjera, Berisha tha se Rama e ka kohën e numëruar pavarësisht se çfarë bën.

"Opozita e ka shpallur armik Edi Ramën. Kjo është një periudhë që ai vazhdon me metodat e tij grabitqare, por kjo nuk do të thotë që ne kemi hequr dorë nga beteja. Ne do mobilizohemi dhe do t’i japim atë që meriton. Deklaratat dhe akuzat tona janë të bazuara në fakte, por kalë beteje do të jetë çështja e djegësve. Ky zotëri ka firmosur në kundërshtim me ligjin e vendit, duke pasur shkresën e Agjencisë së Prokurimeve Publike se nuk mund të firmoset, ka firmosur tenderin për të vjedhur. Ky nuk mund të shpëtojë, le të bëjë ç’të dojë. Ky i ka kohërat e numëruara dhe në mënyrë figurative djegësit atje ku djegin plehrat do të djegin qeverinë e tij. Ne i kemi të gjitha me fakte dhe dokumente. Beteja do të jetë vendimtare, tha Berisha. kryeministri mund ta ketë bllokuar drejtësinë, por jo popullin,"-tha Berisha.

Sali Berisha

TIRANË- Vetëm pak minuta pasi Ilir Meta, tha se do të bashkëpunonte ngushtë me Sali Berishën, ky i fundit ka lëshuar deklarata pozitive ndaj kreut të Partisë së Lirisë. Sipas Berishës, Ilir Meta është një opozitar i vërtetë dhe do të bashkëpunojë me të. Deri më tani sipas Berishës nuk janë ulur në tavolinë me Ilir Metën, por do të bashkërendojnë në çdo veprim.

“Nuk jemi ulur për aksionin opozitar. Por Ilir Meta është opozitar i vërtetë. SPAK është bërë SKAP. Do të bashkërendojmë çdo veprim me Metën dhe partinë e tij. Ne i kemi të hapura gjërat ne jua themi qytetarëve,”- tha Berisha.

Sali Berisha

TIRANË- Kryetari i Partisë Demokratike, Sali Berisha ka bërë një thirrje për qytetarët. Sot në konferencën e tij me gazetarët, Berisha këshilloi qytetarët që të blinin apartamente në aferën e Portit të Durrësit.

"E morët vesh që në Portin e Durrësit kanë nisur të shesin apartamente. U bëj thirrje qytetarëve që të mos bien pre e mashtrimit se do jenë subjekt konfiskimi. Mos vendosni asnjë investim në një skemë gjigante vjedhje që shkon deri në 4-5 miliardë euro,"-tha Berisha.

Sali Berisha

TIRANË- Kryetari i Partisë Demokratike, Sali Berisha u ndal sot tek ngjarja kriminale e ndodhur tre ditë më parë në Potam të Himarës ku polici Arjan Tase, vrau me skaf një 7-vjeçare. Në konferencën e tij të përjavshme për shtyp, Berisha tha se skafi i përket Adhurim Kushit duke e cilësuar si një nga “çunat e Londrës” duke nënkuptuar veprimtaritë ilegale që ata merren. Berisha ka akuzuar edhe ministrin e Brendshëm, Bledi Çuçi se është anëtar i një shoqate detare ku bëjnë pjesë edhe trafikantë droge.

"Skafi ishte i Adhurim Kushit, një nga çunat e Taulant Ballës në Angli. Pra, e kuptoni vetë origjinën e skafit. Adhurim Kushi punon akoma në Britani dhe blen skaf. Autori jo vetëm tentoi të largohet, por janë zhdukur kamerat që kanë filmuar skenën e aksidentit. Qytetarët janë të revoltuar. Nuk mund ta kapërcejë Edi Rama me halucinacione. Arjan Tase, me origjinë nga Përmeti, u rikthye në detyrë nga dy ministrat. Ai nuk plotësonte asnjë kusht, përveç lidhjeve të forta me dy ministrat. Të dhënat tjera janë shumë tronditëse. Ministri i Brendshëm apo ministri i familjes, rezulton të jetë anëtar i një shoqate të mbushur me trafikantë dhe kontrabandistë, për të cilët media ka nxjerrë emra dhe fakte,"-tha Berisha.

FJALA E BERISHËS:

Falënderoj të gjithë qytetarët që vetorganizuan një proteste qytetare të madhe, për një çështje thellësisht tronditëse për shoqërinë shqiptare dhe për çdo vend, po të kishte ndodhur. Të dhënat që dalin rreth këtij problem, gjithçka flasin për një krim të mirëfilltë shtetëror. Skafi ishte me të gjitha ligjet i ndaluar të përdorej aty ku u ndodh. Skafisti ishte i palicencuar për përdorimin e skafit. Skafi ishte pronar i Adhurim Kushit, një nga çunat e Taulant Ballës në Londër, pra e kuptoni vetë origjinën e skafit. Adhurim Kushi punon akoma në Britani dhe blen skaf. Arjan Tase u rikthye në punë dhe është me origjinë nga Përmeti. U rikthyer në detyrë nga dy ministrat, nga Bledi Veltari dhe ministrja Kumbaro. Arjan Tase nuk plotësonte asnjë kusht për rikthimin e tij në detyrë përveç lidhjeve të forta që kishte me të dy ministrat. Të dhëna të tjera janë shumë tronditëse, ministri i Brendshëm, apo ministri i familjes siç e quajnë rëndon rezulton të jetë anëtari i një shoqate të mbushur me trafikantë dhe kontrabandistë për të cilën mediat kanë nxjerrë emrat dhe dhënë faktet.