Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Kreu i Komisionit Qendror të Zgjedhjeve, Ilirjan Celibashi thotë se nuk di të përcaktojë paraprakisht se cili grup i Partisë Demokratike do të regjistrohet në zgjedhjet lokale të 14 majit. I pyetur në lidhje me këtë gjë në një konferencë me gazetarët, Celibashi tha se pret që dikush të depozitojë kërkesën për tu regjistruar dhe të vlerësojë dokumentacionin që do të paraqesin. Ai shton gjithashtu se vendimi i Apelit më 3 mars do tu japë fund dyshimeve. • I pyetur për fondet, Celibashi tha se PD-ja do të marrë për zgjedhjet e 14 majit, dhe se është neni 180 që e përcakton mënyrën. Duke marrë parasysh zgjedhjet pararendëse, Celibashi tha se PD nuk do të marrë më pak se në vitin 2015, zgjedhjet e fundit lokale që ka marrë pjesë. • Përsa i përket fondit që do u ndahet partive politike për fushatën zgjedhore, kreu i KQZ tha se nuk do të jetë më i vogël se 130 milionë lekë, por që kjo gjë i takon Kuvendit. • Celibashi u pyet dhe për aplikacionin ‘Aktiv1sti’ dhe tha se deri më tani nuk ka pasur asnjë denoncim që të shqyrtojë nëse ka shkelje të ligjit apo jo. Sipas tij, gjithçka do të shihet nga sjellja e partive apo e institucioneve.
3 artikuj për këtë temë.
TIRANË- Kryetari i Komisionit të Zgjedhjeve, Ilirjan Celibashi thotë se nuk ka pasur asnjë denoncim për aplikacionin e Partisë Socialiste 'Aktiv1sti'. Në një konferencë me gazetarët, Celibashi thotë se në momentin që do të ketë një denoncim, do të bëhet një vlerësim i situatës. Ai shtoi gjithashtu se gjithçka do të shqyrtohet edhe bazuar në sjelljen e partive apo të institucioneve.
Pjesë nga konferenca:
Pyetje: PS ka krijuar një aplikacion në kuadër të zgjedhjeve ku administrata detyrohet të marrë pjesë. A përben kjo për KQZ shkelje të kodit zgjedhor dhe nëse po janë marrë masa?
Në KQZ nuk është paraqitur asnjë kërkesë, asnjë denoncim apo ankim në lidhje me këtë çështje dhe nuk mund të them asgjë, por nëse do të jetë objekt i shqyrtimit do ta vlerësoj nëse ka shkelje të ligjit apo jo, sjelle të partive apo edhe të institucioneve.
TIRANË- Kreu i Komisionit Qendror Zgjedhor Ilirjan Celibashi është shprehur se Partia Demokratike do të marrë fonde për zgjedhjet lokale të 14 majit, bazuar në nenin 180. Në një konferencë për gazetarët, duke marrë parasysh zgjedhjet pararendëse, Celibashi tha se PD nuk do të marrë më pak se në vitin 2015, zgjedhjet e fundit lokale që ka marrë pjesë. Përsa i përket fondit që do u ndahet partive politike për fushatën zgjedhore, kreu i KQZ tha se nuk do të jetë më i vogël se 130 milionë lekë, por që kjo gjë i takon Kuvendit.
Pjesë nga konferenca:
Është një vendim që do të duhet ta marr dhe s’po e bëj publik. Ligji ka përcaktuar në nenin 180 që merr fonde partia që ka marrë pjesë në zgjedhjet pararendëse në 2019. E dimë që PD s’mori pjesë por neni 180 ka përcaktuar në referim do merren sipas rastit të 2015 dhe 2017. Ka një përjashtim që për ato që s’kanë marrë pjesë në këto zgjedhje do merret në konsideratë procesi i 2019. Ne nuk kërkojmë fond se është cështje që i takon Kuvendit dhe vendos se sa para do të vendosim në dispozicion të partive politike për fushatën e tyre zgjedhore. Ky fond nuk do jetë më i vogël se 130 milionë. Megjithatë është cështje e Kuvendit dhe nuk kemi obligim. Ne kemi bërë një lloj kujtese që ka fonde që vihen në dispozicion të cilat janë apo alokojmë me qëllim që të marrim masat.
TIRANË- Kreu i Komisionit Qendror të Zgjedhjeve, Ilirjan Celibashi thotë se nuk di të përcaktojë paraprakisht se cili grup i Partisë Demokratike do të regjistrohet në zgjedhjet lokale të 14 majit. I pyetur në lidhje me këtë gjë në një konferencë me gazetarët, Celibashi tha se pret që dikush të depozitojë kërkesën për tu regjistruar dhe të vlerësojë dokumentacionin që do të paraqesin. Ai shton gjithashtu se vendimi i Apelit më 3 mars do tu japë fund dyshimeve.
Pjesë nga konferenca:
A keni krijuar një bindje se cilën PD do të regjistroni në zgjedhje dhe a besoni se më 3 mars do të marrë zgjidhje ky konflikt i PD?
Ka vetëm një PD që nëse do të plotësojë kushte do të regjistrohet. Do të regjistrohet. Kur të paraqitet kërkesa do të vlerësojmë dokumentacionin bashkëshoqërues të kërkesës për regjistrim dhe cilësinë e personave që e paraqesin. Gjykata do të vendosë më datë 3 se cili do të jetë organi udhëheqës për Partinë Demokratike. Kjo është një procedurë e nevojshme dhe nuk lidhet vetëm për procesin e regjistrimit në zgjedhje. Duhet të jetë e qartë se kush është në pikëpamje formale, organ drejtues i asaj partie.
Gjykata e Apelit ka caktuar 3 marsin si datë kur pritet të mbahet seanca për marrjen e vendimit për vulën e Partisë Demokratike. Vendimi i gjyqtarit Agron Zhukri që i dha vulën e selinë blu kryedemokratit Sali Berisha, do të shqyrtohet nga trupi gjykues i përbërë nga Relatore Gjyqtare Elona Mihali, anëtar Irida Kacerja dhe Astrit Kalaja. Vendimi i 25 marsit u konsiderua si fitore nga Komisioni i Rithemelimit që u ngrit nga kryedemokrati Sali Berisha pas përçarjes së selisë blu në dy grupe. Vetë Berisha u rikthye në seli, por 'kundërshtarët' e tij brenda partisë ankimuan vendimin e Zhukrit. Rimarrja e selisë së PD nga Berisha, sipas tyre është i paligjshëm sepse vendimi i Zhukrit nuk është i formës së prerë. Zyrtarisht, në regjistrin e partive politike në Gjykatën e Tiranës, Lulzim Basha figuron ende si kryetar. Kjo gjë ka sjellë ngërç dhe në regjistrimin e PD-së në zgjedhjet lokale që pritet të mbahen më 14 maj të këtij viti.
