Përplasjet në Veri, Kurti: Në demokraci s'ka vend për dhunë fashiste. Reagime edhe nga Tirana: Serbia mos të provokojë!
Takimi me zyrtarin e BE-së/ Osmani: Bandat kriminale të mbështetura nga Vuçiçi kanë qëllim destabilizimin...
Takimi me zyrtarin e BE-së/ Osmani: Bandat kriminale të mbështetura nga Vuçiçi kanë qëllim destabilizimin...
foto ilustruese Përplasen dy makina në aksin Gjirokastër-Jorgucat, plagosen tre persona 30 Maj, 10:55 P&e...
Nuredin Dumani del nga burgu, shoqërohet drejt GJKKO-së, sot do dëshmojë sot për 4 vrasjet në Durrës 30 Maj,...
Tensionet në veri/ Reagon Franca: Dënojmë dhunën! Kjo është një çështje e sigurisë europiane...
• Kryetari i Komisionit të Zgjedhjeve Ilirjan Celibashi ka deklaruar se Enkelejd Alibaj do të jetë me minus shtatë kandidatë në zgjedhjet lokale të 14 majit. Në një konferencë me gazetarët, Celibashi tha se të gjithë ata që janë tërhequr nga kandidimi nuk do të shfaqen në fletën e votimit. I pyetur se sa kandidatë ka në total Alibeaj, Celibashi tha se ende nuk kanë një informacion të plotë mbi këtë gjë pasi nuk janë shqyrtuar informacionet e depozituara në KZAZ. • I pyetur për denoncimin e Enkelejd Alibeajt ndaj Sali Berishës lidhur me përdorimin e simboleve të Partisë Demokratike, Celibashi tha se çështja duhet shqyrtuar dhe se në momentin që do të gjenden ngjashmëri që konfuzojnë zgjedhësit, njërës palë do t’i ndalohet përdorimi. • Kreu i KQZ-së u pyet dhe për rritjen e pagave dhe dhënien e shpërblimeve për pensionistëve nga kryeministri Edi Rama në prag të zgjedhjeve lokale dhe tha se kreu i qeverisë nuk e ka shkelur Kodin Zgjedhor. Celibashi tha se Kodi Zgjedhor nuk ndëshkon deklaratat por vendimet dhe si vendim, ai tha se është marrë më herët, ndërsa dje Rama ka bërë një deklaratë. Ai shtoi gjithashtu se Kodi Zgjedhor ndalon veprimtaritë katër muaj para zgjedhjeve të përgjithshme.
5 artikuj për këtë temë.
TIRANË- Kryetari i Komisionit Qendror të Zgjedhjeve Ilirjan Celibashi ka deklaruar se çështja e denoncimit të simboleve të Partisë Demokratike do të verifikohet. I pyetur për denoncimin e Enkelejd Alibeajt ndaj Sali Berishës lidhur me përdorimin e simboleve të Partisë Demokratike, Celibashi tha se çështja duhet shqyrtuar dhe se në momentin që do të gjenden ngjashmëri që konfuzojnë zgjedhësit, njërës palë do t’i ndalohet përdorimi.
"Duhet të shohim rastin, nuk e di se çfarë ka ndodhur fiks, por simbolet e një partie nuk përdoren dot nga një parti apo subjekt tjetër zgjedhor, Nëse kjo verifikohet, subjektit që i gjendet simbole të një partie tjetër, subjektit në fjalë i ndalohet përdorimi. Edhe për rastet e ngjashmërisë, nëse krijon konfuzion tek zgjedhësit, do tu ndalohet përdorimi,"- tha Celibashi.
TIRANË- Enkelejd Alibeaj do të futet me gjashtë kandidatë më pak në zgjedhjet e 14 majit. Kështu deklaroi kryetari i Komisionit Zgjedhor të Zgjedhjeve, Ilirjan Celibashi ku u pyet se si do të veprohet me të gjithë emrat e zgjedhur nga Alibeaj, të cilët janë tërhequr nga gara. Ata, sipas Celibashit, nuk do të shfaqen në fletët e votimit.
"Nëse tërhiqen nuk do jenë pjesëmarrës në garë. Do jenë subjektet e tjera, nuk do jetë në fletën e votimit, do mungojë. Nëse tërhiqen në këtë moment nuk do jenë më në fletën e votimit,"- tha Celibashi.
Sot u tërhoq nga gara një tjetër kandidat i Alibeajt. Sabah Sheta, i zgjedhur si kandidat për Krrujën u tërhoq duke deklaruar se nuk dëshironte të bëhet pjesë e një fasade. Ai është kandidati i gjashtë nga radhët e Alibeajt që tërhiqet nga zgjedhjet lokale, pas kandidatit të Lezhës, Kurbinit, Librazhd, Vorë dhe Korçë.
TIRANË- Kreu i Komisionit Qendror të Zgjedhjeve Ilirjan Celibashi ka deklaruar se ligji e përcakton qartë se kur konsiderohet një deklaratë shkelje e Kodit Zgjedhor. Në një konferencë për mediat, Celibashi u pyet për deklaratën e kryeministrit Edi Rama që i konsideroi rregullat si 'kinezeri partish' dhe tha se nuk ka asgjë për të shtuar. Sipas kreut të KQZ-së, edhe nëse Rama do të sanksionohej, nuk do të ishte ai personi që do të bënte pagesën, pasi si rregull, sanksionet depozitohen në sekretari.
Pjesë nga fjala e Celibashit:
Nuk kam asgjë për të komentuar, ajo që di të them është se nëse diçka është e parashikuar në ligj, duhet zbatuar. Gjithsecili prej nesh ka vendime e mendime, por përsa kohë një rregullim është pjesë e ligjit, do të zbatohet në mënyrë strikte. Ne besojmë sepse këto masa kanë efektet e tyre, vlera e sanksioneve mund të ishte edhe më shumë, por nuk besoj se është ajo që standartizon që ruan integritetin e procesit zgjedhor. Për më tepër që një pjesë e sanksioneve nuk u shkon as ministrave, as qeverisë dhe as kryeministrit, por sekretarit të përgjithshëm. Sanksioni nuk është ai që garanton zbatimin e normës sepse vendimet i marrin të tjerët, penalitetet të tjerët.
Një ditë më parë, kreu i qeverisë konfirmoi rritjen e pagës minimale nga 1 prilli në 40 mijë lekë, ndërsa deklaroi ambicien për të ndërhyrë edhe në pagën mesatare në vend, që aktualisht është rreth 60 mijë lekë të reja. Ai tha se paga mesatare pritet të shkojë 900 euro. I pyetur për shkeljen e Kodit Zgjedhor, duke qenë se ky vendim është në prag të zgjedhjeve lokale, Rama tha se nuk do t'i lërë pensionistët të presin 'kinezeri partish'.
TIRANË- Kryetari i Komisionit Qendror të Zgjedhjeve Ilirjan Celibashi tha se nuk e dinë ende se me sa kandidatë në total do të futet deputeti Enkelejd Alibeaj në zgjedhjet e 14 majit. Në një konferencë me gazetarët, Celibashi tha se ky konfuzion ndodh për fakti nse një pjesë e dokumentacioneve dorëzohen në KQZ, ndërsa një pjesë tjetër në KZAZ. Sipas Celibashit, numri i kandidatëve do të zbardhet sot në darkë, ose nesër.
"Akoma nuk e kemi atë informacion, kjo pasi një pjesë e dokumentacioneve dorëzohet në KQZ, pjesa tjetër në KZAZ, besoj sot ose nesër do të kemi një informacion zyrtar pasi të kemi bërë dhe vlerësimin e dokumentacionit përkatës. Gjithsesi, disa të dhëna mund t' ju jap, janë 24 subjekte zgjedhore që kanë depozituar listat shumëemërore në KQZ, 39 i kanë depozitar në KZQZ, na rezulton se janë 832 lista me kandidatë për anëtarë të këshillit, 147 kandidatë për kryetarë bashkie, dokumentacion i depozituar për 147 kandidatë, 7 nga zgjedhësit, 5 për këshillit bashkiak dhe 2 për kryetarë bashkie. Në total na rezultojnë 22607 kandidatë që janë në proces verifikimi. Zyrtare konsiderojmë listat që miratuam sot. Është proces voluminoz,"- tha Celibashi.
TIRANË- Kryetari i Komisionit Qendror të Zgjedhjeve, Ilirjan Celibashi ka deklaruar se kryeministri Edi Rama nuk e ka shkelur Kodin Zgjedhor me deklartaën e bërë një ditë më parë për rritjen e pagave dhe shpërblimin e pensionistëve. I pranishëm në një konferencë me gazetarët, Celibashi tha se Kodi Zgjedhor nuk ndëshkon deklaratat por vendimet dhe si vendim, ai tha se është marrë më herët, ndërsa dje Rama ka bërë një deklaratë. Ai shtoi gjithashtu se Kodi Zgjedhor ndalon veprimtaritë katër muaj para zgjedhjeve të përgjithshme.
Pjesë nga konferenca
Pyetje: A mund të më sqaroni specifikisht aktivitetet e ndaluara 4 muaj para zgjedhjeve, a përfshijnë shpërblimin e pensionistëve, qeveria ka premtuar dhe rritjen e pagave, a janë këto aktivitete të ndaluara?
Ilirjan Celibashi: Shiko, kjo çështja e vlerësimit të veprimtarisë së institucioneve publike është bërë disa objekt diskutimi. Ajo që dua të sqaroj është fakti që vlerësimet i japim rast pas rasti, për aktivitete dhe për aktete e vendimmarrjeve të caktuara. Kjo nuk është aspak qasje refuzuese apo që të konsiderohet si mospërgjigje ndaj pyetjes tuaj, por në momentin që do të ketë një akt të tillë nga kryeministrit apo qveerisë, do t'ju informojmë. Ne ende nuk kemi aktin apo veprimtarinë, ndaj nuk japim dot vlerësime apo gjykime. Nuk do të ishim në rolin tonë si KQZ nëse do ta bënim këtë gjë, por do të dilnim si analistë. Nuk shoh asnjë arsye për të mos iu përgjigjur por ka një dallim mes akteve dhe veprimtarive. Përsa u përket akteve dhe veprimtarive që prodhojnë veprimtaritë publike, kodi ka rregullimin e plotë në lidhje me përcaktimin se cila është veprimtari e një funksionari publik dhe cila është politike. Në vlerësimin tonë kjo është e qartë dhe kjo gjë lidhet me kodin e afatin para zgjedhjeve, 4 muaj para, përsa u përket veprimtarive. Përsa u përket akteve, është e ndryshme për akte të ndryshme. Duhen vlerësuar disa rrethana për ta vlerësuar këtë gjë. Ka akte të cilat të qeverisë apo institucioneve publike që fillon dhe përfundon brenda periudhës 4-mujore. Parë kështu, duket sikur po thyejmë Kodin Zjgedhor. Por nëse e vlerësojmë më tej, do të thotë që është në përputhje me parashikimet e Kodit Zgjedhor. Në këtë rast nuk kemi vendimmarrje, por kemi deklarim. Nuk vlerësojmë deklarime. Një gjë dua ta theksoj, Kodi Zgjedhor ka ndalime që lidhen vetëm me zgjedhjet e përgjithshme.
Një ditë më parë, kreu i qeverisë konfirmoi rritjen e pagës minimale nga 1 prilli në 40 mijë lekë, ndërsa deklaroi ambicien për të ndërhyrë edhe në pagën mesatare në vend, që aktualisht është rreth 60 mijë lekë të reja. Ai tha se paga mesatare pritet të shkojë 900 euro. I pyetur për shkeljen e Kodit Zgjedhor, duke qenë se ky vendim është në prag të zgjedhjeve lokale, Rama tha se nuk do t'i lërë pensionistët të presin 'kinezeri partish'.
