I vdiq pacienti me Covid-19 në duar! Dhunohet nga familjarët e të ndjerit mjekja e Infektivit! Pesë persona e rrahin me grushte dhe thyejnë dyert e dritaret e spitalit

Infektivi

TIRANË- Ministria e Shëndetësisë ka dënuar dhunimin e mjekes, ngjarje e ndodhur mesditën e sotme në pavionin e Infektivit. Në një reagim zyrtar, MSH shkruan se autorët duhet të vihen para drejtësisë. Ministria e Shëndetësisë shton se bluzat e bardha janë në krye të detyrës, gjithmonë për të dhënë shërbimin e nevijshëm dhe çdo gjest i tillë kundrejt tyre, është i papranueshëm.

Reagim mbi ngjarjen e ndodhur në Spitalin Infektiv

Ministria e Shëndetësisë dhe Mbrojtjes Sociale dënon ashpër dhunën e ushtruar ndaj ekipit të mjekëve dhe infermierëve në Spitalin Infektiv, të cilët kanë qenë në krye të detyrës, duke reanimuar një pacient në gjendje të rëndë, teksa janë goditur dhe dhunuar nga familjarët e pacientit. MSHMS e konsideron të patolerueshëm çdo akt dhune ndaj personelit shëndetësor dhe inkurajon organet e drejtësisë të çojnë deri në fund zbardhjen e kësaj ngjarjeje, duke çuar para drejtësisë autorin/autorët që kanë ushtruar dhunë ndaj mjekëve dhe infermierëve në detyrë. Ministria e Shëndetësisë dhe Mbrojtjes Sociale siguron qytetarët se shërbimi mjekësor është garantuar dhe do të vijojë të garantohet për çdo qytetar nga personeli shëndetësor i kualifikuar. MSHMS mbështet stafin mjekësor që shërben çdo ditë me përkushtim e profesionalizëm për pacientët dhe dekurajon çdokënd që nxit gjuhën e urrejtjes ndaj mjekëve dhe infermierëve.

Infektivi

TIRANË- Shkak për dhunimin e mjekes në pavionin e Infektivit në Qendrën Spitalore Universitare Nënë Tereza mësohet se është bërë vdekja e vëllait të një prej të arrestuarve. I ndjeri ishte i sëmurë dhe ishte shtruar në pavionin e Infektivit. Pasi mjekja u ka komunikuar familjarëve vdekjen e tij, ata kanë shpërthyer në sulm fizik dhe kanë rrahur me grushte doktoreshën.

Më pas kanë thyer dyert e dritaret e spitalit. Në pranga janë vënë Igli Spahija dhe Bledar Bali kanë, ndërsa tre të tjerë me inicialet K. S., 50 vjeç (me precedent të mëparshëm penal), E. Xh., 47 vjeç dhe A. M., 55 vjeç, janë proceduar penalisht. 

QSUT

TIRANË- Igli Spahija dhe Bledar Bali, përkatësisht 41 dhe 54 vjeç, të dy banues në Tiranë, janë personat e vënë në pranga pasi akuzohen se kanë dhunuar një mjeke në Qendrën Spitalore Universitare Nënë Tereza. Ngjarja e rëndë mësohet se ka ndodhur rreth orës 14:00 të mesditës së sotme.

Dy të arrestuarit bashkë me tre persona të tjerë të proceduar penalisht kanë rrahur me grushte mjeken dhe më pas kanë shkatërruar dyert e dritaret e spitalit. Ata pretendonin se mjekja kishte treguar neglizhencë mjekësore ndaj një të afërmi të tyre që ishte shtruar në këtë spital.

Të proceduarit deri më tani janë identifikuar me inicialet: K. S., 50 vjeç (me precedent të mëparshëm penal), E. Xh., 47 vjeç dhe A. M., 55 vjeç. 

Foto Ilustruese

TIRANË- Dy persona janë vënë në pranga, ndërsa tre të tjerë janë proceduar penalisht pasi akuzohen se kanë dhunuar një mjeke në një nga spitalet shtetërore në Tiranë si dhe kanë dëmtuar dyert e dritaret e spitalit. Në njoftimin e policisë së Tiranës, bëhet me dije se në pranga janë vënë I. S., 41 vjeç dhe B. B., 54 vjeç, të dy banues në Tiranë, ndërsa janë proceduar tre të tjerët me inicialet: K. S., 50 vjeç (me precedent të mëparshëm penal), E. Xh., 47 vjeç dhe A. M., 55 vjeç. Ngjarja mësohet të ketë ndodhur rreth orës 02:00 të mesditës së sotme. Pesë personat në fjalë kanë rrahur mjeken me pretendimin se ajo kishte treguar neglizhencë mjekësore ndaj një të afërmi të tyre që ishte shtruar në këtë spital. Më pas kanë shkatërruar dyert dhe dritaret e spitalit. Perosnat në fjalë nuk u janë bindur as efektivëve të policisë. 

Njoftimi i policisë Tiranë:

Goditën për shkak të detyrës një mjeke, dëmtuan dyert dhe dritaret e spitalit ku ajo punonte, arrestohen në flagrancë 2 shtetas, procedohen penalisht 3 të tjerë. Të arrestuarit nuk iu bindën urdhrave të punonjësve të Policisë, të cilët shkuan në vendin e ngjarjes, për të kryer veprimet procedurale. Specialistët për Hetimin e Krimeve të Komisariatit të Policisë Nr. 4, pas marrjes së njoftimit se disa shtetas kishin goditur për shkak të detyrës një mjeke dhe kishin dëmtuar ambientet e spitalit ku ajo punonte, kanë organizuar menjëherë punën për identifikimin dhe kapjen e autorëve. Si rezultat i veprimeve të shpejta nga shërbimet e Policisë, u arrestuan në flagrancë shtetasit I. S., 41 vjeç dhe B. B., 54 vjeç, të dy banues në Tiranë. Gjithashtu, u referuan materialet në Prokurori dhe nisi procedimi penal në gjendje të lirë për shtetasit: K. S., 50 vjeç (me precedent të mëparshëm penal), E. Xh., 47 vjeç dhe A. M., 55 vjeç. Këta shtetas, rreth orës 02:00 të ditës së sotme, në ambientet e një spitali shtetëror, kanë goditur me grushte, për shkak të detyrës, një mjeke të këtij spitali, me pretendimin për neglizhencë mjekësore ndaj një të afërmi të tyre, që mjekohej në këtë spital, si dhe kanë dëmtuar dyert dhe dritaret e këtij institucioni. Gjithashtu, këta shtetas nuk iu janë bindur urdhrave të punonjësve të Policisë që shkuan në vendin e ngjarjes, menjëherë pas marrjes së njoftimit për këtë rast. Materialet i kaluan Prokurorisë pranë Gjykatës së Rrethit Gjyqësor Tiranë, për veprat penale “Goditje për shkak detyrës", “Mosbindja ndaj urdhrit të punonjësit të Policisë së rendit publik” dhe “Shkatërrimi i pronës”, të kryera në bashkëpunim.