Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Franca ka hyrë në ditën e gjashtë të protestave, pas vrasjes së 17-vjeçarit, Nahel nga oficeri i policisë. •Një zjarrfikës 24-vjeçar ka humbur jetën në përpjekje për të shuar zjarrin në Saint-Denis, të ndezur nga protestuesit. •Tensionet duket se janë në rënie me 157 arrestime gjatë natës, një numër ky më i ulët se ditët e fundit. •Ministria ka njoftuar se tre policë të forcave të rendit janë plagosur gjatë përplasjeve me protestuesve. •Raportohet për 352 zjarre në rrugët publike, ku 297 automjete morën flakë dhe 34 ndërtesa u dogjën. •Për të përballuar dhunën në Francë, janë vendosur 45,000 policë. •Ndërkohë prsidenti i Francës Emmanuel Macron pritet të takohet sot me krerët e Parlamentit.
5 artikuj për këtë temë.
FRANCË- Trazirat në Francë duket se po qetësohen, pas pesë ditësh protesta të dhunshme si kundërpërgjigje ndaj vrasjes së adoleshentit Nahel M nga efektivi i policisë rrugore.
Megjithatë, presidenti Emmanuel Macron i ka kërkuar ministrisë së brendshme që të shtojë forcat e policisë në rrugë. Të hënën, kryebashkiakët kërkuan që të mbahen mitingje jashtë bashkive për të protestuar kundër dhunës dhe plaçkitjes, shkruajnë mediat e huaja.
Në Nanterre, vendlindja e Nahelit, kryebashkiaku Patrick Jarry tha se ishte i kënaqur që dhuna ishte ulur, por shtoi se nuk duhet të harrojë incidentin që ndezi këtë situatë dhe nevojën e vazhdueshme për drejtësi.
Më vonë pasdite, disa qindra njerëz morën pjesë në një tubim në L'Haÿ-les-Roses në mbështetje të Vincent Jeanbrun, kryetarit të bashkisë, shtëpia e të cilit u sulmua nga rebelët, të cilët qëlluan me raketa mbi gruan dhe fëmijët e tij të arratisur, duke i thyer këmbën dhe duke plagosur një prej tyre. Ngjarja po trajtohet si vrasje e mbetur në tentativë.
FRANCË- Një video e një të riu duke drekuar i vetëm mes përleshjeve në Francëështë kthyer virale në rrjet. Videoja e postuar ka mbledhur miliona shikime. Nga njëra anë, protestuesit hedhin sende ndaj policëve të armatosur, në mes është ndezur zjarr dhe në këtë atmosferë të tensionuar, një i ri është ulur i pashqetësuar duke ngrënë.
Ndjekësit në rrjetet sociale janë argëtuar me këtë skenë. Shumë njerëz kanë komentuar duke thënë se kjo është diçka normale në Francë ose askush nuk mund të ndërhyjë midis një francezi dhe “baugette-s” së tij.
FRANCË- Vdekja me armë zjarri nga policia e 17-vjeçarit Nael që shkaktoi një valë trazirash në Francë ka sjellë në fokus legjislacionin mbi praktikat e policisë ashtu edhe nëse ata janë të trajnuar siç duhet për rolin e tyre, raporton CNNgreece.
Nahel M ishte personi i tretë i vrarë gjatë një ndalese për kontroll këtë vit pas 13 vdekjeve vitin e kaluar. Shumica e viktimave ishin me ngjyrë ose me origjinë arabe.
Në vitin 2017, pas një ndryshimi në ligj, rrethanat në të cilat oficerët e policisë mund të hapin zjarr janë edhe kur drejtuesi ose pasagjerët e një automjeti shpërfillin urdhrin për të ndaluar dhe konsiderohen se përbëjnë një kërcënim për oficerin. Ndryshimi i ligjit u vendos pas presionit nga sindikatat e policisë kur në vitin 2016 një oficer policie në një periferi të Parisit pësoi djegie të rënda kur një grup të rinjsh hodhën kokteje molotov në makinën e tij.
Kritikët e legjislacionit argumentojnë se ligji është aq i paqartë sa që i takon oficerëve të policisë të vendosin nëse një shofer është një kërcënim apo jo. Ndërkohë ish-ministri i brendshëm Bernard Cazeneuve beson se problemi nuk është ligji por mungesa e profesionalizmit apo trajnimit të policisë.
FRANCË- Presidenti Emmanuel Macron do të takohet sot me krerët e të dy dhomave të parlamentit pasi protestat e dhunshme në Francë për vrasjen e adoleshentit Nahel M nga oficeri i policisë duket se po qetësohen, raporton The guardian.
Macron do të takohet gjithashtu të martën me kryetarët e 220 qyteteve të prekura nga protestat, tha zyra e tij, pas një takimi të krizës të dielën mbrëma me ministrat e qeverisë.
FRANCË- Një zjarrfikës 24-vjeçar vdiq në përpjekje për të shuar zjarrin në Saint-Denis gjatë protestave pas vrasjes së 17-vjeçarit Nahel në Nanterre, shkruajnë mediat e huaja.
“Ndërsa po luftonte zjarrin e disa automjeteve në një parking nëntokësor në Saint-Denis, një zjarrfikës 24-vjeçar vdiq në Paris, pavarësisht ndihmës së shpejtë nga shokët e skuadrës”,- njoftoi ministri i Brendshëm francez, Gerald Darmanin.
