Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Klaudjo Çobaj plagos me thikë nënën e tij, 50-vjeçare, Donika Çobajn. • 30-vjeçari qëlloi disa herë me thikë të ëmën, edhe pse kjo e fundit u hodh nga kati i dytë i banesës. • I riu, i sapo kthyer nga Gjermania, kërkoi nga nëna e tij para. •Pas rezufimit, ai e ka qëlluar me mjetin prerës. •30-vjeçari ka kryer sulmin me thikë ndaj nënës së tij në gjendje të dehur. • Pasi e ka goditur, Klaudjo është larguar menjëherë nga banesa. •Ai u arrestua pak minuta më pas nga policia e shtetit, në gjendje të dehur.
4 artikuj për këtë temë.
FIER- Artur Shehu, dëshmitar okular i plagosjes së Donika Çobajt nga djali ka treguar se si ndodhi ngjarja. Ai ka treguar se kanë parë Klaudio Çobajn duke goditur nënën e tij edhe pse kjo e fundit u hodh nga kati i dytë. E tmerrshme është dëmshmia e Shehut. Ai zbulon se edhe pse 50-vjeçarja u hodh nga kati i dytë, djali e qëlloi sërish me thikë duke mos pasur mëshirë.
'Dëgjuam zhurmë, o Klajdi çfarë bëre, se jemi komshinj këtu në katin e dytë. Pamë atë që doli nga ballkoni, ai duke e goditur. Vazhdoi e shkreta, u hodh nga kati i dytë. Jemi rritur bashkë, ai çun shumë i mirë, as alkool, as cigare. Ajo u hodh nga ballkoni e shkreta për të shpëtuar ‘çfarë më bëre”. Ai doli jashtë dhe filloi ta qëllonte sërish. I bërtita dhe e la. Më dëgjoi dhe e hodhi thikën. Erdhën familjarët, e kapëm me nja dy gra të lagjes dhe e dërguan në spital,” tha dëshmitari për Syri.net.
FIER- Fqinjët e familjes Çobaj janë shprehur të tronditur pas ngjarjes së rëndë që ndodhi mëngjesin e sotëm. Ato shprehen për 'News24' se nuk e prisnin që Klaudio Çobaj të godiste me thikë të ëmën, pasi ishin familje e qetë. Fqinjët kanë treguar se 30-vjeçari ka pak kohë që ishte kthyer nga Gjermania.
“Djali s’ka qenë problematik dhe nuk janë dëgjuar debate më parë. Nuk e kemi besuar kur dëgjuam çfarë kishte ndodhur. Sot dëgjuam fjal, por nuk e pamë çfarë ka ndodhur”, thanë fqinjët.
'Jemi habitur. Ajo jetonte me vajzën, ai ishte në Gjermani.Djalin e kish kapur Covid, erdhi nga Gjermania, kishte një kollë. Nuk dëgjuam asgje, ishte familje e qetë'
Mëngjesin e sotëm, Klaudio Çobaj plagosi disa herë me thikë nënën e tij 50-vjeçare, Donika Çobajn. Shkak mësohet të jetë bërë rezufizimi i nënës që t'i jepte para. I riu u arrestua nga policia në gjendje të dehur, disa minuta pas arratisjes.
FIER- Klaudio Çobaj është arrestuar nga policia. 30-vjeçari plagosi me thikë nënën e tij e më pas u largua në drejtim të paditur. Çobaj, goditi disa herë me thikë nënën e tij, Donika Çobajn. Kjo e fundit ka marrë plagë të shumta në bark, këmbë e qafë. Ajo ndodhet në spital në gjendje të rëndë për jetën.
Në momentin që policia arrestoi autorin, i riu ishte në gjendje të dehur.
NJOFTIMI I POLICISË:
“Kapet dhe shoqërohet në Komisariatin e Policisë Fier, 30-vjeçari që plagosi nënën e tij me thikë. Në vijim të informacionit paraprak të dhënë për plagosjen me thikë të shtetases D. Ç., falë reagimit të menjëhershëm dhe në kohë të shërbimeve të Policisë, u bë kapja e shtetasit K. Ç., i cili u shoqërua në Komisariat, për veprime të mëtejshme. Po kryhen veprimet hetimore, për zbardhjen e rrethanave të ngjarjes”
Sherri mes djalit e nënës besohet se ka nisur për para. Ka qënë 30-vjeçari ai i cili kërkoi nga e ëma para. Duke qënë se Donika Çobaj nuk i dha, 30-vjeçari e plagosi me thikë.
FIER-Një ngjarje e rëndë ka ndodhur ditën e sotme në Fier. Një 30-vjeçar ka plagosur me thikë nënën e tij, 50-vjeçare për arsye ende të paditura. Kjo e fundit ndodhet në gjendje të rëndë në spital, duke marrë kujdesin e duhur nga mjekët. Autori, me inicialet K.Ç, është arratisur. Grupi hetimor po punon për zbardhjen e rrethanave të ngjarjes dhe kapjen e 30-vjeçarit.
NJOFTIMI I POLICISË:
Sot, rreth orës 09:00, në Dukas, Patos, në banesën e tij, shtetasi K. Ç., 30 vjeç, ka plagosur me mjet prerës (thikë), nënën e tij, shtetasen D. Ç., 50 vjeçe, e cila ndodhet në spital nën kujdesin e mjekëve. Grupi hetimor po punon për zbardhjen e rrethanave të ngjarjes dhe kapjen e 30-vjeçarit.
