6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kryetari i Prokurorisë së Posaçme (SPAK), Altin Dumani ka deklaruar se kanë rikthyer për hetim rreth 10 dosje të vjetra. Në raportimin që bëri para Këshillit të Lartë të prokurorisë, Dumani zbuloi për herë të parë listën e institucioneve ku SPAK ka hyrje direkte dhe përmendi Gjendjen Civile, Kadastrën, llogaritë bankare apo "Teams". • Dumani tha se SPAK po vepron me metoda speciale, ku përveç përgjimeve telefonike në terren janë përfshirë edhe agjentët e infiltruar. • Dumani tha se gjatë vitit që lamë pas, është parë që rastet e pastrimit të parave, kanë qenë në rritje. Ai shtoi se lufta kundër korrupsionit është në fokus të punës së Prokurorisë së Posaçme Anti Korrupsion. • Ai ripërmendi dhe problematikën e mungesës së zyrave dhe tha se të paktën 6 hetues qëndrojnë në një zyrë.
9 artikuj për këtë temë.
TIRANË- Kreu i Prokurorisë së Posaçme Kundër Korrupsionit dhe Krimit të Organizuar (SPAK), Altin Dumani u ka 'tërhequr vëmendjen' anëtarëve të Këshillit të Lartë të Prokurorisë. Teksa raportonte para KLP-së, Dumani tha se duhet të kenë më shumë vëmendje në momentin që emërojnë prokurorët e rinj. Ai shtoi se ky është një proces që kërkon më shumë kujdes.
Pjesë nga fjala e Dumanit:
Çdo dy vite prokurorët rivlerësohen, ka teste të ndryshme, ka vlerësim që marrim nga prokurorët, nga drejtuesja, etj. Si të garojmë për herë të parë. Është proces i mbikëqyrur nga ndërkombëtarët. Uroj që të gjithë të rivlerësohen. Nuk është ky institucion hajde ta mbajmë kot, është vlerësim objektiv, shansi jepet 2 vjet. Lidhur me bashkëpunimin me KLP un kam pasur një komunikim normal. Do doja të ishit të vëmendshëm kur të zgjidhnit prokurorët. Të jeni të kujdesshëm dhe të vëmendshëm. Mbaj mend ça procesi kemi kaluar ne kur kemi kandiduar. Ua kërkoj këtë.
TIRANË- Kryetari i Prokurorisë së Posaçme Kundër Korrupsionit dhe Krimit të Organizuar (SPAK) Altin Dumani tha se lufta e tyre është e fokusuar tërësisht tek korrupsionit. Në raportimin e bërë në KLP, Dumani shtoi se SPAK do të vërë të gjitha burimet në funksion të këtij seksioni. Dumani shtoi se edhe në fushën e krimit të organizuar, ka pritshmëri.
Pjesë nga fjala e Dumanit:
Fokusi është lufta ndaj korrupsionit, hetimi i veprave penale me natyrë korruptive. Si drejtor i SPAK do të vë të gjitha burimet në funksion të këtij seksioni. Sa i takon krimit të organizuar, pritshëritë e mia janë shumë të mira.
TIRANË- Kreu i Këshillit të Lartë të Prokurorisë, Alfred Balla i ka sugjeruar Prokurorisë së Posaçme Kundër Korrupsionit dhe Krimit të Organizuar (SPAK) që të kalojnë në ambientet që më herët përdoreshin nga Ujësjellësi. Në raportimin që po bënte në KLP, Balla tha se duke qenë se SPAK është ankuar shumë herë për ambiente, mund të kalojë tek zyrat e ish-Ujësjellësit.
Pjesë nga fjala e Ballës:
KLP në bashkëpunim me Ministrinë e Drejtësisë dhe Bashkinë e Tiranës, ish-zyrat e nisura nga bashkia për ujësjellësin do t’i vërë në dispozicion për Byronë Kombëtare të Hetimit apo Prokurorisë së Posaçme Anti Korrupsion. Kjo do t’ju ndihmojë që të sistemoheni së shpejti dhe të mos keni probleme
TIRANË- Kreu i Prokurorisë së Posaçme Kundër Korrupsionit dhe Krimit të Organizuar (SPAK), Altin Dumani ka bërë sërish apel për ambiente të reja. Në raportimin që po bënte para KLP-së, Dumani tha se në një zyrë qëndrojnë të paktën gjashtë prokurorë dhe e bën të pamundur marrjen e personave në pyetje. Ai shtoi gjithashtu se kjo gjë mund të sjellë edhe prishjen e provave, pasi nuk ka ambiente të përshtatshme për t'i mbajtur.
Pjesë nga fjala e Dumanit:
Një problematikë tjetër që është edhe e karakterit infrastrukturor, kemi një situatë alarmante. Nuk kemi zyra për prokurorë për zyrtarë të Byrosë Kombëtare të Hetimit. Kemi edhe tetë të tjerë për të rekrutuar, kemi sistemeve digjitale, laborato shumë të mirë, por nuk kemi ambiente dhe rrezikojmë të limitohemi. Gjendja është alarmante, jemi në një mjedis të kufizuar, kemi 4 apo 6 hetues në një zyrë dhe nëse një hetues merr në pyetje dikë, të tjerët duhet të dalin jashtë në mënyrë që të presin sa të mbarojë marrja në pyetje. Kemi shumë prova në një mjedis shumë të kufizuar, rrezikojmë edhe t’i prishim ato.
TIRANË- Kryetari i Prokurorisë së Posaçme Kundër Korrupsionit dhe Krimit të Organizuar (SPAK), Altin Dumani është shprehur se gjithmonë ka mbështetur kolegët e tij dhe i ka nxitur që të vijojnë me hetimet e shumë çështjeve. I pranishëm në KLP, Dumani tha se për çdo dosje janë respektuar afatet proceduriale.
Pjesë nga biseda:
Nurihan Seiti: Edhe diçka tjetër, janë dosje të mbartura, por është çështja e afatave. Arresti në burg ka një afat të përcaktuar, edhe dosje të mbartura, edhe arrest në burg. Çfarë ndodh me këta? Mund të thuash ndonjë element me byronë, çfarë ka ndryshuar, në çfarë shkalle është rritur bashkëpunimi me policinë, të gjitha këto?
Altin Dumani: Nuk ka pasur ndonjë rast kur afati i arrestit me burg për ndonjë person nën hetim ka përfunduar pa ua hetuar dosja e tij. Janë respektuar afatet proceduriale në respekt të afatit arrest me burg. Unë e konsideroj si mision detyrën time. Këtë gjë po përpiqem të përcjell te prokurorët. Kam një komunikim të mirë me kolegët. I kam mbështetur. Edhe i kam nxitur. Kam nxjerrë një urdhër që i kam deleguar prokurorëve të SPAK shkresat që rregullojnë marrëdhëniet e prokurorëve me hetimin. Janë shkresa që më takojnë mua, por ia kam deleguar atyre.
TIRANË- Nurihan Seiti, një nga anëtaret e Këshillit të Lartë të Prokurorisë ka kritikuar kryetarin e Prokurorisë së Posaçme Kundër Korrupsionit dhe Krimit të Organizua (SPAK), Altin Dumani. Drejtuar këtij të fundit që raportoi në KLP, Seiti tha se presin më shumë rezultate, pasi SPAK nuk është më një institucion i ri. Ajo përmendi bashkëpunimin me të huajt dhe tha se SPAK ka burimet dhe emrat e nevojshëm për të dhënë më shumë rezultate.
Pjesë nga fjala e Seitit:
Atëherë, ju lutem, dua tu rikthehem dhe njëherë çështjes për të cilën ju ffolët sërish, Nuk dua të them më që jeni institucion i ri. Po bëni kohë tashmë që jeni krijuar. Unë e kam ndjekur dhe kam parë se çfarë pune është bërë, të gjithë presin rezulltate. Ju keni bërë dhe një kërkesë për një prokuror të përkohshëm. kemi mbetur ende me emra të përkohshëm. Atëherë, e para mendoj se jeni paragjykues dhe munmd të hapim garën që ju te vendosni emra anëtarësh siç duhet që ju të jeni komod dhe personi në fjalë gjithashtu. Dhe, ta theksoj, nuk është se nuk i keni numrat.
TIRANË- Kryetari i Prokurorisë së Posaçme Kundër Korrupsionit dhe Krimit të Organizuar (SPAK) Altin Dumani ka deklaruar se kanë rikthyer mbi 10 dosje të jetra, të nisura nga denoncimet e bëra nga mediat dhe nga të huajt. I pranishëm në KLP, ku dhe raportoi sot, Dumani tha se SPAK ka bashkëpunuar ngushtë edhe me Policinë e Shtetit.
Pjesë nga biseda:
Altin Dumani: Çështjet e mbartura janë një problematikë që ekzistojnë. Prokurorët jgatë gjithë këtyre viteve janë fokusuar tek çështjet që i kanë konsideruar prioritare. Gjithashtu shkak ka qenë dhe mungesa e hetuesve të BKH-së. Siç e dini në muajin qershor u plotësuan me 32 hetuesit e BKH-së. Sot e shikojmë situatën pak më ndryshe. Lidhur me a ka çështje në kufijtë e parashkrimit, edhe kjo ka qenë pjesë e analizës që unë kamë bërë. BKH është përgjegjëse nëse një çështje shkon në parashtrim, u kam kërkuar që të rritet shpejtësia e hetimit. Unë u thashë që kanë marrë një po them, një seri takimesh me të gjithë prokurorët dhe hetuesit, për dosjet e mbartura, me qëllim rishikimin e secilës dosje. Unë si drejtues kam bërë gjithçka që kam pasur në dorë. Ka pasur raste që prokurori ka thënë nuk kam hetues, kam studiuar rastin dhe kam gjetur dikë tjetër dhe i kam thënë 'do punosh me këtë'. Të njëjtën gjë kam bërë edhe për çështje që siç thatë ju janë në kuadër parashkrimit. Duke krijuar grup hetuesish. Gjithashtu, kur është dashur bashkëpunimi i policisë së shtetit, u kemi kërkuar dhe atyre, janë treguar të gatshëm dhe na kanë vënë në dispozicion OPGJ-të. Mjetet teknike ua kemi vënë në dispozicion të gjithëve. Në rast se duan të bëhem pjesë e hetimit, jamë vetëofruar. Nëse duan. Kam shfrytëzuar gjithë mundësitë reale që unë kam në dispozicion që një çështje të ecë përpara. Ky do të jetë një ndër prioritetet e këtij viti, eliminimi i çështjeve të mbartura. Përsa i takon çështjeve të pezulluara, është ulur numri i tyre. Përsa i takon çështjeve të vjetra, nuk është se kemi vendosur një dosje të vjetër që herë pas here duhet ta rishikojmë. Është dhe policia që na referon kur ka diçka të re që ta rihetojmë.
Pyetje: Pyetja në fakt ishte dhe përsa u përket bashkëpunimit tuaj me policinë
Altin Dumani: Mbi 10 çështje të vjetra, që më parë kanë qenë hetuar nga Krimet e Rënda, kemi rinisur. Është rifilluar hetimi për 10 hetime që kishin mbetur. Lidhur me çështjet e tjera, kemi një rritje cilësore të çështjeve proceduriale
Pyetje: Kur thoni cilësore, keni në mendje përfundimin e hetimeve apo natyrën e çështjes?
Altin Dumani: Natyrën, përsa i përket përfundimit, duan kohën e tyre. Çështjet kryesisht rinisen nga mediat, pas publikimeve të materialeve të reja ose nga BKH. BKH ka iniciuar shumë hetime të tjera.
TIRANË- Kryetari i Prokurorisë së Posaçme Kundër Korrupsionit dhe Krimit të Organizuar (SPAK), Altin Dumani ka bërë me dije se rastet e pastrimit të parave që janë marrë nën hetim, janë në rritje. Në raportimin e bërë në KLP, Dumani tha se dke qenë se ka shumë ngarkesë dosjesh, disa prej tyre lihen pas dore. Ai shtoi se prokurorët fokusohet tek ato më të rëndësishmet.
Pjesë nga fjala e Dumanit:
SPAK ka demonstruar se rastet për pastrim parash janë në rritje. Në 2022, 12 çështje të reja, çështje me burim kallëzimi nga juridiksione të huaja. SPAK i ka kushtuar vëmendje të veçantë veprave penale në trafik narkotikësh apo terrorizmit. Unë kam pasur një projekt ide. Është një projekt ide e imja. E kam diskutuar me prokurorët e SPAK, kishim ndarje qëndrimesh nëse duhet të krijonim një mini seksion. Diskutimi ishte i hapur dhe për momentin nuk është parë e rrugës që të krijohet ky miniseksion. Përsa i përket ngarkesës, duhet të kemi parasysh natyrën e çështjeve, mjafton një çështje që të merr gjithë kohën dhe të lesh pas dore disa çështje të tjera, duke u fokusuar tek disa që janë më prioritare. Nuk mund të sillemi njësoj me të gjitha çështjet sepse nuk e kemi këtë mundësi reale. Numri 20 i miratuar është i mjaftueshëm.
TIRANE- Drejtuesi i Prokurorisë së Posaçme, SPAK, Altin Dumani ka raportuar sot në Këshillin e Lartë të Prokurorisë pjesë nga puna e institucionit që drejton. Dumani zbuloi për herë të parë listën e institucioneve ku SPAK ka hyrje direkte dhe përmendi Gjendjen Civile, Kadastrën, llogaritë bankare apo "Teams". Dumani tha se SPAK po vepron me metoda speciale, ku përveç përgjimeve telefonike në terren janë përfshirë edhe agjentët e infiltruar.
“Pasja akses e drejtpërdrejt e SPAK në këto databaza jep mundësine për kryerje verifikimesh e hetimesh në mënyrë aktive dhe sa më shpejt duke evituar dhe rrjedhjen e informacionit”, theksoi kreu i SPAK. Sa i takon çështjeve të korrupsionit të nivelit të zyrtarëve të lartë, Dumani tha se me kërkesë të SPAK, “GJKKO gjatë vitit 2022 ka dhënë 4 vendime dënimi me 4 të dënuar për ish zyrtarë të nivelit të lartë. Në periudhën 2020-2022 në total janë hetuar gjithsej 24 procedime me 25 persona në hetim ndaj ish zyrtarë të nivelit të lartë. Ndër këto janë dërguar në gjykatë 8 të pandehur ish gjyqtarë.
3 procedime penale me 3 të pandehur prokurorë
1 procedim penal me 2 të pandehur ish deputetë
1 procedim penal me 1 të pandehur ish zv ministër
1 procedim penal me 2 të pandehur ish deputetë
1 procedim penal me 1 të pandehur anëtar i KPK
4 procedime me 4 të pandehur ish kryetarë bashkie”, tha Dumani./Dosja.al
