Dy vëllezërit shqiptarë vrasin me thikë kushëririn e tyre në Athinë, vetëdorëzohen në polici: Ka abuzuar seksualisht me ne kur ishim të vegjël (EMRAT)

pamje nga sherri

GREQI- Mediat greke kanë publikuar pamjet e kamerave të sigurisë, që kanë filmuar momentin kur dy vëllezërit shqiptarë, Aleksandros dhe Enis Loka janë përleshur me kushëririn e tyre, Denis Lokën.

Pas sherrit mes tyre, njëri prej vëllezërve e ka goditur me thikë në fyt. Më pas e kanë lënë të plagosur në mes të rrugës, derisa është gjetur nga policia. 28-vjeçari i plagosur është dërguar menjëherë në spital, por nuk ka mundur t'i mbijetojë plagës së marrë. 

Video e publikuar nga Protothema: 

Pas kësaj nisën hetimet për të zbuluar kush ishin autorët, të cilët u shpallën në kërkim. Pas rreth dy orësh dy vëllezërit janë dorëzuar në polici me nënën e tyre ku rrëfyen se çfarë ndodhi dhe më pas u vunë në pranga.

Ata janë shprehur para autoriteteve greke se kur kanë qenë fëmijë të vegjël dhe jetonin në Shqipëri, 28-vjeçari kishte abuzuar seksualisht me ta. E kur kanë shkuar në Greqi janë përpjekur të harrojnë çfarë ka ndodhur. Megjithatë në ditët e fundit, 28-vjeçari kishte shkuar po ashtu në Greqi. Kur e panë, sipas tyre iu është kujtuar çfarë kishte ndodhur dhe vendosën ta vrisnin. 17-vjeçari ka deklaruar se ka qenë ai që e ka goditur drejtpërdrejt në qafë.

pamje nga sherri

GREQI- 28-vjeçari shqiptar, Denis Loka është vrarë me thikë mbrëmjen e djeshme nga dy kushërinjtë e tij në mes të rrugës në Athinë. Autorët e dyshuar të vrasjes janë, Enis Loka 17-vjec, i cili ka marrë përsipër edhe vrasjen ndërsa vëllai i tij Aleksandros Loka sipas dëshmisë së tij e ndihmoi në vrasje.

Gjithçka ka ndodhur rreth orës 22:50 të mbrëmjes së të hënës (7 tetor), kur efektivët e Policisë Rrugore gjetën të përgjakur në tokë të riun shqiptar. 28-vjeçari i plagosur në fyt, u dërgua me ambulancë në spitalin Evangelismos ku ndërroi jetë pak kohë më vonë. Në videon e kamerave të sigurisë është kapur momenti i sherrit të përgjakshëm mes 28-vjeçarit dhe dy vëllezërve 17 dhe 19 vjeç.

Fillimisht policia nisi kërkimet për kapjen e autorëve, por pas rreth dy orësh dy vëllezërit janë dorëzuar në polici. Pas dorëzimit, dy vëllezërit kanë deklaruar se 28-vjeçari ka abuzuar me ta qëkur ishin të vegjël. Autoritetet greke po vijojnë hetimet për zbardhjen e plotë të ngjarjes ndërkohë që janë sekuestruar dy thika të përdorura në krim.

foto ilustruese

GREQI- Një 28-vjeçar shqiptar është goditur mbrëmjen e djeshme me thikë nga dy kushërinjtë e tij dhe si pasojë ka humbur jetën.

Autorët e ngjarjes, dy vëllezër, përkatësisht 17 dhe 19 vjeç, janë paraqitur vetë në komisariat. Ata kanë deklaruar se 17-vjeçari ishte autori i krimit dhe se është ndihmuar nga i vëllai. Ata kanë gjithashtu para policisë se viktima, Denis Loka ka abuzuar me to qëkur ishin të vegjël, pa pasur detaje të tjera për çfarë abuzimi bëhet fjalë.

Gjithçka ka ndodhur rreth orës 22:50 të mbrëmjes së të hënës, kur efektivët e Policisë Rrugore, të cilët po lëviznin drejt Patisionit, e panë viktimën të përgjakur në tokë. 28-vjeçari u dërgua me ambulancë në spitalin Evangelismos, por nuk arriti t'i mbijetonte plagëve të marra dhe ndërroi jetë në spital.