'Ekonomia'/ Mungon ministrja, Braçe: Pse nuk u mbështetën fermerët? Tabaku: Kërkoj sqarim për arrestimin e Gjokutajt

Erion Brace

TIRANË- Deputeti i Partisë Socialiste, Erion Braçe, në komisionin e ekonomisë ku po diskutohet për disa ndryshime në buxhetin e vitit 2022, u shpreh se njësitë zbatuese nuk kanë bërë si duhet detyrën. Ai tha se të shpenzosh 146 miliardë lekë, “vetëm në një muaj vetëm disiplinë fiskale nuk është”. Braçe tha se në këtë pikë, “po të doni e kthej dhe personale”.

'Për shpirt nuk e votoj pasi kam deklaruar në shtator se nuk do të arrijnë dot që të realizojnë dot shpenzimet. Ua thashë edhe në dhjetor, edhe 6 ditë para se të mbyllej viti Çfarë kanë bërë njësitë zbatuese të buxhetit deri në 30 nëntor? Të shpenzosh 146 miliardë lekë vetëm në një muaj vetëm disiplinë fiskale nuk është. Këtu po të doni e kthej dhe personale. Në dy aktet e fundit normative kam kërkuar vetëm 1 miliardë lekë. Sot deficitin nuk do ta realizojmë në datë 26 për 13 miliardë lekë. U kam kërkuar 1/12 e kësaj që nuk u realizua. Nuk ua kërkova për vete dhe as për kolegët e mi. Ua kërkova për të përmbushur mbështetjen buxhetore për bujqit.

Sot që flasim 1/3 e tyre nuk e morën naftën falas. Ata kanë mbjellë grurë me naftë 2400 lekë. Të paguhen të gjithë punonjësit e shtetit dhe vetëm ata që prodhojnë ushqim për këtë vend, të mos marrin as atë që u kishim premtuar në fillim të vitit?

Për shpirt nuk e votoj. Iu thashë që në shtator që nuk i realizoni dot shpenzimet, ua thashë edhe në dhjetor, edhe 6 ditë para se të mbyllej viti.

Pikërisht se nuk do të ndodhte kjo, u bë ky akt. Po për çfarë duhet më deputeti, kur nuk e dëgjon askush? Kemi edhe problemin në programim, kemi edhe problemin e madh të moszbatimit të buxhetit”, tha Braçe.

Erion Brace

TIRANË- Komisioni i Ekonomisë nisi me debate. Deputetët kërkuan prezencën e ministres ndërsa të tjera rihapën çështjen e '21 janarit'. Ata që debatuan për këtë çështje ishin deputetët Edmond Spaho dhe Erion Braçe.

Braçe tha se për të njëjtën çështje brenda katër ditësh ka qëndrime të ndryshme. Ndërsa i është përgjigjur Edmond Spahos i cili gjatë debatit u ndal tek 21 janari, për të cilin tha se do të presë drejtësinë.

“Për çështje penale nuk kam asnjë dëshirë të pyes kënd . Shumica dërrmuese që janë këtu dhe mbivendosja. Kam vendosur që me durim shumë dhe respekt të Kushtetutës të dëgjoj drejtësinë. Gjithkush ka mënyrën e vet të të qasurit ndaj drejtësisë.Une kam këtë. E kam qepur, e kam mbyllur gojën dhe kërkoj të pres drejtësisë. Kam duruar lloj palaçoje në parlament. Akti normativ ka hyrë në fuqi ditën që është miratuar. Mua më shqetëson fakti se për të njëjtën çështje brenda katër ditësh ka qëndrime të ndryshme. Përse ka qëndrime të ndryshme për propozime deputetësh. Përse ka qëndrime të ndryshme dhe për  një kategori punëtorësh marrin shpërblim dhe të tjerë jo. Përse këta të bujqësisë nuk marrin, kush është argumenti? Përse 24 ditë pasi është mbyllur viti kemi ende para pa përdorur kur janë dhënë të gjitha alternativat se si të përdoren paratë në mënyrë efektive. Mua më intereson buxheti i shtetit”, tha Braçe.

Erion Brace

TIRANË- Deputeti i Partisë Socialiste, Erion Braçe kërkoi të dinte se përse fermerët nuk janë përfshirë në pakon e madhe. Ai kërkoi që në Komisionin e Ekonomisë të ishte e pranishme edhe ministrja, Ibrahimaj.

'Ministrja duhet të ishte patjetër e pranishme në Komision. Unë dua të di pse nuk u dha asnjë ndihmë për bujqësinë. S’ka njëri këtu të ketë problem me paketën e madhe përkundrejt shtresave në nevojë. E di kush është meraku im, që para 20 ditëve kemi miratuar këtë aktin tjetër. Ky akti tjetër, 4 ditë para sesa të mbyllej viti. Edhe unë dhe kolegë të tjerë kemi ngritur shqetësimin për ekzekutimin e buxhetit dhe realizimit si dhe parashikimit të tij.'- tha Braçe.

Sot në komisionin e Ekonomisë po shqyrtohet akti normativ për disa ndryshime në ligjin për buxhetin e vitit 2022, në kuadër të Pakos së Madhe, e cila u miratua nga qeveria, për t’i qëndruar pranë të gjitha kategorive të shoqërisë dhe për të zbutur efektet e rritjes së çmimeve dhe inflacionit të lartë për shkak edhe të luftës në Ukrainë.

Edmond Spaho

TIRANË- Deputeti i PD-së, Edmond Spaho në nisje të fjalës së tij gjatë Komisionit të Ekonomisë përmendi çështjen e '21 janarit'. Ai pati debat me socialistin Erion Braçe, ndërsa theksoi se kjo histori del në fokus sa herë që ka zgjedhje.

DEBATI:

Spaho: Mësoni nga eksperienca jonë. Mësoni! Mos u merri me këto

Braçe: Në gjykatë atje do shkoni..

Spaho: Çoji çojini. Sa herë ka zgjedhje, hapni ndonjë histori me 21 Janarin.

Tabaku

TIRANË- Deputetët në Komisionin e Ekonomisë u ankuan për mosprezencën e ministres së Ekonomisë Delina Ibrahimaj. Deputetja e Partisë Demokratike, Jorida Tabaku kërkoi që të shtyhej për një moment tjetër komisioni mirëpo kërkesa e saj nuk u miratua. Tabaku tha se ministrja duhet të ishte patjetër në komision, jo vetëm për buxhetin por dhe të jepte një sqarim për arrestimin e sekretarit të përgjithshëm të Ministrisë së Financave, Arlind Gjokutaj.

'Kam nxjerr një listë me pyetje për ministren. Në seancën e fundit për aktin normativ kur diskutuam këtu kishim një listë me pyetje për ministren. Kishim një transferim kapitali tek koorporata e investimeve, kishim një sërë elementësh të cilët në gjykimin tonë e prishin procesin normal të planifikim buxhetor. Ministrja nuk na ktheu përgjigjje! Kam nxjerrë këtu një listë për të gjitha gjërat që nuk na ktheu përgjigjje. Megjithësë ministrja nuk ktheu përgjigjjë, unë nisa shkresa zyrtare për ministren dhe sot e kësaj dite nuk kam përgjigjje për shkresat zyrtare që unë kam nisur.

Na erdhi një memo që në gjykimin tim ishtë një turp t’i vij deputetëve të Komisionit të Ekonomisë. Një memo ku dhe një student I ekonomisë di të shkruaj më mirë. Nuk e di sesi mund të shpjegohet transferimi I kapitalit me fjalë sikur të jetë hartim letërsie. Këtë e dini ju! Unë dua përfaqësimin më të lartë këtu! I thamë ministres a ka nevojë për ndryshimë të tjera? Nuk erdhi për të na sqaruar as në parlament, sepse në parlament pastaj bëhet diskutimi si bëhet. A ka nevojë për ndryshime tjera? “Jo” tha ministrja, “nuk ndryshon më buxheti.”

A ka mundësi që brenda këtij buxheti ne të bëjmë shtesa të tjera? Të gjithë kolegët tjerë ranë dakord, të paktën për dy fusha që mund të bëheshin shtesa. Thamë e votojmë dhe ne aktin normativ. Jo, nuk ka më hapësirë, nuk do bëjmë më ndryshime të tjera tha Me datë 30 u njoftua ky ndryshim. Unë mendoj që është e nevojshme që të jetë këtu së pari ministrja. Së dyti, kisha nevojë për një informacion.

Është hera e parë që ministrja për arrestimin e zyrtarit, nëpunësit më të lartë të autorizues I shtetit shqiptar, pasi sot ai është para drejtësisë. Minimumi ministrja duhet të vintë këtu, në daljen e kësaj publike, në mledhjen e parë të Komisionin e Ekonomisë ku kishte përfaqësues dhe të jepte një sqarim se çfarë ka ndodhur. Tani diskutojmë këtu për planifikim buxhetor sikur çfarë është dhe ju shkelni me dy këmbë buxhetin që miratoni vetë në fundvit. Dhe lërë pastaj të flasim për atë të miratuar në fillim të vitit, që është bërë leckë, ka 10 ndryshime që e kanë humbur komplet konceptin. kryetar ne jemi gjithë ditën këtu, kemi një axhendë të ngarkuar, ta spostojmë në orën 12 dhe fillojmë me pikat e tjera. '- tha Tabaku.

Sot në komisionin e Ekonomisë po shqyrtohet akti normativ për disa ndryshime në ligjin për buxhetin e vitit 2022, në kuadër të Pakos së Madhe, e cila u miratua nga qeveria, për t’i qëndruar pranë të gjitha kategorive të shoqërisë dhe për të zbutur efektet e rritjes së çmimeve dhe inflacionit të lartë për shkak edhe të luftës në Ukrainë.