Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Gazetarët e “Syri Tv” janë kërcënuar, teksa kanë qenë në qytetin e Rrogozhinës, pranë një lokal duke xhiruar një mbledhje të Partisë Socialiste në qytet. • Xhaxhai, punonjës policie i Edison Memollës, ka kërcënuar grupin e xhirimit të SYRI TV. • Siç duket edhe nga pamjet e regjistrua nga kamera, xhaxhai i kryebashkiakut ka shtyrë me dorë dhe ka kapur për krahu njërin nga pjesëtarët e grupit të xhirimit, duke i kërkuar që ta merrte me vete. • Edhe pse i pyetur nga gazetarja Marsi Korreshi se kush ishte, ai nuk ka pranuar të identifikohet. • Pas publikimit të pamjeve dhe reagimit, Policia ka bërë me dije se ka shoqëruar dy xhaxhallarët e kandidatit të Partisë Socialiste, të identifikuar si: 65-vjeçari Arif Memolla si dhe një 47-vjeçar tjetër me emrin Agim Memolla. • Ndërkohë që deri më tani nuk ka asnjë reagim nga vetë Edison Memolla dhe as nga Partia Socialiste. • Më 23 korrik, do të mbahen sërish zgjedhjet lokale në Rrogozhinë, ku sërish do të garojë Memolla dhe Shkëlqim Hoxha. •Përfaqësuesit ligjorë të koalicionit "Bashkë fitojmë" kundërshtuan rezultatin e 14 majit, kur u shpall fitues Edison Memolla, kandidati i PS, me argumentin se kutia e fundit që i dha fitoren atij ishin votat e të burgosurve.
3 artikuj për këtë temë.
TIRANË- Kryetari i Partisë Demokratike, Sali Berisha ka reaguar pas sulmit dhe kërcënimit të bërë ndaj grupit të xhirimit të SYRI TV në Rrogozhinë. Në rrjetet e tij sociale, kryedemokrati Berisha tha se e dënon sulmin, duke shtuar se e gjitha është e organizuar nga kryebashkiaku i Tiranës, Erion Veliaj.
"Bandat e Erion Velisë dhe familjarët e kandidatit të Edi Ramës, në Bashkinë e Rrogozhinës kërcënojnë ekipin e Syrit dhe i pengojnë në detyrën e tij. Në video keni xhaxhain e kandidatit rilindas, Arif Memolla, polic që agreson dhe fizikisht anëtarët e ekipit të televizionit Syri. Dënoj me ashpërsinë më të madhe këto akte banditeske të organizuara direkt nga Erion Veliaj dhe mbështes plotësisht mediat në detyrë dhe ju bëj thirrje atyre të vazhdojnë të përmbushin me guxim detyrën e tyre,"-shkruan Berisha në rrjetet e tij sociale.
Grupi i xhirimi i SYRI TV, ndodhej në Rrogozhinë për të transmetuar informacione në lidhje me drekën që kandidati i Partisë Socialiste, Edison Memolla kishte shtruar për mjekë, mësues, e punonjës të tjerë të administratës në lokalin e tij. Filmimet kanë "shqetësuar" të afërmit e Edison Memollës, të cilët kanë kërcënuar anëtarët e grupit të xhirimit të SYRI TV, e më pas janë shoqëruar në Komisariat për të dhënë sqarime lidhur me ngjarjen.
RROGOZHINË- Dy persona që kanë kërcënuar dhe kanosur gazetaren e Syri Tv, Marsi Korreshi ditën e sotme janë shoqëruar në polici. Mësohet se personat e shoqëruar janë 65-vjeçari Arif Memolla si dhe një 47-vjeçar tjetër me emrin Agim Memolla, të afërm të kandidatit socialist Edison Memolla, xhaxhallarët e kryebashkiakut aktual të Bashkisë. Këta dy persona nuk kanë lejuar që gazetarja të raportojë mbi një takim elektoral që kandidati i PS-së Edison Memolla bëri me punonjës të administratës, mësues dhe personel mjekësor.
Njoftimi i Policisë:
Rrogozhinë Rreth orës 11:55, Policia e Rrogozhinës ka marrë një telefonatë për ndihmë, nga ekipi i xhirimit të televizionit Syri TV, pasi gjatë kohës që po realizonin një kronikë, në qytetin e Rrogozhinës, pranë një lokali, 2 shtetas i kishin kanosur dhe iu kishin kërkuar që të largoheshin dhe të mos filmonin ambientin privat. Shërbimet e Policisë, pas marrjes së telefonatës, kanë shkuar menjëherë në adresën e dhënë, ku kanë marrë kontakt me pjesëtarët e ekipit të xhirimit dhe i kanë këshilluar për të bërë kallëzim në Stacionin e Policisë Rrogozhinë, por ata nuk kanë pranuar të bëjnë kallëzim, por janë marrë dëshmitë e tyre mbi rrethanat e ngjarjes.
Ndërkohë, shërbimet e Policisë identifikuan dhe shoqëruan menjëherë në Stacionin e Policisë Rrogozhinë, për veprime të mëtejshme procedurale, 2 shtetasit e përfshirë, konkretisht shtetasit A. M., 65 vjeç dhe A. M., 47 vjeç, të dy banues në Rrogozhinë. Policia e Shtetit e çmon shumë të vlefshme dhe të rëndësishme punën e gazetarëve, si dhe marrëdhënien e tyre me Policinë e Shtetit, prandaj në këtë kuadër i siguron gazetarët se do të kenë gjithmonë mbrojtjen e Policisë, si dhe reagim të menjëhershëm, konform ligjit, ndaj kujtdo që tenton të cenojë apo pengojë gazetarët në përmbushjen e misionit të tyre.
RROGOZHINË- Persona të paidentifikuar janë kërcënuar dhe sulmuar gazetaren e Syri Tv, Marsi Korreshi ditën e sotme. Ngjarja ka ndodhur paraditen e sotme në Rrogozhinë, ku gazetarja po raportonte mbi një takim të kandidatit të Partisë Socialiste Edison Memolla.
Kërcënimet janë bërë për shkak se kandidati i Ramës, Edison Memolla ka vendosur të shtrojë një drekë për mësuesit, mjekët dhe punonjës të tjerë të administratës, gjë e ndaluar në fushatë. Persona të ndryshëm, në këmbë apo dhe me makina kanë rrethuar dhe kërcënuar grupin e xhirimit, duke i kapur edhe për krahu, apo duke u kërkuar edhe që të largohen, ndyshe do ti largojnë me veprime të dhunshme.
