EMRI/ Qëllohet me plumb në kokë në afërsi të banesës 52-vjeçari biznesmen në Tiranë, ndërron jetë disa orë më pas në spital, autorët në arrati

trupi i biznesmenit

TIRANË- Ky është biznesmeni Eduart Reçi pak çaste pasi është qëlluar për vdekje me një plumb në kokë. Policia ende nuk një pistë hetimi për vrasjen e biznesmenit Eduart Reçi u vra në një atentat mbrëmjen e djeshme, duke gjetur vdekjen e menjëhershme. Megjithatë, nga kamerat e sigurisë të sekuestruara është bërë e mundur pamja e Reçit vetëm pak çaste pasi iu bë atentati në hyrje të pallatit ku jetonte.

Dyshohet se autorët e kanë ruajtur dhe pritur momentin që 52-vjeçari ka dalë jashtë pallatit dhe ka qenë i vetëm.

Por, nga këqyrja e kamerave të sigurisë vihet re se në asnjë moment nuk shfaqet autori i vrasjes së biznesmenit. Pas këtyre pamjeve, policia dyshon se ka patur vetëm një të shtënë në drejtim të Reçit, i cili ka rënë menjëherë në tokë. 

Më herët, familjarët dhe të afërmit e Reçit folën për mediat teksa deklaruan se ai nuk kishte as konflikte e as armiq për rrjedhojë nuk kanë asnjë të dyshuar, duke e bërë edhe më të vështirë pistën e hetimit.

Te afermit

DIBËR- Vrasja misterioze e biznesmenit 52-vjeçar, Eduart Reçi mbrëmjen e së mërkurës ka tronditur familjarët por edhe mbarë opinionin publik. Teksa dalin detaje të reja nga sulmi për të rënë në gjurmët e autorit, të afërmit e Reçit bëjnë me dije se nuk kishte armiq dhe se nuk kishin asnjë të dyshuar.

Të afërmit dhe fqinjët e Eduart Reçit në fshatin e tij të lindjes Brezhdan, në Dibër, duke folur për mediat, thonë se në dijeninë e tyre ai nuk ka patur konflikte dhe se aktualisht merrej me ndërtime. Ata shprehen të tronditur thellë nga ngjarja pasi e njohin si familje të qetë dhe shumë fisnike edhe pse ka afro 30 vite që është larguar prej aty.

Ndër të tjera, ata shprehen se nuk kanë dijeni të kenë patur probleme as në Dibër e as në Tiranë, ndërsa shtojnë se familja e tij ishte e respektueshme nga të gjithë.

Foto nga vendi i ngjarjes

TIRANA- Detaje të reja janë zbuluar në lidhje me ngjarjen e rëndë të ndodhur mbrëmjen e shkuar në Tiranë ku biznesmeni Eduart Reci, u qëllua me një plumb në kokë, dhe ndërroi më pas jetë në spitalin e Traumës. Bëhet me dije se në momentin e atentatit, 52-vjeçari ka qenë i vetëm dhe se po qëndronte në këmbë jashtë pallatit të tij në lagje.

Po ashtu mësohet se kamerat e sigurisë të sekuestruara nga policia, kanë filmuar vetëm momentin e vrasjes. Sipas raportimeve, në pamje duket vetëm momenti ku 52-vjeçari qëllohet me plumb në kokë. 

Paraprakisht dyshohet se autoret e kanë ruajtur dhe pritur momentin që 52-vjecari të dilte jashtë pallatit. Nga ana tjetër, familjarët e Recit kanë deklaruar se viktima nuk ka pasur konflikte.

Foto nga vendi i ngjarjes

TIRANA- Ka ndërruar jetë biznesmeni 52-vjeçar Eduart Reci, i cili u qëllua me plumb në kokë rreth orës 23:00 të mbrëmjes së djeshme në Tiranë. Pas ngjarjes, 52-vjeçari u dërgua në spitalin e Traumës, por nuk arriti që të mbijetonte.

Konkretisht, ngjarja ndodhi në rrugën “Faik Konica”, pranë një lokali në afërsi të banesës së viktimës, ndërsa ende nuk dihen detaje nga rrethanat e krimit. Nga ana tjetë, policia njoftoi se një grup i posaçëm hetimor, nën drejtimin e Prokurorisë, po punon për sqarimin e rrethanave të ngjarjes, identifikimin dhe kapjen e autorit/ëve të dyshuar.

Njoftimi: 

Tiranë/Informacion paraprak

Më datë 13.11.2024, rreth orës 23:00, në rrugën “Faik Konica” është plagosur me armë zjarri shtetasi E. R., 52 vjeç, i cili aktualisht ndodhet në spital, në gjendje të rëndë shëndetësore.

Një grup i posaçëm hetimor, nën drejtimin e Prokurorisë, vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.

Informacion më të detajuar mbi këtë ngjarje do të japim në vijim.

Foto nga vendi i ngjarjes

TIRANA- Një ngjarje e rëndë është regjistruar mbrëmjen e shkuar në Tiranë ku 52-vjeçari Eduart Reci, biznesmen, është qëlluar me armë zjarri. Ngjarja ka ndodhur rreth orës 23:00 në rrugën “Faik Konica” nga ku mësohet se Reci u qëllua me plumb në kokë pranë një lokali në afërsi të banesës së tij.

Po ashtu bëhet me dije se 52-vjeçari u dërgua te spitali i Traumës ku ndodhet nën kujdesin e mjekëve duke luftuar për jetën. Nga ana tjetër, policia thotë se po punon për identifikimin e autorëve.

Njoftimi i policisë:

Tiranë/Informacion paraprak

Më datë 13.11.2024, rreth orës 23:00, në rrugën “Faik Konica” është plagosur me armë zjarri shtetasi E. R., 52 vjeç, i cili aktualisht ndodhet në spital, në gjendje të rëndë shëndetësore.

Një grup i posaçëm hetimor, nën drejtimin e Prokurorisë, vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.

Informacion më të detajuar mbi këtë ngjarje do të japim në vijim.