Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Kreu i Lëvizjes “Shqipëria Bëhet”, Adriatik Lapaj pas dëmtimit që mori mbrëmë nga rënia e bombolës së gazit, teksa Policia e Shtetit hoqi çadrat dhe mjetet e protestuesve është rikthyer sërish sot në protestë. • Duke folur para Kryeministrisë, Lapaj deklaroi se nuk do të dorëzohet edhe nëse do i duhet të qëndrojë mes të ftohtit, pa ngrohje e çadër. • Ai theksoi gjithashtu se përgjatë gati një muaji në bulevard, nuk ka penguar as trafikun, por nuk është dëmtuar asgjë dhe nuk është thyer asnjë xham apo shkulur një pemë dhe lule. • Ndër të tjera, lapaj u shpreh se protestën e bënë për shoqërinë shqiptare dhe jo për veten e tij, duke nënvizuar se Rama ishte i pari që e nisi çadrën e madhe në Bulevard. • Kreu i Lëvizjes “Shqipëria Bëhet” akuzoi qeverinë jo vetëm për skandalet e korrupsionit, por edhe me presionet që u bëheshin qytetarëve që dalin në shesh, duke u çuar Policinë në banesa. • Në fund ai akuzoi Policinë se ka dhunuar gjatë protestës mbështetësit e lëvizjes, duke shkaktuar edhe dëmtime trupore serioze, përveç kërcënimeve. • Mbrëmë Lapaj dërgua në spitalin e Traumës pasi gjatë protestës i ka rënë bombola e gazit në kokë. • Në orët e para të mesnatës, forcat policore ndërhynë duke u përplasur me Lapajn dhe qytetarët. • Policia hoqi karriget, batanijet dhe disa soba më gaz të cilat shërbenin për tu ngrohur protestuesit, të cilët qëndronin para godinës së Kryeministrisë.
7 artikuj për këtë temë.
TIRANË- Kreu i Lëvizjes “Shqipëria Bëhet”, Adriatik Lapaj pas dëmtimit që mori mbrëmë nga rënia e bombolës së gazit, teksa Policia e Shtetit hoqi çadrat dhe mjetet e protestuesve është rikthyer sërish sot në protestë. Duke folur para Kryeministrisë, Lapaj deklaroi se nuk do të dorëzohet edhe nëse do i duhet të qëndrojë mes të ftohtit, pa ngrohje e çadër.
Ai theksoi gjithashtu se përgjatë gati një muaji në bulevard, nuk ka penguar as trafikun, por nuk është dëmtuar asgjë dhe nuk është thyer asnjë xham apo shkulur një pemë dhe lule. Ndër të tjera, lapaj u shpreh se protestën e bënë për shoqërinë shqiptare dhe jo për veten e tij, duke nënvizuar se Rama ishte i pari që e nisi çadrën e madhe në Bulevard.
Kreu i Lëvizjes “Shqipëria Bëhet” akuzoi qeverinë jo vetëm për skandalet e korrupsionit, por edhe me presionet që u bëheshin qytetarëve që dalin në shesh, duke u çuar Policinë në banesa. Në fund ai akuzoi Policinë se ka dhunuar gjatë protestës mbështetësit e lëvizjes, duke shkaktuar edhe dëmtime trupore serioze, përveç kërcënimeve.
“Nuk ka asnjë qytetar në Tiranë që të thotë nuk shkova dot në punë se më pengoi Adriatiku, apo nuk shkova dot në vaki apo dasmë, nuk e ka thënë askush. Kurse Rama vetë ishte ai që nisi çadrën e madhe këtu, ishte i pari. Dhe çfarë bëjnë sjellin policinë këtu, sulmoi njerëzit, por fal Zotit nuk ndodhi gjë. Se të kishte ndodhur do e shikonte ky, trimi i madh. Se trimi i madh ky! Ka vjedhur, e thotë prokuroria, s’e themi ne. Kanë abuzuar, jeni dëshmitarë, a kemi thyer një lule, a kemi hedhur molotov, a kemi shkulur pemë, a kemi lënë mbeturina pas? Asgjë nuk kemi dëmtuar, kurse këta dhunë! Pse nuk vjen kur janë shumë protestues, por e bën kur janë pak? Sepse është frikacak.
Kjo është protestë që nuk e bëj për veten, por edhe për vajzën, për ju. Bënë akte banditeske ndaj nesh. Le të arrestojnë çdo ditë nga një, nga dhjetë, nga 100. Ne protestojmë këtu, ata na procedojnë, jam proceduar dhjetë herë. Vjen policia këtu me 15 vetë dhe sulmon, bie bombola e gazit dhe godet njerëzit. Po të kishte ndodhur gjë? Ku do shkonte Rama, ky frikacaku i madh. S’na lënë as çadër, as ngrohëse, asgjë, por unë dhe ne do vazhdojmë të qëndrojmë këtu, në të ftohtë. Këta le të vijojnë të na procedojnë, le të më procedojnë edhe mua çdo ditë.
Janë vjedhur qindra miliona lekë e euro dhe nuk hedhin një dorë kripë në rrugë, por vriten njerëzit dhe na sulmojnë ne. Këta bëjnë mbrëmje gala, kurse njerëzit në Vlorë nuk kanë ujë. Te Onkologjiku nuk ka ilaçe, këta dalin e kapardisen. Do bëj denoncim këtu. Shefit të Policisë së Cërrikut i them mos të shkoj në banesat e njerëzve e t’u thotë pse shkojnë në protestë. E kuptoni ku kemi arritur ne tani, ky është turp. 13 të proceduar penalisht, 4 të arrestuar, por ne do vazhdojmë, nuk do dorëzohemi”, deklaroi kreu i “Shqipëria Bëhet”.
Çfarë ndodhi ditën e djeshme?
Protesta e organizuar nga “Shqipëria Bëhet” u shoqërua me tensione të forta, pasi policia hoqi me forcë çadrat e vendosura nga aktivistët gjatë ditës së djeshme. Ndërsa në orët e vona të natës një tjetër incident ndodhi, kur forcat e rendit hoqën sërish sendet e protestuesve, ku në këtë moment u lëndua edhe kreu i lëvizjes, Adriatik Lapaj, i cili ndodhet në spital./Dosja.al
TIRANË- Kreu i “Shqipëria Bëhet”, Adriatik Lapaj deklaroi gjatë protestës para Kryeministrisë se mijëra njerëz që përfitojnë pagën e shtetit, pa shkuar në punë. Madje Lapaj deklaroi se ka dhe mijëra të tjerë që jetojnë jashtë shtetit dhe marrin pagën.
Sipas tij, disa persona paguajnë vetëm sigurimet për efekt pensioni dhe pagën e tyre e përfitojnë ata që i kanë futur në punë. Në fund, Lapaj shtoi se ka njerëz që jetojnë në New York e vende të tjera dhe marrin rrogën në Ujësjellës, marrin rrogën në ushtri.
“Patronazhistët ta dinë se nuk më ndikojnë fare. Ka mijëra persona që hajnë meze tek lokali i lagjes pa shkuar në punë dhe marrin rrogën. Ka dhe mijëra të tjerë që jetojnë jashtë shtetit dhe marrin pagën. Shiko cfarë marifeti kanë bërë. Paguajnë vetëm sigurimet për efekt pensioni dhe pagën e tyre e përfitojnë ata që i kanë futur në punë. Ka njerëz që jetojnë në New York dhe marrin rrogën në Ujësjellës, marrin rrogën në ushtri. Ai jeton në Gjermani e Amerikë. Si mos t’i them unë këto gjëra? Është tradhëti ndaj atdheut”, tha Lapaj./Dosja.al
TIRANË- Kreu i Partisë “Shqipëria Bëhet”, Adriatik Lapaj ka vijuar protestën, përpara Kryeministrisë. Lapaj u bëri thirrje qytetarëve ti bashkohen protestës së tij, në mënyrë që të protestojnë kundër korrupsionit dhe vjedhjve të bëra nga qeveritarët. Ai tha se në këtë vend ka shumë për të protestuar dhe se Rama ka vjedhur republikën bashkë me kolegët e tij.
“Rama e ka vendosur precedentin e çadrës nuk e kam vendosur unë. Këtij i duket Republika si pronë private. Ramës po themi që ka vjedhur republikën bashkë me kolegët. Nuk e them unë e thotë gjykata. Një muaj rresht është thyer ndonjë lule këtu nga ne, ndonjë xham, po kur bëjmë proteste ne nuk duhet të lejohemi.
Unë mendoj që në këtë vend ka shumë për të protestua. Kauza është që këta nuk mund të na tallin. Nuk mund të na vjedhin dhe të na dalin në mbrëmje gala dhe ndërkohë problemi janë ata që reagojnë.” tha ai./Dosja.al
TIRANË- Lëvizja 'Shqipëria Bëhet' ka nisur sërish protestën para Kryeministrisë ditën e sotme. Teksa aktivistët dhe qytetarët po protestonin, Policia ka shkuar në vendngjarje dhe nuk ka lejuar protestën.
Teksa ndodheshin të ulur në karrige, Policia u ka marrë karriget me dhunë protestuesve.
Çfarë ndodhi ditën e djeshme?
Protesta e organizuar nga “Shqipëria Bëhet” u shoqërua me tensione të forta, pasi policia hoqi me forcë çadrat e vendosura nga aktivistët gjatë ditës së djeshme. Ndërsa në orët e vona të natës një tjetër incident ndodhi, kur forcat e rendit hoqën sërish sendet e protestuesve, ku në këtë moment u lëndua edhe kreu i lëvizjes, Adriatik Lapaj, i cili ndodhet në spital./Dosja.al
TIRANË- Policia e Tiranës ka arrestuar katër protestues të lëvizjes “Shqipëria Bëhet”, të cilët janë përplasur me efektivët ditën e djeshme në bulevardin “Dëshmorët e Kombit”, përballë kryeministrisë dhe ka nisur procedimin penal për Lapajn. Sipas policisë, në pranga kanë rënë shtetesit Edison Haklaj, Alfred Matoshi, Eligert Hima dhe Ergjys Llanaj, ndërsa ka nisur procedimi penal për personat me iniciale V. H., A. Sh., E. L., A. B., A. Sh. dhe M. Xh., pasi dyshohet se gjatë zhvillimit të protestës, kanë hedhur sende të forta në drejtim të punonjësve të Policisë.
Uniformat blu, bëjnë me dije se, ka nisi procedimi penal për Adriatik Lapak, E. K. dhe A. P., pasi kanë pushtuar hapësirën publike përpara Kryeministrisë, duke vendosur një çadër dhe objekte të tjera, në kundërshtim të urdhrit të punonjësve të Policisë. Gjithashtu bëhet me dije se materiale procedurale iu referuan Prokurorisë së Tiranës për veprime të mëtejshme.
Njoftimi i policisë:
"Specialistët për Hetimin e Krimeve të Komisariatit të Policisë Nr. 1: arrestuan shtetasit E. H., 30 vjeç, A. M., 40 vjeç, E. H., 39 vjeç dhe E. Ll., 41 vjeç, si dhe referuan materialet në Prokurori ku nisi procedimi penal për shtetasit V. H., A. Sh., E. L., A. B., A. Sh. dhe M. Xh., pasi dje, në bulevardin “Dëshmorët e Kombit”, gjatë zhvillimit të protestës, kanë hedhur sende të forta në drejtim të punonjësve të Policisë. Si pasojë, u dëmtuan 2 punonjës policie, njëri prej të cilëve vijon ende në spital; referuan materialet në Prokurori ku nisi procedimi penal për shtetasit A. L., E. K. dhe A. P., pasi kanë pushtuar hapësirën publike përpara Kryeministrisë, duke vendosur një çadër dhe objekte të tjera, pa leje dhe në kundërshtim me urdhrin e punonjësve të Policisë." /Dosja.al
TIRANË- Ministria e Shëndetësisë ka reaguar lidhur me incidentin e ndodhur mbrëmjen e djeshme, përpara godinës së Kryeministrisë, ku kreu i lëvizjes “Shqipëria Bëhet”, Adriatik Lapaj, u lëndua në kokë gjatë ndërhyrjes së Policisë së Shtetit për shpërndarjen e protestuesve.
Ministria bën me dije se, pas ekzaminimeve të kryera, Lapaj ndodhet jashtë rrezikut për jetën dhe vijon të jetë nën mbikëqyrjen e mjekëve. Sipas njoftimit zyrtar, në Spitalin Universitar të Traumës janë paraqitur mbrëmjen e djeshme gjithsej pesë persona, dy prej të cilëve efektivë të Policisë së Shtetit. Njëri nga efektivët ka lënë spitalin pas marrjes së ndihmës mjekësore, ndërsa tjetri vijon të jetë i shtruar. Janë paraqitur gjithashtu edhe dy protestues të tjerë, të cilët kanë marrë trajtimin e nevojshëm dhe më pas janë larguar.
Njoftimi i Ministrisë së Shëndetësisë
"Në Spitalin Universitar të Traumës, mbrëmjen e djeshme janë paraqitur 5 persona, dy prej të cilëve efektivë të Policisë së Shtetit. Njëri prej tyre ka lënë Spitalin ndërsa tjetri vijon i hospitalizuar nën kujdesin e mjekëve. Adriatik Lapaj pas ekzaminimeve të kryera ndodhet jashtë rrezikut për jetën por po vijon të jetë në spital në kujdesin e ekipit mjekësor. Gjithashtu, për ndihmë mjekësore në spital janë paraqitur edhe dy protestues të cilët gjithashtu ndodhen jashtë rrezikut për jetën dhe kanë lënë ambjentet e spitalit pasi kanë marrë ndihmën mjekësore."/Dosja.al
TIRANË- Kreu i Lëvizjes 'Shqipëria Bëhet', Adriatik Lapaj është dërguar në spitalin e Traumës për mjekim të specializuar pasi mësohet se i ra bombola e gazit në kokë.
Në orët e para të mesnatës, forcat policore ndërhynë sërish duke u përplasur me kreun e Lëvizjes dhe me mbështetësit e tij. Policia ka marrë me karriget, batanijet dhe disa soba më gaz të cilat shërbenin për t’u ngrohur protestuesit, të cilët qëndronin para godinës së Kryeministrisë. “I ra bombola Tikut, i ra bombola gazit, thërrisni ambulancën”, dëgjohen të thonë mbështetësit e tij.
Pas kësaj situate Lapaj ka reguar përmes një postimi në rrjetet sociale, ku shprehet se nuk do të dorëzohet, dhe sapo të mbarojë ekzaminimet në spital do të kthehet sërish në shesh. "Ndodhem te Spitali i Traumës ku po kryej ekzaminimet. Sërish do kthehem në shesh. Edi Rama unë nuk të kam frikë. Përkundrazi! Ti je kreu i një bande dhe do mbash përgjegjësi", shkruan Lapaj./Dosja.al
