Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Ditën e sotme do të mbahej mbledhja e radhës e Komisionit për Reformën Zgjedhore. • Kjo mbledhje në fakt nuk nisi për shkak të kundërshtisë dhe bllokadës që deputetët e opozitë krijuan në hyrje të sallës. • Si fillim, Garda me urdhër nuk lejoi që deputetët e opozitës të hyjnë në mbledhje, duke formuar kordon te dera. • Përveç deputetëve, garda nuk ka lejuar as gazetarët që të futën në sallë. • Deputeti Flamur Noka deklaroi se sot kanë sjellë vajza nga garda, për t'i futur në sherr. • Deputeti Flamur Noka dhe Damian Gjiknuri janë përplasur ditën e sotme në komisionin e Reformës Zgjedhore. • Deputeti Oerd Bylykbashi në një deklaratë nga Kryesia e Kuvendit u shpreh se Rama po përpiqet që të shkatërrojë Komisionin e Reformës Zgjedhore.
10 artikuj për këtë temë.
TIRANË- Pas bllokimit të mbledhjes fizike të Komisionit të Reformës Zgjedhore për shkak të kaosit të deputetëve të opozitës u njoftua se mbledhja të mbahet online ditën e premte, datë 09.02.2024 në orën 10.00. Pas shpërndarjes së njoftimit nga sekretarja e Komisionit ka reaguar bashkëkryetari i Komisionit të Posaçëm për Reformën Zgjedhore, Enkelejd Alibeaj.
Aliebaj përmes një komunikimi në grupin e Whatsp të Komisionit ka mohuar që mbledhja e së mpremtes online të jetë e dakordësuar siç është njoftuar në këtë grup nga sekretarja e komisionit. Sipas Alibeaj, për këtë mbledhje nuk ka pas asnjë dakordësi mes dy bashkëkryetarëve siç pretendohet në njoftim.
"Përshëndetje Vijola. Këtë njoftim e ke të pasaktë! Nuk kam dhënë pelqimin për mbledhje online ditën e premte. Kërkesa ime është për mbledhje, te komisionit, edhe online, ditën e sotme. Ndaj përcillja bashkekryetarit si kërkese, për të ribërë njoftimin për mbledhje ditën e sotme. Jam në pritje," shkruan Alibeaj.
TIRANA- Pas bllokimit të mbledhjes fizike të Komisionit të Reformës Zgjedhore, për shkak të kaosit të deputetëve të opozitës, është vendosur që mbledhja të mbahet online. Njoftohet se me dakordësi të dy bashkëkryetarëve të Komisionit, mbledhja do të zhvillohet online, me anë mjeteve të komunikimit elektronik në platformën Zoom, ditën e premte, datë 09.02.2024, në orën 10.00.
TIRANË- Kreu i Partisë Demokratike, Sali Berisha për mes një postimi në Facebook ka dënuar sjelljen e gardistëve ditën e sotme gjatë seancës së komisionit të Reformës Zgjedhore. Berisha ka dënuar sjelljen e dhunshme ndaj gazetarit Ardit Hoxha. Hoxha nuk u lejua të futej në sallën e mbledhjeve të Komisionit të Reformës Zgjedhore, duke u penguar dhe dhunuar. Berisha më tej ka shprëndarë pamje nga dhuna ndaj gazetarit.
"Sjellja brutale e gardianit ndaj gazetarit Ardit Hoxha në krye të detyrës. Dënoj ashpër këtë sjellje të dhunshme ndaj gazetarit Ardit Hoxha," shkuan Berisha.
TIRANË- Gazetari i Euronews Ardit Hoxha është dhunuar ditën e sotme nga një gardist në Kuvend. Siç shihet dhe në videon e mëposhtme, gazetari po tentonte që të futej në sallën e mbledhjeve të Komisionit të Reformës Zgjedhore, në momentin që një prej gardistëve e ka shtyrë.
Deputetët e Opozitës nuk janë lejuar sot që të hyjnë në sallën ku do të zhvillohej Komisioni i Reformës Zgjedhore. Garda me urdhër nuk po lejon që deputetët të hyjnë në mbledhje, duke formuar kordon te dera. Por në sallë nuk janë lejuar as gazetarët që të futen dhe të marrin pamje.
TIRANË- Deputeti Damian Gjinkuri refuzoi që t'i përgjigjej pyetjes së gazetarës në lidhje deklaratën e Arben Ahmetajt se ai u hoq nga detyra si sekretar i Përgjithshëm i Partisë Socialiste pasi i kishte dalë në mbrojtje atij. Gjiknuri u rezervua ta komentonte por tha se në momentin që të dali në pension politik do të shkruaj kujtimet e tij.
“Shpjegimet e mija i kam dhënë atëherë në sekretarin. Kur të dal në pension politik do të shkruaj kujtimet e mija,” tha Gjiknuri.
TIRANË- Deputeti Oerd Bylykbashi në një deklaratë nga Kryesia e Kuvendit u shpreh se Rama po përpiqet që të shkatërrojë Komisionin e Reformës Zgjedhore. Në një deklaratë për mediat, Bylykbashi u shpreh se deputetët e opozitës po luftojnë për të marrë pjesë në Komisionin e Reformës Zjedhore. Po ashtu ai theksoi se nuk mund të përcaktojë Rama se kush është Opozita dhe se kush janë përfaqësuesit e saj.
"Duket vendimi i qartë që ka marrë Edi Rama që Komisionin e Reformës ta shkatërrojë. Të shkatërrojë çdo mundësi që parlamenti të bëjë një reformë zgjedhore me konsensus. E ka deklaruar në dhjetor se do të kërkojë numra, Pazar, por jo konsensus, vetëm që të miratojë rregullat që do ai për zgjedhjet që ato të jenë si të 14 Majit, të mëparshmet. Ajo që kërkon opozita është vendosja e rregullta të drejta e të barabarta, të mjaftueshme, jo të pamjaftueshme, që të pengojë shtetin të futet në zgjedhje, që shteti të ndahet nga partia në pushtet, që të ndalohen kriminelët të blejnë vota, që të ndalohet sistemi kriminal i patronazhimit, të shtrëngojmë rregulla më të forta që SPAK dhe Prokurori i Përgjithshëm mos t’i shmangen detyrave që kanë. Të gjitha këto Edi Rama nuk i do sepse kërkon një reformë zgjedhore që ta mbyllë me atë që ka bërë pazar, me Lulzim Bashën. Nuk mundet në Komisionin e Reformës Zgjedhore që ta përcaktojë Edi Rama se kush është opozita," tha Bylykbashi.
TIRANË- Deputeti Flamur Noka dhe Damian Gjiknuri janë përplasur ditën e sotme në komisionin e Reformës Zgjedhore. Noka i është drejtuar Gjiknurit se me opozitë të emëruar nuk kanë për të bërë asgjë. Ndërkohë që theksoi se Opozita e vërtetë është votuar nga shqiptarët dhe kjo reformë do të bëhet vetëm me praninë e saj.
"Harroje opozitën e emëruar. Nuk e zhbëni dot. Me opozitë të emëruar nuk bën dot asgjë. Bashkëkryetarin ta solli Rama. E emërove ti. Ja ku e keni bashkëkryetarin, ku ka vullnetin e opozitës. Të tjerëve jepuni tendera, punësojeni bashkëshortet, kulla jepuni, kate jepuni, por opozitë nuk bëhen. Emrin opozitë nuk ua jepni dot, emrin opozitë ua kanë dhënë shqiptarët. Opozita nuk emërohet, këtu ka një opozitë reale. Shqiptarët do ju kërrejnë,” tha Noka.
TIRANË- Deputetët e Opozitës janë përplasur ditën e sotme me gardën, të cilët nuk i kanë lejuar që të futën në sallën që do të mbahet mbledhja e Komisionit të Reformës Zgjedhore. Deputeti Flamur Noka ka deklaruar se sot kanë sjellë vajza nga garda, për t'i futur në sherr. Po ashtu Noka ka theksuar se ky është shtet horrash dhe se garda po mbron shefat e tyre që po i lënë pa bukë
Pjesë nga diskutimet:
Bylykbashi-Gardës: T’ju bëj një pyetje, ku e keni parë në rregulloren e parlamentit që ky është komision që funksionon në mënyrë partizane.
Garda: Unë nuk di gjë!
Bylykbashi: Ja ta shpjegoj unë. Nëse unë nuk jam aty brenda prishet kuorumi. Tani ti e merr përsipër këtë gjë. Unë jam anëtar i Komisionit, nuk ke drejtë ti të më zëvëndësosh me dikë tjetër.
Garda: Të lutem!
Bylykbashi: Mua më kanë zgjedhur deputetë, kur mos të më zgjedhin bëjmë muhabet tjetër.
Garda: Të lutem!
Noka: Përjashta, dil përjashta! Këtu është Republika e Gardës! Po gocat pse i kanë sjellë këtu, me na fut në sherr!
Bardhi: Pasi i dhunuam gratë dje, sot kanë sjellë goca. Ku i kishin dje, apo…
Noka: Turp, pse shtet është ky?! Shtet horrash, mbroni shtetin e horrave. Ju kanë lënë pa bukë, as rrogën s’jua rrisin dhe ju rrini luftoni për ta. Ju kanë vjedhur. Inceneratorët, keni ndonjë të ardhur ju nga inceneratorët. T’ju vijë turp. Ty i pari dhe do ta paguash ti dhe shefat e tu.
TIRANË- Mbledhja e Komisionit për Reformën Zgjedhore do të mbahet online. Mësohet se ky vendim është marrë, pasi salla ku pritej që të zhvillohej kjo mbledhje është bllokuar nga deputetët e Opozitës.
Fillimisht Garda nuk i lejoj deputetët që të merrnin pjesë në mbledhje dhe të hynin në sallë, por pas disa tensionesh dhe përplasjes, deputetët opozitarë mundën që të hyjnë në sallë. Përveç deputetëve, garda nuk ka lejuar as gazetarët që të futën në sallë.
TIRANË- Deputetët e Opozitës nuk po lejohen që të hyjnë në sallën ku do të zhvillohet ditën e sotme Komisioni i Reformës Zgjedhore. Siç shihet në videon e mëposhtme, Garda me urdhër nuk po lejon që deputetët të hyjnë në mbledhje, duke formuar kordon te dera.
Por në sallë nuk janë lejuar as gazetarët që të futen dhe të marrin pamje.
