"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Efektivi i policisë në Shkodër, Admir Okaj është goditur pasditen e sotme me sende të forta nga fqinji i tij, Omir Gucia pas një konflikti të çastit mes tyre. • Ngjarja ka ndodhur para banesës së efektivit i cili ndodhej jashtë orarit të shërbimit, ndërsa bëhet me dije se konflikti mes tyre ka qenë për motive të dobëta. • Gjithashtu policia pak më herët njoftoi se gjatë konfliktit ka pasur një shkrepje të pavullnetshme të armës së efektivit por nuk ka shkaktuar dëme. • Okaj ndodhet jashtë rrezikut për jetën, ndërsa mori mjekim në spitalin e Shkodrës. • Admir Okaj, 49 vjeç ka shërbyer për shumë vite me forcat e FNSH në Shkodër ndërsa prej disa kohësh shërben në qarkun e Elbasanit. • Ndërkohë autori i sulmit, Omir Gucia është vetëdorëzuar në polici. •Grupi hetimor vijon me punën për zbardhjen e plotë të rrethanave të ngjarjes.
4 artikuj për këtë temë.
SHKODËR- Është vetëdorëzuar në polici Ormir Gucia, i cili goditi me sende të forta në kokë efektivin e policisë në Shkodër, Admir Okajn. Ngjarja ka ndodhur para banesës së efektivit i cili ndodhej jashtë orarit të shërbimit, ndërsa dyshja raportohet se janë fqinj dhe konflikti bëhet me dije se ka qenë për motive të dobëta.
Gjithashtu njoftoi pak më herët se gjatë konfliktit ka pasur një shkrepje të pavullnetshme të armës së efektivit por nuk ka shkaktuar dëme. Okaj ndodhet jashtë rrezikut për jetën. Ndërkohë AMP dhe grupi hetimor vijojnë me punën për zbardhjen e rrethanave të plota të ngjarjes.
NJOFTIMI I POLICISË:
Shkodër/Informacion shtesë
Në lidhje me informacionin e dhënë më parë, sipas të cilit shtetasi O. G., 47 vjeç, ka dëmtuar në kokë, me sende të forta, shtetasin A. O., 49 vjeç, (punonjës policie), ju informojmë se pas kontrollit dhe presionit të Policisë, 47-vjeçari është vetëdorëzuar në Komisariatin e Policisë Shkodër.
AMP dhe grupi hetimor vijojnë punën për zbardhjen e rrethanave të këtij rasti.
SHKODËR- Është identifikuar autori i cili goditi me sende të forta në kokë efektivin e policisë në Shkodër, Admir Okajn. Policia ka shpallur në kërkim Ormir Gucian 47-vjeç
Ngjarja ka ndodhur para banesës së efektivit i cili ndodhej jashtë orarit të shërbimit, ndërsa dyshja raportohet se janë fqinj dhe konflikti bëhet me dije se ka qenë për motive të dobëta.
Gjithashtu njoftoi pak më herët se gjatë konfliktit ka pasur një shkrepje të pavullnetshme të armës së efektivit por nuk ka shkaktuar dëme. Okaj ndodhet jashtë rrezikut për jetën, ndërsa po punohet për kapjen e 47-vjeçarit.
SHKODËR- Policia ka reaguar pas raportimit se një efektiv policie në Shkodër, u sulmua para banesës së tij me sende të forta në kokë nga një person. Sipas policisë ngjarja ka ndodhur pas një konflikti të çastit mes efektivit Admir Okaj dhe fqinjit të tij 47-vjeçar.
Gjatë konfliktit dyshohet se arma e shërbimit të Okajt është shkrepur në mënyrë të pavullnetshme, por fatmirësisht nuk ka shkaktuar dëmtime. Grupi hetimor po punon për zbardhjen e plotë të rrethanave të ngjarjes, ndërsa po punohet për kapjen e 47-vjeçarit.
NJOFTIMI I POLICISË:
Shkodër/Informacion paraprak
Rreth orës 15:45, dyshohet se gjatë një konflikti të çastit, për motive të dobëta, shtetasi O. G., 47 vjeç, ka dëmtuar në kokë, me sende të forta, shtetasin A. O., 49 vjeç, banues në Shkodër (punonjës policie, jashtë shërbimit), i cili po merr mjekim në spitalin rajonal të Shkodrës dhe është jashtë rrezikut për jetën.
Gjatë konfliktit dyshohet se arma e shërbimit e punonjësit të Policisë është shkrepur në mënyrë të pavullnetshme, por pa shkaktuar dëmtime.
Shërbimet e Policisë, me marrjen e njoftimit, shkuan menjëherë në vendin e ngjarjes dhe vijojnë krehjen e zonës, për kapjen e 47-vjeçarit.
Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes.
Ndërkohë, në lidhje me këtë ngjarje, po kryen veprime edhe AMP, për të zbardhur rrethanat e përdorimit ose jo të armës së zjarrit, si dhe për të përcaktuar nëse shkrepja e armës ka qenë e pavullnetshme.
SHKODËR- Një efektiv është goditur me sende të forta në kokë nga disa persona ende të paidentifikuar. Ngjarja ka ndodhur rreth dy orë më parë në afërsi të banesës së tij në zonën e Zdraeles në Shkodër.
Efektivi Admir Okaj ndodhet jashtë rrezikut për jetën dhe pasi ka marrë mjekim në kokë në spitalin e Shkodrës është larguar për të dhënë dëshminë e tij për policinë.
Okaj ka shërbyer për shumë vite me forcat e FNSH në Shkodër ndërsa prej disa kohësh shërben në qarkun e Elbasanit. Policia është duke hetuar ndërsa janë sekuestruar kamerat e sigurisë në zonën përreth. Janë ende të paqarta arsyet e kësaj ngjarje.
