Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Një grabitje e ndodhur në Maliq të Korçës. • Më 29 dhjetor, një 67-vjeçare ka rënë pre e grabitjes në Pirg të Maliqit, ku pretendon se i kanë marrë 10 mijë euro. • 67-vjeçarja, Luljeta Hoxha ndodhet ende në spital, nga ku ka treguar edhe shenjat e dhunës dhe momentet e tmerrit. •Një prej fqinjëve, ka folur për grabitjen e 67-vjeçares në Maliq, duke u shprehur se ka shkuar tek 67-vjeçarja menjëherë pasi ajo e lajmëroi për grabitjen. • Edhe pse grabitja ka ndodhur më shumë se një javë më parë, sërish nuk ka asnjë njoftim zyrtar nga Policia e Korçës. • Lajmi sot u bë me dije nga kryedemokrati Sali Berisha.
3 artikuj për këtë temë.
MALIQ- Një prej fqinjëve, ka folur për grabitjen e 67-vjeçares në Maliq, duke treguar edhe detajet e para nga grabitja e ndodhur më 29 dhjetor të vitit që lamë pas. Fqinja e të moshuarës, Erjona Bakollari thotë se ka shkuar tek 67-vjeçarja menjëherë pasi ajo e lajmëroi për grabitjen. Ajo thotë se 67-vjeçarja Luljeta Hoxha ishte nxirë në fytyrë për shkak të dhunës që kishte ushtruar grabitësi, por sipas asaj që i kanë thënë mjekët, e moshuara ka shembje por jo probleme të rënda që mund t'i kushtojnë veten.
"Kur na lajmëroi ne ishte e nxirë nga fytyra siç e kishte zënë ai. Ishte me një fjalë...me zor merrte frymë. Na trokiti në ashef (kuzhinë) ne dolëm se thamë çfarë ka ndodhur dhe kur dalim jashtë ishte në gjendje shumë të rëndë na tha lajmëroni Policinë dhe ambulancën se nga goditja që kishte marrë ishte në gjendje shumë të rëndë. Pastaj erdhi Policia, e dërguam në spital edhe.. Kur na ka lajmëruar ne ka qenë ora rreth 2 e 30 e natës. Më erdhën tha, ishin hedhur nga avllia a diçka e tillë, ulën dritat tha, unë e dija se ikën dritat vetëm kur shkallmohet dera jashtë e ballkonit dhe hynë brenda me dritë në dorë dhe mu hodh direkt, tha më zuri gojën. Nuk na tha ndonjë gjë vetëm tha na kanë marrë lekë diçka e tillë. Ajo jeton vetë, kur sëmuret, kur.. se ka një mbesë që kujdeset për të. Por mbesa është në Pogradec, ne na lajmëron, për ndonjë gjë të vogël, për të marrë pensionin ose ilaçet, ne. Bashkëshorti i ka vdekur ka 2 vite. Tani rri vetëm. Ishte shumë e rënduar, tani ndodhet në spital, është një pak më ndryshe por prapë ka dhimbje. Ka shembje nga brenda, por nuk ka probleme të rënda. Isha sot tek ajo,"-tregoi fqinja Erjona Bakollari.
KORÇË- Një 67-vjeçare ka rënë pre e grabitjes në Pirg të Maliqit 8 ditë më parë. Një person i maskuar i është futur në shtëpi dhe i ka grabitur 10 mijë euro, të cilat e moshuara pretendon se i ka mbledhur nga shitja e tokave pasi fëmijë nuk ka. Luljeta Hoxha ka dhënë detaje teksa është intervistuar për mediat, duke shtuar se nuk dyshon tek asnjë. Ndërsa me detaje tregon sesi autori i grabitjes e lidhi, e dhunoi derisa i ra të fikët. E më pas, me t'i marrë paratë, ishte larguar nga banesa e saj. Me të ardhur në vete, ishte ajo që kishte shkuar tek fqinjët për të kërkuar ndihmë.
"Si u zgjova, u lirova dhe u zgjidha vetë se isha edhe me shami të lidhura buzët e kam gojën pleh. E kisha të zezë gojën. Pastaj siç isha vajta lajmërova komshien dhe u thashë më vranë më morën lekët, erdhën këta, lajmëruan policinë, erdhi Policia më morën për këmbe për dorë më mbështollën me çarçaf me hodhën në barrelë dhe më sollën këtu. Policia më pyeti. Unë nuk dyshoj te asnjë, nuk ja ve gishtin asnjërit apo në fshat apo në vëllazëri se kemi shkuar shumë, nuk di çfarë të them por që u torturova shumë e kam gjoksin...Nuk di çfarë të them. U prenë dritat u hap porta thashë me veten time çfarë u bë. Ishte djalë i ri, 30-35, nuk e dallova dot,"-tregoi ajo ndër të tjera.
RRËFIMI I PLOTË:
Në 21:40 unë shkova në banjë mbarova aty dhe rashë në rrobe (në krevat), sa rashë në këtë pozicion, pa më zënë gjumi erdhi një djalë i gjatë i veshur dhe i maskuar, me kapuç me maskë, vetëm një pashë. Ai telefonin në dorë, unë telefonin më dorë, ma mori telefonin dhe ma hodhi. Lekët tha se të vrava dhe nxori një thikë. I thashë nuk kam lekë. Lekët e pensionit dhe kartat e bankës, kam ca lekë në bankë. Lekët tha se të vrava dhe e vuri edhe njëherë kapuçin të mos i shihja hundën. Më hipi sipër dhe më lidhi duart me litar, ja ku i kam shenjat akoma, po bëj 8 ditë me duar të zeza. Më mori 10 mijë euro. Si mbaroi kjo; bam këtu, bam këtu, më lidhi duart më lidhi edhe këmbët, lekët se të vrava. Nuk kam lekë mor bir, prapë unë u mundova të rezistoja. Pastaj më mori zvarrë si ata hajvanët e ngordhur dhe më shpuri nga dhoma tjetër, i themi dhomë pritje. Lekët, nuk kam. Lekët, nuk kam. Pastaj po shkumëzosha, mu pre takati, humba ndjenjat fare. Unë nuk fola më unë, lekët i gjeti vetë. Kam shitur 2 toka një në 2001 një në 2012. Një e kam shitur 13 milion, një e kam shitur 4 milion e 250 mijë. Unë jetoj vetë, burri ka 2 vite që më ka vdekur.
Si u zgjova, u lirova dhe u zgjidha vetë se isha edhe me shami të lidhura buzët e kam gojën pleh. E kisha të zezë gojën. Pastaj siç isha vajta lajmërova komshien dhe u thashë më vranë më morën lekët, erdhën këta, lajmëruan policinë, erdhi Policia më morën për këmbe për dorë më mbështollën me çarçaf me hodhën në barrelë dhe më sollën këtu. Policia më pyeti. Unë nuk dyshoj te asnjë, nuk ja ve gishtin asnjërit apo në fshat apo në vëllazëri se kemi shkuar shumë, nuk di çfarë të them por që u torturova shumë e kam gjoksin...Nuk di çfarë të them. U prenë dritat u hap porta thashë me veten time çfarë u bë. Ishte djalë i ri, 30-35, nuk e dallova dot, thërriste lekët dhe nxori një thikë dhe litarin që më lidhi. O lekët o të thera më thoshte mua. Jetoj vetëm me pension. Mbledh ndonjë lek dhe le mënjanë vetëm këto nuk i gjetën dot, nuk kishin rrëmuar (kërkuar) aq. Kishin hapur divanët, se unë aty i mbaj, kishte bërë rrëmujë. Kam shumë frikë të kthehem në shtëpi, shumë, po them mos marr ndonjë urdhër mbrojtje nga polici i zonës. Nuk kam besim se do gjendet këtë pyetje ma ka bërë dhe policia. Burri më ka vdekur, fëmijë nuk kam, mbesat kujdesen për mua hynë dalin, mblodha dy lekë, i hoqa mënjanë, i hoqa për të tjerët... Më dhembin brinjët, nuk më kanë thënë akoma kur do dalë, jam shumë e rënduar më është mpiksur gjaku, kam bërë skaner, grafi, skopi. Tani vijnë mbesat, komshija mu ndodh. Nuk kam të tjerë. Vëllai i madh është 70 vjeç. Vitin e ri e kalova këtu. Të bëhem mirë, pa kush po pyet për vitin e ri.
TIRANË- Kreu i Partisë Demokratike, Sali Berisha ka publikuar denoncimin e një qytetari i cili deklaron se një e moshuar është grabitur dhe rrahur barbarisht në vigjilje të Vitit të Ri, teksa nga organet e rendit nuk është bërë asgjë. Sipas denoncimit të mbërritur te Berisha, e moshuara në fjalë quhet Luljeta Hoxha. Pensionistja e cila banon në fshatin Pirg të bashkisë së Maliqit, ra pre e grabitjes. Persona të maskuar, i kanë hyrë në banesë me datë 29 dhjetor, e kanë rrahur, lidhur e më pas vjedhur shumën prej 10 mijë eurosh që ajo kishte në banesë.
Hoxha ndodhet e shtruar në spital, aty ku po merr ndihmën e duhur mjekësore. Ndërsa sipas personit që ka bërë denoncimin, edhe pse kanë kaluar kaq ditë, policia ende nuk ka bërë asnjë prononcim për ngjarjen në fjalë.
POSTIMI I BERISHËS:
Te moshuares I vjedhin 10000 € dhe e bejne per spital. Per policine nuk ka ndodhur gje! Bashkepunim me krimin. Lexoni denoncimin e qytetarit dixhital!Fillimisht me lejoni t'ju uroj Ju dhe familjes Suaj nje vit te ri plot shendet dhe miresi.
Po ju informoj per nje grabitje qe ka ndodhur ne fshatin Pirg pjese e bashkise Maliq ku persona te maskuar i kane hyre ne banese dhe kane dhunuar , rrahur barbarisht dhe e lidhur kur e kane gjetur, shtetasen Luljeta Hoxha pensioniste e cila jeton e vetme , ne dt 29 dhjetor rreth ores dy pas mesnate ku ajo pretendon se i kish grabitur nje sasi prej 10 000 euro. Shtetasja ne fjale ndodhet e shtruar ne spitalin e Korces. Nga organet e rendit e kane lene ne heshtje dhe nuk kane bere asnje prononcim deri me sot.
