Dhunimi i Petraq Milos nga policia e Malit të Zi, pezullohet zv.drejtori, publikohen të tjera pamje tronditëse, mediat: Skandal, të merren masa

Petraq Milo

MALI I ZI- Dhunimi i Petraq Milos, Kryetarit të Komisionit për Ekonominë dhe Financat në Partinë e Lirisë ka sjellë reagime në Malin e Zi. Mediat malazeze kanë publikuar reagime që kanë ardhur pas ngjarjes së ndodhur e raportuar më 18 janar. Vijesti shkruan se Drejtori i Qendrës Rajonale të Policisë Kufitare kanë marrë deklarime nga punonjësit e asaj pikë kufitare dhe pas përfundimit të veprimeve zyrtare do të dihet se çfarë sanksionesh do të merren ndaj policëve.

Mediat e konsiderojnë një skandal këtë ngjarje.

“Drejtoria e Policisë është duke përcaktuar se çfarë ka ndodhur në pikën kufitare Sukobin – Muriçan pasi mediat shqiptare njoftuan se oficerët e Policisë Kufitare të Malit të Zi kanë keqtrajtuar brutalisht një shtetas shqiptar. Drejtori i Qendrës Rajonale të Policisë Kufitare kanë marrë deklarime nga punonjësit e asaj pikë kufitare dhe pas përfundimit të veprimeve zyrtare do të dihet se çfarë sanksionesh do të merren ndaj policëve,”- thuhet në artikull.

Petraq Milo dhe familja e tij janë dhunuar nga Policia malazeze në doganën e Murriqanit. Pamjet e dhunës u publikuan në rrjetet sociale dhe shihej qartë momenti kur ish-këshilltari i ish-presidentit Ilir Meta është nxjerrë zvarrë nga makina dhe më pas është përplasur pas një tjetre. Po ashtu, të njëjtin "fat" ka pasur edhe i biri, ndërsa një grua e dhunuar barbarisht, ka humbur ndjenjat brenda makinës. Sot u raportua se është bërë pezullimi i Zëvendësdrejtorit në Sektorin e Policisë Kufitare malazeze, Dragan Klikoovac.

Petraq Milo

MALI I ZI- Mediat malazeze kanë publikuar të tjera pamje nga dhunimi i Petraq Milos, Kryetarit të Komisionit për Ekonominë dhe Financat në Partinë e Lirisë, ngjarje e ndodhur më 18 janar të këtij viti. Videoja prej 34 sekondash tregon Milon që ndodhet në timon, ndërsa rreth tij janë të paktën tre policë kufitarë. Në një moment, Milo mbyll derën, ndërsa efektivi i afrohet tek dritarja e makinës duke folur. Ajo që thotë efektivi nuk kuptohet, por sipas mediave malaeze ai ka thënë: Do të ta thyej nofullën!

Milo dëgjohet duke folur shqip dhe anglisht.

“Nuk kam bërë asgjë, asgjë nuk kam bërë. Të lutem shumë,”- thotë ai, por efektivi i mbyll gojën me dorë dhe e godet. Në këtë moment në mjetin e Milos nisin të ulërasin fëmijët.

“Oo, çfarë po i bën, çfarë po i bën babit,”- thonë ata. Efektivi më pas hap derën dhe e nxjerr Milon zvarrë nga makina.

Petraq Milo dhe familja e tij janë dhunuar nga Policia malazeze në doganën e Murriqanit. Pamjet e dhunës u publikuan në rrjetet sociale dhe shihej qartë momenti kur ish-këshilltari i ish-presidentit Ilir Meta është nxjerrë zvarrë nga makina dhe më pas është përplasur pas një tjetre. Po ashtu, të njëjtin "fat" ka pasur edhe i biri, ndërsa një grua e dhunuar barbarisht, ka humbur ndjenjat brenda makinës. Sot u raportua se është bërë pezullimi i Zëvendësdrejtorit në Sektorin e Policisë Kufitare malazeze, Dragan Klikoovac.

Momenti nga dhunimi i Petraq Milos dhe Dragan Klikoovac

MALI I ZI- Zëvendësdrejtori në Sektorin e Policisë Kufitare malazeze, Dragan Klikoovac është pezulluar nga detyra, pas incidentit të rëndë që u shënua në kufirin e Shqipërisë dhe Malit të Zi. Bëhe fjalë për dhunimin e Kryetarit të Komisionit për Ekonominë dhe Financat në Partinë e Lirisë, Petraq Milo, i cili ka shërbyer edhe si këshilltari i Ilir Metës, kur ky i fundit ka qenë President.

Burime pranë policisë dhe autoriteteve administrative në Malin e Zi, thanë për Panorama se kjo masë është marrë kur ka kaluar më shumë se një muaj nga ngjarja.

Petraq Milo dhe familja e tij janë dhunuar nga Policia malazeze në doganën e Murriqanit. Pamjet e dhunës u publikuan në rrjetet sociale dhe shihej qartë momenti kur ish-këshilltari i ish-presidentit Ilir Meta është nxjerrë zvarrë nga makina dhe më pas është përplasur pas një tjetre. Po ashtu, të njëjtin "fat" ka pasur edhe i biri, ndërsa një grua e dhunuar barbarisht, ka humbur ndjenjat brenda makinës.