Atentati në Kamëz mbrëmjen e djeshme/ 3 të shpallur në kërkim, dy të dyshuar për shpërndarje lëndësh narkotike! Shënjestra një 30-vjeçar (EMRAT)

Foto nga vendi i ngjarjes

KAMËZ- Enedjon Kaçi, dyshohet se ishte shënjestër e atentatit të mbrëmjes së djeshme në Kamëz ndërsa dy të kërkuarit e tjerë, Fabion Kurti e Dejvi Mullai, janë autorët që qëlluan me armë. Dy autorët e dyshuar lëviznin me një makinë tip "BMW", ndërsa shënjestra dhe persona të tjerë që ende nuk janë identifikuar, lëviznin me "Land Rover".

Dejvi Mullai dhe Fabion Kurti rezultojnë të skeduar dhe të shoqëruar më parë për shpërndarje të lëndëve narkotike, ndërsa objektivi i atentatit nuk rezulton me precendent penal. Paraprakisht dyshohet se mund të ketë ndodhur konflikt mes të rinjve për lëndë narkotike.

pamje nga vendngjarja

TIRANË- Detaje të reja janë zbardhur në lidhje me atenatin e bërë mbrëmjen e kaluar në zonën e Kamzës. Mësohet se personat që u përfshinë mbrëmë në atentatin e ndodhur në Kamëz dyshohet se janë shpërndarës të lëndëve narkotike. Gjithashtu policia ka identifikuar dhe shpallur në kërkim tre të rinjtë që u përfshinë në ngjarje. Ata janë Dejvi Mullai, Fabion Kurti dhe Enedjo Kaci.

Po ashtu policia sqaroi se gjatë kontrollit të zonës janë gjetur dy automjete të braktisura, të cilat dyshohet se janë përdorur nga autorët për tu larguar nga vendi i ngjarjes. Nuk dihet ende destinacioni që kanë ndjekur autorët, grupi hetimor ka nisur hetimet për gjetjen e automjetit, lokalizmin dhe kapjen e tre të shpallurve në kërkim.

Policia

TIRANË - Policia ka dalë me një reazim zyrtar lidhur me ngjarjen që u regjistrua mesnatën e kaluar ku u qëllua disa herë me armë zjarri drejt një makinë në lëvizje në zonën e Kamzës.

Policia thotë se janë identifikuar dhe shpallur në kërkim 3 persona që dyshohet se janë të implikuar në ngjarje. Në kërkim janë shpallur Dejvi Mullai 24 vjeç, Fabion Kurti 24 vjeç dhe Enedjo Kaci 30 vjeç të tre banues në Kamëz, të cilët për arsye ende të paqarta kanë qëlluar me armë drejt mjetit në lëvizje por fatmirësisht nuk pati të lënduar. 

Policia sqaron se gjatë kontrollit të zonës janë gjetur dy automjete të braktisura, të cilat dyshohet se janë përdorur nga autorët për tu larguar nga vendi i ngjarjes. Nuk dihet ende destinacioni që kanë ndjekur autorët, grupi hetimor ka nisur hetimet për gjetjen e automjetit, lokalizmin dhe kapjen e tre të shpallurve në kërkim.

Njoftimi i Policisë:

Vijon intensivisht kontrollet për kapjen e personave të shpallur në kërkim të dyshuar si autorë të ngjarjes.

Në lidhje me informacionin paraprak të dhënë mbrëmjen e djeshme, për një automjet në lëvizje nga brenda të cilit është qëlluar me armë zjarri në drejtim të një automjeti tjetër, ju informojmë se:

Falë veprimeve të shpejta hetimore dhe një pune të pandërprerë është bërë i mundur identifikimi dhe shpallja në kërkim i autorëve të dyshuar të ngjarjes, konkretisht shtetasit D. M., 24 vjeç, F. K., 24 vjeç dhe E. K., 30 vjeç, të tre banues në Kamëz.

Gjithashtu, gjatë kontrollit të zonës janë gjetur dy automjete të braktisura, të cilat dyshohet se janë përdorur nga autorët për tu larguar nga vendi i ngjarjes.

Po nga veprimet e para hetimore rezulton se 3 autorët e dyshuar të ngjarjes dyshohet se janë larguar me një automjet tjetër i cili është identifikuar nga ana jonë dhe vijon puna për gjetjen e automjetit , lokalizmin dhe kapjen e tre shtetasve të shpallur në kërkim.