I ngacmoi partneren/ E masakroi 4 herë me thikë, humb jetën në spital 34-vjeçari, në pranga autori i ngjarjes (EMRAT) 

Pamjet e ngjarjes

TIRANË- Amarildo Hoxhallari ka mbetur i vrarë pasditen e sotme nga një 25-vjeçar me emrin Darmian Keli në lagjen Astir në Tiranë. 34-vjeçari është qëlluar me thikë nga Keli, për shkak se ka ngacmuar partneren e 25-vjeçarit. Hoxhallari u transportua në spital, por për shkak të plagëve të marra, humbi jetën.

Amarildo Hoxhallari nuk është emër i pa njohur për Policinë, pasi është arrestuar në vitin 2015 si organizator i atentatit të Pajtim Serjanit. Amarildo sëbashku me kushuririn e tij Aurel Hoxhallari janë prangosur në atë vit si dy organizatorët e atentatit të Serjanit,por u lanë në lirë më pas për mungesë provash.

Si ndodhi atentati në vitin 2015?

Atentati ndaj Pajtim Serjanit ndodhi më 5 janar 2015 në Rrugën e Kavajës, në hyrje të rrugës “Islam Alla”. Një person që u identifikua si Arjanit Sterjo iu afrua dhe e qëlloi Serjanin, duke e plagosur. Në këtë moment ka ndërhyrë punonjësi i policisë, Roland Meta, i cili ka nxjerrë armën e shërbimit dhe pasi ka thirrur “Ndal, Policia!” ka qëlluar në drejtim të Sterjos. Nga shkëmbimi i zjarrit, polici Meta mbeti i plagosur, ndërsa Sterjo i vrarë.

Arrestimi

TIRANË- Pamjet e mëposhtme janë nga arrestimi i 25-vjeçarit Darmian Keli në Astir që qëlloi me thikë 34-vjeçarin Amarildo Hoxhallari, pasi ky i fundit i ngacmoi partneren. Keli ka qëlluar 4 herë më thikë Hoxhallarin dhe ky i fundit pas plagëve të marra humbi jetën në spital. 

Si ndodhi ngjarja?

Një ngjarje e rëndë ka ndodhur pasditen e sotme në Tiranë. Një 25-vjeçar me emrin Darmian Keli ka qëlluar 4 herë më thikë një 34-vjeçar me emrin Amarildo Hoxhallari. Ngjarja e rëndë ka ndodhur në lagjen Astir, për shkaqe xhelozie. Dyshohet se Hoxhallari ka ngacmuar partneren e 25-vjeçarit dhe ky i fundit ka marrë hakë duke e plagosur. 34-vjeçari u transportua në spital, por për shkak të plagëve të marra, humbi jetën

Autori

TIRANË- 34-vjeçari i plagosur pasditen e sotme me thikë në lagjen Astir në Tiranë ka ndërruar jetë. Mësohet se Amarildo Hoxhallari ka humbur jetën në spital, pasi nuk ia doli tu rezistonte plagëve të marra me thikë nga Darmian Keli.

Njoftimi i Policisë:

Tiranë/Informacion shtesë Në vijim të informacionit paraprak të dhënë pak më parë, ku në Unazë të Re, është plagosur me mjet prerës shtetasi A. H., ju informojmë se ky shtetas si pasojë e dëmtimeve të marra ka ndërruar jetë në spital. Grupi hetimor ka arrestuar në kushtet e flagrancës autorin e dyshuar të kësaj ngjarje, shtetasin D. K.

Keli e ka qëlluar 4 herë më thikë Hoxhallarin, për shkak se ky i fundit dyshohet se i ka ngacmuar partneren 25-vjeçarit. Autori i ngjarjes është arrestuar dhe shoqëruar në komisariat. 

Pamje nga vendngjarja

TIRANË- Një zënkë ka përfunduar në plagosje, pasditen e sotme në lagjen Astir në Tiranë. Shkaqet e sherrit dyshohet se janë për një vajzë. Kjo pasi Amarildo Hoxhallari dyshohet se ka ngacmuar të dashurën e 24-vjeçarit Darmian Keli. 

I plagosuri 34-vjeçar është dërguar në spital për të marrë ndihmë mjekësore. Ndërkohë që autori i ngjarjes është arrestuar dhe shoqëruar në komisariat. 

Njoftimi i Policisë:

Plagosi me mjet prerës një shtetas, për motive të dobëta, identifikohet dhe shoqërohet në komisariat autori i dyshuar. Shërbimet e Komisariatit të Policisë Nr. 6 dhe ato të Forcës së Posaçme "Shqiponja", pas marrjes së njoftimit se në Unazë të Re, sot rreth orës 18:45, një shtetas kishte plagosur me mjet prerës, një 34-vjeçar, kanë organizuar menjëherë punën për kapjen e autorit dhe vënien e tij përpara përgjegjësisë ligjore.

Si rezultat i veprimeve të shpejta policore, u kap dhe u shoqërua në komisariat për veprime të mëtejshme procedurale shtetasi D. K., 25 vjeç, banues në Tiranë.  Nga veprimet hetimore dyshohet se shtetasi D. K., për motive të dobëta, ka plagosur me mjet prerës shtetasin A. H., 34 vjeç, i cili ndodhet në spital, nën kujdesin e mjekëve.  Vijon puna nga grupi hetimor për sqarimin e rrethanave të ngjarjes.