Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Sot humbi jetën 50-vjeçari Durmish Glluçaj në fshatin Gjormë të Vlorës. •Fillimisht u raportua si shpërthim nga një bombol gazi, e më pas u raportua se shkak ishte një granatë e cila gjendej në oborrin e banesës së tij. •Por, Policia doli me një sqarim tjetër, ku tha se shkak ishte shpërthimi i një bombole të një sobe të vogël me gaz, e cila ishte në ambientet e jashtme. •Policia shkoi në vendngjarje pas telefonatës së fqinjit, por fatkeqësisht 50-vjeçari humbi jetën rrugës për në spital.
4 artikuj për këtë temë.
VLORË- Zbardhet vdekja e 50-vjeçarit në Selenicë të Vlorës. Policia bën të ditur se në territorin e jashtëm të banesës së shtetasit D. G., ka shpërthyer bombola e një sobe të vogël me gaz.
NJOFTIMI I POLICISË:
Selenicë, Vlorë/Zbardhet ngjarja e ndodhur mëngjesin e sotëm, në Selenicë, ku si pasojë e një shpërthimi, humbi jetën shtetasi D. G., 56 vjeç. Dokumentohet me prova ligjore se në territorin e jashtëm të banesës së shtetasit D. G., ka shpëthyer bombola e një sobe të vogël me gaz. Si rezultat i veprimeve të shpejta hetimore dhe procedurale, të kryera nga grupi i posaçëm hetimor i ngritur për këtë rast, dhe nga eskpertët xhenierë, në drejtimin e Prokurorisë së Vlorës, të cilët shkuan në vendngjarje menjëherë pas njoftimit, u bë e mundur zbardhja dhe dokumentimi me prova ligjore i ngjarjes së raportuar në sallën operative të DVP Vlorë, rreth orës 06:15 të mëngjesit të sotëm.
VLORË- Policia ka dhënë detaje rreth vdekjes së 50-vjeçarit në Selenicë. Sipas forcave blu, fillimisht u bë e ditur se kishte shpërthyer një bombul gazi, mirëpo më pas nga verifikimet u zbulua se shpërthimi nuk ndodhi brenda banesës, por jashtë saj.
Grupi hetimor dhe ekspertët xhenierë, në drejtimin e Prokurorisë, vijojnë punën intensive për zbardhjen e rrethanave të kësaj ngjarjeje, për të përcaktuar çfarë ka shpërthyer, si dhe për të përcaktuar shkakun e shpërthimit.
NJOFTIMI I POLICISË:
Në lidhje me informacionin paraprak të dhënë mëngjesin e sotëm, sipas të cilit, një shtetas njoftoi sallën operative të DVP Vlorë, se në banesën e fqinjit të tij, shtetasit D. G., kishte shpërthyer një bombol gazi dhe si pasojë e shpërthimit, shtetasi D. G. humbi jetën, gjatë rrugës për në spital, ju informojmë se: Nga veprimet paraprake hetimore të kryera nga grupi i posaçëm hetimor, rezulton se vendi i kësaj ngjarjeje nuk është brenda banesës së shtetasit D. G., por në territorin e jashtëm të banesës së këtij shtetasi.
Grupi hetimor dhe ekspertët xhenierë, në drejtimin e Prokurorisë, vijojnë punën intensive për zbardhjen e rrethanave të kësaj ngjarjeje, për të përcaktuar çfarë ka shpërthyer, si dhe për të përcaktuar shkakun e shpërthimit. Në vijim do të informoheni për më shumë detaje mbi këtë ngjarje.
VLORË- Një 50-vjeçar humbi jetën ditën e sotme në fshatin Gjorm të Vlorës. Edhe pse fillimisht u raportua se personi humbi jetën për shkak të shpërthimit të një bombole gazi, dyshohet se në oborrin e banesës së tij ka shpërthyer një lëndë plasëse.
Ai u dërgua me urgjencë për në spitalin e Vlorës por ka ndërruar jetë gjatë rrugës. Policia ndodhet në vendngjarje dhe po punon për të sqaruar rrethanat./Dosja.al

VLORË-Një 50-vjeçar ka ndërruar jetë pasi në banesën e tij shpërtheu bombula e gazit. Ishte fqinji i viktimës ai që telefonoi policinë për të lajmëruar për ngjarjen që kishte ndodhur.
I zoti i shtëpisë, 50-vjeçari me inicialet D.G, humbi jetën rrugës për në spital. Në vendngjarje kanë shkuar grupi hetimor dhe shërbimet e policisë për sqarimin e rrethanave të ngjarjes dhe në përfundim do ketë një informacion të plotë për rastin.
NJOFTIMI I POLICISË:
Salla Operative e DVP Vlorë ka marrë një telefonatë nga një shtetas, se në banesën e shtetasit D.G (komshiu), dyshohet se aksidentalisht ka plasur një bombul gazi dhe është dëmtuar i zoti i banesës shtetasi D. G, rreth 50 vjeç, i cili ka humbur jetën rrugës për në spital. Në vendngjarje po shkojnë grupi hetimor dhe shërbimet e policisë për sqarimin e rrethanave të ngjarjes dhe në përfundim do ketë një informacion të plotë për rastin.