Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Komisioni për Veprimtaritë Prodhuese Tregtinë dhe Mjedisin ka zhvilluar ditën e sotme mbledhjen për propozimin e deputetes demokratike, Jorida Tabaku për shfuqizimin e projektligjit të Investitorëve Strategjikë. • Gjatë prezantimit të projektligjit të propozuar nga deputetja Tabaku në Komisionin e Veprimtarisë Prodhuese, ajo u shpreh se ligji i Investimeve Strategjike nuk ka kontribuar për mirë në ekonominë dhe vendin tonë. • Deputetja tha se vendimet për dhënien e statusit të investitorit strategjik kanë qenë abuzive në të shumtën e rasteve duke avantazhuar vetëm një grup të vogël kompanish. • Tabaku gjithashtu ka shpalosur nismën e dytë për planifikimin dhe zhvillimin e territorit në Shqipëri. • Ajo është shprehur se duhet patjetër që të ketë disa ndryshime në ligj, pasi subjektet që kanë në plan të ndërtojnë fillimisht të tregojnë vlerën e investuar nga ta dhe vlerën që mund ta marrin me kredi.
2 artikuj për këtë temë.
TIRANË- Deputetja demokratike Jorida Tabaku në Komisionin për Veprimtaritë Prodhuese ka shpalosur nismën e dytë për planifikimin dhe zhvillimin e territorit në Shqipëri. Gjatë fjalës së saj, Tabaku është shprehur se duhet patjetër që të ketë disa ndryshime në ligj, pasi subjektet që kanë në plan të ndërtojnë fillimisht të tregojnë vlerën e investuar nga ta dhe vlerën që mund ta marrin me kredi.
"Ne kemi propozuar 3 ndryshime: burimet e financimit, 2 elementë kontrollus shtojmë këtu. Një burimi finacnimit në momentin kur aplikohet për leje ndërtimi. Subjekti duhet të sjell një raport të të detajuar të të ardhurave. Sa do mbulohet nga kompania, sa nga kleringu, sa nga kredia..etj. Elementi i dytë, pas përfundimit të ndërtimit të objektit kërkohet që të paraqitet një raport i detajuar që do jetë objekt i organieve tatimore. Për çdo gjë shtesë duhet të jetë objekt i ligjit antimafia. Ligji antimafia nuk është përdorur nga qeveria. Sektori ndërtimi është penetruar nga interesat kriminalë", tha Tabaku.
Ndërkohë që relatori i komisionit, Laert Duraj në fjalën e tij u shpreh se propozimet e bëra nga Tabaku nuk mund të realizoheshin brenda afateve të caktuara.
“Ligji sipas Tabakut të ketë efektë dhe për kërkeat e mëhershme. Edhe nëse do ishim dakortë me këtë vetim të ndërtimit, përsëri afatet do ishin shumë të diskutueshme. Koha e afatit do ishte e mjaftueshme që subjektet dhe personat e përfshirë do ishin të qartë se për cilin filtër do kalonin. Ka mjaftueshëm organe në Shqipëri të vlerësuar dhe hetuar pastrimin e parave se kur ndodh. Për zonat rurale vendosja e një ligji të tillë do ta komplikonte më shumë situatën”, tha Duraj.
TIRANË- Komisioni për Veprimtaritë Prodhuese Tregtinë dhe Mjedisin po zhvillon ditën e sotme mbledhjen ku diskutohet propozimi i deputetes demokratike, Jorida Tabaku për shfuqizimin e projektligjit të Investitorëve Strategjikë’. Gjatë prezantimit të projektligjit të propozuar nga deputetja Jorida Tabaku në Komisionin e Veprimtarisë Prodhuese, deputetja e PD-së, Tabaku u shpreh se ligji i Investimeve Strategjike nuk ka kontribuar për mirë në ekonominë dhe vendin tonë. Deputetja tha se vendimet për dhënien e statusit të investitorit strategjik kanë qenë abuzive në të shumtën e rasteve duke avantazhuar vetëm një grup të vogël kompanish.
“Nga ky ligj kanë përfituar dhe oligarku rus Deripaska, që fshihet si një investitor strategjik për luleshtrydhe në zonën e qarkut Fier. Kjo më duket e papranueshme,”- u shpreh deputetja Tabaku që sqaroi edhe më tej se ky projektligj kërkon të shohë edhe vullnetin politik të kësaj maxhorance.
Ndër të tjera ajo tha se shfuqizimi i ligjit për investitorët strategjikë duhet të nisë nga 1 janari i këtij viti.
“Kam kërkuar përfundimin e ligjit të investimeve strategjike për 1 janarin 2023. Nëse kjo mazhorancë ka vullnetin të aprovojë projektligjin që kërkon ndalimin e investimeve strategjike jam e gatshme që të dakordësohem që data e fundit e pranimit të ofertave të jetë 1 mars 2023. Por a është kjo mazhorancë gati? A ka vullnet politik?”
Tabaku ka prezantuar në kuvendin e Shqipërisë në 8 dhjetor 2022 (ditën e luftë kundër korrupsionit) një paketë ligjesh dhe ndryshimesh ligjore për të luftuar korrupsionin. Propozimet janë duke u diskutuar në komisionet parlamentare.
