Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Ashtu siç paralajmëruan një ditë më parë, invalidët në Elbasan janë futur në grevë urie. • Ky veprim i tyre vjen pasi CMAP epror u ka hequr padrejtësisht pagesën prej 16 mijë lekë në muaj, pjesë e paketës higjieno-sanitare. • Kreu i shoqatës, Skënder Sallaku tha se u kishin premtuar një takim në Ministrinë e Shëndetësisë, por nuk u pritën. Ndaj dhe vendosën të futeshin në grevë urie. • Të gjithë janë përlotur teksa marrin masa ekstreme në një kohë kur do të duhet të ishin me familjen për të festuar festat e fundvitit. • Por duket se janë të vendosur që nuk do të heqin dorë.
3 artikuj për këtë temë.
ELBASAN- Skënder Sallaku, sekretari i Shoqatës së Invalidëve, ka treguar arsyet se përse invalidët e Elbasanit janë futur në grevë. Në një intervistë për mediat, Sallaku tha se e të gjithë e morën vendimin pasi Shërbimi Social i mashtroi edhe pse u kishin premtuar një takim në Ministrinë e Shëndetësisë, por nuk u pritën. Invalidi thotë se do të vijojnë grevën derisa të marrin një zgjidhje, madje paralëjëmrin se do të shkojnë edhe në masa ekstreme, të digjen me benzinë.
"Kërkesat tona janë që ne të kthehemi urgjentisht në komuna dhe në bashki. Dua që dosjet të kthehen sërish si më parë. Ne u futëm në grevë urie, na thanë dilni se do të keni takim tek shërbimi social. Na gënjyen. Na thanë që do të dilni në Komision. Ata atë ditë nuk u paraqitën në Komision. Erdhën punonjës socialë. Ne dolëm të mashtruar nga ajo. Iku një javë dhe na dhanë një tjetër ultimatum, na shtynë disa javë. Duan të na nxjerrin ne fajtorë, por kjo gjë nuk do të ndodhë kurrë. Unë 300 mijë lekë i dua për shërbime sanitare. Ministria e Shëndetësisë dhe Shërbimi social duan të mbulojën zullumet, duhet të ndiqen penalisht për shpërdorim detyre. Unë me shtyllë kurrizore 98% të dëmtuar, me rezonancë, nuk e morën përsipër. Dosja ime do të shkojë në gjykatë të Strasburgut nëse nuk gjendet drejtësi. Do rezistojmë 10 ditë-15 ditë. Do digjemi brenda në zyrë me benzinë e hajt' mirupafshim. Nuk i hiqet kempi atij zotërisë atje. Si e mori guximin KEMPI Epror. Të vret zoti. Ata janë bërë grup bashkë dhe bëjnë pazaret e tyre. Do kërkoj shkarkimin, derisa e drejta ime dhe e këtyre që qajnë në Elbasan të vihet në vend,"- shprehet ai.
Në fund, ai thotë se beson se kryeministri Edi Rama do t’i japë zgjidhje këtij problemi. Por pavarësisht se kanë disa ditë në protestë, nuk kanë marrë asnjë përgjigje.
ELBASAN- Lotët nuk kanë munguar nga sytë e personave me aftësi të kufizuara. Sot, ata kanë hyrë në grevë urie, pasi nuk kanë marrë asnjë përgjigje nga instancat shtetërore. Por teksa ishin reshtuar pranë njëri-tjetrit, nuk i kanë kursyer as lotët, teksa mendonin festat e fundvitit që i prisnin dhe mungesën e të ardhurave për ta festuar njëjtë si gjithë të tjerët.
"Unë kam lindur i tillë, si ma pret KEMP-in mua?,"-tha njëri prej tyre. Ndërsa kreu i shoqatës, i cili nuk i ka mbajtur dot lotët tha: Nuk i mbaj dot lotët. Çfarë feste krishtlindje thoni? Këta nuk kanë bukë të hanë, ju thoni Krishtlindje.
Reagimin më prekës e kishte Andrea Qosja, i cili i ka humbur të dyja këmbët kur ishte vetëm 13 vjeç. Pa asnjë mundësi rekuperimi apo shërimi ai u vlerësua si invalid i përjetshëm dhe përfitoi disa të drejta deri në nëntor të vitit 2022 ku një keqinterpretim i ligjit 8626 i vitit 2000 nuk e cilëson më si paraplegjik dhe i heq paketën higjienosanitare. U deshën plot 22 vite që neni 2 i ligjit 8626 të riinterpretohej dhe tashmë Qosja nuk paraplegjik pasi sipas autoriteteve, ai është baba i dy fëmijëve, ç’ka, sipas tyre, do të thotë se nuk i ka humbur të gjitha funksionet nga mesi e poshtë.
SHIKO MINUTËN E 7:
"Për ne nuk ka festa, festa jonë është në grevë, i lutem shtetit t'i rishikojë dhe të na kthejë tek paketa që ishim se nuk mundemi dot,"-tha ai mes lotëve.
Vendimet e fundit të Komisioni Epror Mjekësor kanë prekur një numër të konsiderueshëm të personave me aftësi të kufizuar në të gjithë Shqipërinë. Sakaq invalidët e Elbasanit pasi nuk morën përgjigje për ankesat e tyre janë rifutur në grevë urie.
ELBASAN- Personat me aftësi të kufizuar në Bashkinë e Elbasanit kanë vendosur që të nisin grevën e tyre të urisë. Ata kanë thënë se KEMP-et e tyre janë ndaluar prej 2 muajsh, ndërsa shteti sipas tyre nuk u ka dhënë asnjë përgjigje për ndalimin e pagesave. Janë rreth 160 persona me aftësi të kufizuara në Elbasan, të cilët nuk kanë marrë KEMP-in e tyre.
Prej ditësh ishin në pritje të një përgjigje nga instancat përkatëse, ndërsa për këtë arsye, rreth orës 09:30 minuta hynë në grevë urie.
Vendimet e fundit të Komisioni Epror Mjekësor kanë prekur një numër të konsiderueshëm të personave me aftësi të kufizuar në të gjithë Shqipërinë.Në bazë të VKM nr.78 persona të cilët kanë dëmtime definitive, pa perspektivë përmirësimi të gjendjes shëndetësore, deklarohen invalidë të përjetshëm dhe nuk duhet të paraqiten pranë Komisionit Mjekësor Epror. Mirëpo ky i fundit duket se ka dënuar invalidët, një pjesë e mirë e të cilëve janë kryefamiljarë dhe nuk përballojnë as nevojat e tyre mjekësore.
