Milatoviç betohet në Parlament si president i Malit të Zi, në ceremoni të pranishëm 200 personalitete, FJALIMI: Prioritet, përshpejtimi i rrugës drejt BE

Jakov Milatoviç dhe Vjosa Osmani

KOSOVË- Presidentja e Kosovës, Vjosa Osmani, me ftesë të autoriteteve shtetërore të Malit të Zi, krahas presidentëve të rajonit, të premten ka marrë pjesë në ceremoninë e inaugurimit të presidentit të ri, Jakov Milatoviç. Teksa e ka uruar homologun e saj për detyrën, Osmani ka theksuar se marrëdhëniet ndërmjet dy shteteve janë të ndërtuara mbi vlerat e përbashkëta demokratike, besimin e ndërsjellë dhe historinë e lidhjeve të fuqishme të popujve dhe shteteve. 

“Përcaktimi i qartë i popullit tonë për të ardhmen tonë të përbashkët euroatlantike nënkupton domosdoshmërinë që të vazhdojmë të ndërtojmë bashkëpunimin tonë të fortë dhe të mbrojmë vlerat që ndajmë dhe për të cilat kemi luftuar shumë për t’i ndërtuar dhe ruajtur. Derisa kontinenti ynë e gjen veten në këtë pikë kritike, është thelbësore që ne të qëndrojmë të bashkuar në përkushtimin dhe rrugën tonë drejt institucioneve euroatlantike”, ka theksuar ajo. 

Jakov Milatoviç ka marrë zyrtarisht detyrën si president i Malit të Zi. Ai është betuar para 200 të ftuarve në Parlament dhe më pas ka mbatjur një fjalim. Në fjalën e tij pas betimit ai tha se do të kryejë të gjitha detyrat me paanshmëri dhe nder sipas Kushtetutës dhe ligjit. Milatoviç nënvizoi se prioritet do të jetë përshpejtimi i rrugës drejt anëtarësimit në Bashkimit Evropian.

Jakov Milatoviç

MAL I ZI- Jakov Milatoviç është betuar si president i Malit të Zi. Në fjalën e tij pas betimit ai tha se do të kryejë të gjitha detyrat me paanshmëri dhe nder sipas Kushtetutës dhe ligjit. Ai gjithashtu tha se prioritet do të jetë përshpejtimi i rrugës drejt anëtarësimit në Bashkimit Evropian. Ai është presidenti i tretë që nga shpallja e pavarësisë së Malit të Zi më 21 maj të vitit 2006.

FJALIMI I PLOTË: 

E konsideroj privilegj, por edhe përgjegjësinë më të madhe, që m’u dha mundësia të jem në krye të vendit ku kam lindur, të cilin e dua pafundësisht, në themelet e të cilit ishte vepra jetësore e brezave të të parëve të mi e endur... Dhe sikur të zgjidhja, do të kisha lindur pikërisht këtu, në tokën më të bukur të gërshetuar me luftën shekullore për mbijetesë, të zhytur mes detit dhe shkëmbit. Frymëzimin në pozicionin tim do ta kërkoj në frymëzimin e Balshiqit, Vojislavljeviqit, Petroviqit, luftës antifashiste të Malit të Zi dhe brezave të paraluftës. Unë do të jem një president i vërtetë i të gjithë qytetarëve, pavarësisht nga përkatësia e tyre politike, fetare dhe kombëtare apo çdo karakteristikë tjetër personale.

Ndryshimi i strukturës politike dhe konsolidimi i demokracisë sonë ngre optimizëm se në periudhën e ardhshme çështjet e hapura që janë me rëndësi jetike për të ardhmen e Malit të Zi do t'i zgjidhim me shumë më shumë unitet. Puna që na pret nuk do të jetë afatshkurtër dhe e lehtë. Eliminimi i ndarjeve të brendshme, ndërtimi i institucioneve të forta, shpërndarja e paanshme e drejtësisë, një shoqëri me mundësi të barabarta... do të kërkojë angazhim të plotë. Ndarjet shkaktohen artificialisht, shpesh me synimin për të fshehur shpërbërjen e të mirave të përbashkëta dhe rritjen e pasurisë personale. Është koha për të zbritur nga autobusi dhe për t'u mbledhur rreth asaj që është emëruesi i përbashkët i të gjithëve - dhe kjo është dashuria për Malin e Zi. Unë do të përfaqësoj secilin prej nesh në përpjekjet për të gjetur harmoninë aty ku ishim të ndarë. Mali i Zi i pajtuar është i vetmi Mal i Zi i vërtetë

Ne nuk duhet të lejojmë më kurrë që asnjë individ të ndihet i padrejtë. Misioni im është Mali i Zi me mundësi të barabarta për të gjithë qytetarët, në të cilin puna e palodhur dhe arsimimi janë faktorët kryesorë të suksesit në jetë. Kjo është historia ime, e cila dua të bëhet historia e të gjithëve. ne në Mal të Zi.Do të jem faktor koheziv në luftën e përbashkët për një Mal të Zi më të mirë.Ndërtimi i institucioneve demokratike është detyrë e të gjithëve.Sistemi i krijuar në masën e një partie nuk i përballoi sfidat pas ndërrimit të qeverisë.Shpresoj që ne kemi nxjerrë mësime prej tij që do të na mundësojnë të ndërtojmë institucione të forta.Sistemi ligjor kërkon gjithashtu përmirësim.Ne nuk duhet të ndjekim shumicën, as dy të tretat, as tre të pestat, por të kërkojmë konsensus në gjetjen e zgjidhjeve më të mira. Vetëm kështu Mali i Zi do te fitoj.Në kuadër të kompetencave të mia, jam gati të jem gjeneratori i dialogut të përgjithshëm të nevojshëm për të arritur një konsensus për emërimet në drejtësi dhe për të përshpejtuar rrugën tonë evropiane. 

Pas himnit kombëtar, si dhe betimit Milatoviç do të mbajë fjalimin inaugurues, pas së cilit do të mbahet përshëndetje ceremoniale ushtarake në platonë para Parlamentit. Pas kësaj, Milatoviç do t’i presë të ftuarit në një drekë, ndërkaq në orët e vona të pasdites, në Vilën shtetërore Gorica, ai me bashkëshorten do të presin rreth 700 të ftuar. 

Vjosa Osmani

KOSOVË- Presidentja e Kosovës, Vjosa Osmani, do të marrë sot pjesë në ceremoninë e betimit të presidentit të ri të Malit të Zi, Jakov Milatoviç.  Përmes një njoftimi drejtuar mediave, Presidenca ka bërë me dije se pas pjesëmarrjes në seancën e Kuvendit të Malit të Zi, Presidentja Osmani, krahas homologëve të rajonit do të marrë pjesë edhe në pritjen zyrtare të presidentit të sapozgjedhur.

“Presidentja Osmani ka theksuar se pjesëmarrja në këtë ceremoni është riafirmim i përkushtimit të vazhdueshëm për miqësi dhe bashkëpunim në rrugën e përbashkët euroatlantike të Republikës së Kosovës dhe Malit të Zi”, thuhet në njoftim.

Njoftimi i plotë:

Presidentja e Republikës së Kosovës, Vjosa Osmani, me ftesë të autoriteteve shtetërore të Malit të Zi, sot do të marrë pjesë në ceremoninë e inaugurimit të presidentit të ri, z. Jakov Milatović. Pas pjesëmarrjes në seancën e Kuvendit të Malit të Zi, në të cilën presidenti Milatović pritet ta japë betimin, Presidentja Osmani, krahas homologëve të rajonit do të marrë pjesë edhe në pritjen zyrtare të presidentit të sapozgjedhur. Presidentja Osmani ka theksuar se pjesëmarrja në këtë ceremoni është riafirmim i përkushtimit të vazhdueshëm për miqësi dhe bashkëpunim në rrugën e përbashkët euroatlantike të Republikës së Kosovës dhe Malit të Zi. 

Presidenti i zgjedhur i Malit të Zi, Jakov Milatoviç sot do të bëjë betimin dhe do të marrë detyrën e kreut të vendit. Në përurim, përkatësisht, në ceremoninë e betimit, që mbahet në Parlamentin e Malit të Zi, do të marrin pjesë rreth 200 personalitete, duke përfshirë zyrtarë nga fqinjësia, ambasadorë dhe të dërguarin special të Shteteve të Bashkuara të Amerikës (SHBA), Gabriel Escobar. Në ceremoni do të marrin pjesë edhe deputetë të Parlamentit të Malit të Zi, përfaqësues të qeverisë, autoriteteve gjyqësore, si dhe presidenti i deritashëm i Malit të Zi, Millo Gjukanoviç, të cilin Millatoviç e mposhti bindshëm në raundin e dytë të zgjedhjeve presidenciale, në fillim të prillit. 

Jakov Milatoviç

MAL I ZI- Presidenti i zgjedhur i Malit të Zi, Jakov Milatoviç, më 20 maj në mesditë, do të bëjë betimin dhe do të marrë detyrën e kreut të vendit.

Në përurim, përkatësisht, në ceremoninë e betimit, që mbahet në Parlamentin e Malit të Zi, do të marrin pjesë rreth 200 personalitete, duke përfshirë zyrtarë nga fqinjësia, ambasadorë dhe të dërguarin special të Shteteve të Bashkuara të Amerikës (SHBA), Gabriel Escobar.

Në ceremoni do të marrin pjesë edhe deputetë të Parlamentit të Malit të Zi, përfaqësues të qeverisë, autoriteteve gjyqësore, si dhe presidenti i deritashëm i Malit të Zi, Millo Gjukanoviç, të cilin Millatoviç e mposhti bindshëm në raundin e dytë të zgjedhjeve presidenciale, në fillim të prillit.

Pjesa qendrore e qytetit të Podgoricës është bllokuar që nga mëngjesi, si dhe rruga për në aeroport. Pas intonimit të himnit kombëtar, si dhe betimit të Millatoviçit, ai do të mbajë fjalimin inaugurues, pas së cilit do të mbahet përshëndetje ceremoniale ushtarake në platonë para Parlamentit.

Pas kësaj, Millatoviç do t’i presë të ftuarit në një drekë, ndërkaq në orët e vona të pasdites, në Vilën shtetërore Gorica, ai me bashkëshorten do të presin rreth 700 të ftuar.

Në mesin e tyre do të jenë presidenti i Kroacisë, Zoran Millanoviç, presidentja e Kosovës, Vjosa Osmani, presidenti i Shqipërisë, Bajram Begaj, ndërkaq nga Presidenca e Bosnjë e Hercegovinës të pranishëm do të jenë Zhelko Cvijanoviç dhe Zhelko Komshiç.

Ardhja e presidentit serb Aleksandar Vuçiç nuk është konfirmuar.

Nga zyrtarët evropian, të pranishëm do të jenë Oliver Ropke, president i Komitetit evropian ekonomik dhe social të Komisionit Evropian, ndërkaq nga Britania e Madhe dhe Gjermania, të dërguarit specialë për Ballkanin Perëndimor, Stuart Pich dhe Manuel Saracin.

Presidenti i malit të Zi zgjidhet çdo pesë vjet, ndërkaq të gjitha inaugurimet e mëparshme ishin bërë në Cetinë. Jakov Millatoviç, 37-vjeçar, është presidenti i parë që nuk është nga Partia Demokratike e Socialistëve (DPS) e Gjukanoviçit, e cila pati pushtetin për tri dekada, deri në gusht të vitit 2020, kur humbi zgjedhjet.

Millatoviç, një nga liderët e lëvizjes “Evropa tani”, e themeluar një vit më parë, ka qenë në politikën malazeze që prej tre vjetësh kur u emërua ministër i qeverisë së parë pas shkuarjes nga pushteti të DPS-së.

Në garën presidenciale, ai pati mbështetjen partive në pushtet, Frontit Demokratik pro-Rus, Demokratëve dhe Lëvizjes qytetare URA. Që nga fillimi i viteve të 90-ta, Gjukanoviç ka qenë gjashtë herë kryeministër dhe dy herë president i Malit të Zi.

Pas humbjes së pushtetit në zgjedhjet parlamentare, gati tre vjet më parë, DPS-ja e tij humbi edhe zgjedhjet në Podgoricë, në muajin tetor. Pas humbjes në zgjedhjet presidenciale, Gjukanoviç dha dorëheqjen nga posti i kryetarit të partisë.

Ditëve të fundit, Gjukanoviç dhe Millatoviç zhvilluan dy takime si pjesë e procedurës së dorëzimit të detyrës, pas të cilave theksuan se Mali i Zi është shembull i mirë i tranzicionit demokratik të pushtetit.

Ndryshimi i kreut të shtetit vjen para zgjedhjeve të jashtëzakonshme parlamentare të planifikuara për 11 qershor. Ato u shpallën për shkak të krizës institucionale që ndaloi integrimet evropiane.

Që nga ndërrimi i pushtetit, për gati tre vjet, kanë rënë dy qeveri, ndërkaq tentativa për të zgjedhur një të tretë ishte e pasuksesshme. Në atë periudhë është shënuar rritje e tensioneve etnike.

Gjatë pushtetit të Gjukanoviçit, Mali i Zi votoi për pavarësinë e vendit në referendumin e vitit 2006. Në vitin 2010, Mali i Zi u bë kandidat për anëtarësim në Bashkimin Evropian, ndërkaq më 2017 hyri në NATO./REL