Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Protesta e organizuar nga kreu i “Shqipëria Bëhet”, Adriatik Lapaj ka nisur para Kryeministrisë. • Siç shihet edhe në pamje qytetarë të shumtë janë mbledhur para Kryeministrisë, duke kërkuar dorëheqjen e kryeministrit Edi Rama. • Me pankarta në duar, “Edi Rama jep dorëheqjen”, “Edi Rama o hajdut”, qytetarët denoncojnë vjedhjet dhe skandalet në qeverinë e Ramës. • Gjatë fjalës së tij, Lapaj lëshoi akuza të rënda ndaj qeverisë, për abuzime të rënda financiare në dëm të qytetarëve. • Lapaj theksoi se janë duke protestuar për të larguar nga pushteti njeriun më të korruptuar në Europë. • Duke folur për skandalet e qeverisë, Lapaj u shpreh se 83 mandatet e Ramës, kanë zero vlerë sepse populli e di të vërtetën që ata i vjedhin. • Kreu i “Shqipëria Bëhet” tha gjithashtu se regjimi hajdut i Ramës nuk ka dërguar asnjë ambulancë në protestë dhe shtoi se "për ata ne jemi njerëz që nuk duhet të ekzistojmë". • Po ashtu Lapaj tha se edhe qëndrimi i një qytetari të vetëm përballë padrejtësisë është një rrugë e drejtë, ndërsa akuzoi qeverinë për dështim në përmbushjen e premtimeve kryesore. • Në fund, Lapaj nënvizoi se këta kanë blerë 10 mln euro çokollata, por buxheti kundër kancerit nuk është 10 mln euro në këtë vend.
13 artikuj për këtë temë.
TIRANË- Protestuesit e “Shqipëria Bëhet” janë dërguar për të marrë ndihmë mjekësore te Spitali i Traumës, në Tiranë. Ata janë dërguar në spital, për shkak të përplasjeve fizike që kanë pasur me policinë, në protestën e organizuar ditën e sotme përballë Kryeministrisë.
Bëhet me dije se ata kanë pësuar lëndime të lehta dhe po marrin ndihmë mjeksore. Mes të dëmtuarve është edhe kreu i “Shqipëria Bëhet”, Adriatik Lapaj, i cili ka pësuar lëndime në dorë./Dosja.al
TIRANË- Kreu i Partisë Demokratike, Sali Berisha ka mbështetur protestën e organizuar nga Kreu i “Shqipëria Bëhet”, Adriatik Lapaj. Përmes një postimi në rrjetin social Facebook, Berisha tha se duhet të ndalohet terrorit ndaj protestuesve paqësor.
Lideri i opozitës tha se Rama në mbrojtje të mega-aferave të tij korruptive, urdhëron policinë të dhunojë protestuesit para kryeministrisë. Në fund, ai tha se shqiptarët do ti rezervojnë fatin e Maduros.
"Stop terrorit ndaj protestuesve paqësor! Ramaduro në mbrojtje të mega-aferave të tij korruptive urdhëron policinë të dhunojë protestuesit para kryeministrisë! Shqiptarët do të rezervojnë fatin e Maduros!" shkruan Berisha./Dosja.al
TIRANË- Uniformat blu janë angazhuar për të hequr me dhunë çadrat dhe ngrohëset e mbështetësve që ndodhen në Bulevardit para kryeministrisë. Mes pamjeve kaotike dalllohen Lapaj dhe mbështetës të tij tek përplasen me forcat e policisë, duke pretenduar se punonjës civilë të Policisë së Shtetit po filmonin protestuesit me qëllim që t'i shoqëronin pas tubimit.
Adriatik Lapaj zhvilloi sot protestën e radhës para Kryeministrisë, ku po qëndron prej 27 ditësh ditësh dhe netësh, duke kërkuar dorëheqjen e kryeministrit Edi Rama dhe krijimin e një qeverie tranzitore për 12 muaj që do t’i hapë rrugë zgjedhjeve të reja./Dosja.al
TIRANË- Kreu i Partisë “Shqipëria Bëhet”, Adriatik Lapaj është shfaqur i lënduar, si pasojë e përplasjeve gjatë protestës e cila u zhvillua jashtë ambienteve të Kryeministrisë. Efektivët e policisë kanë hequr çadrat dhe bombolat e gazit, të cilat ishin vendosur nga aktivistët e “Shqipëria Bëhet”.
Protesta është shoqëruar me përleshje fizike mes policisë dhe protestuesve. Si pasojë e kësaj, blutë kanë shoqëruar disa prej tyre drejt ambienteve të komisariatit./Dosja.al
TIRANË- Kreu i Partisë “Shqipëria Bëhet”, Adriatik Lapaj ka përdorur tone të ashpra ndaj efektivëve të policisë, pas heqjes së çadrave të vendosura nga aktivistët e “Shqipëria Bëhet”. Ai iu është drejtuar bluve, duke iu thënë se ata nuk duan një njeri që e respekton punën dhe figurën e tyre, por duan ata që vijnë me molotovë.
Lapaj tha se policia nuk dëshiron qytetarë që protestojnë paqësisht. Në fund, ai thkesoi se protesta e tij është një protestë paqësore.
“Merrni Belindën, se ajo ua fut juve. Doni Belinda Ballukun, hajdutja! Keni marrë sot një oficer që është doktor shkencash, se do Belinda Balluku. Nuk më doni mua që ju respektoj, doni ata që vijnë me molotovë" tha Lapaj./Dosja.al
TIRANË- Forcat e policisë së shtetit kanë ndërhyrë në protestën e organizuar nga lëvizja "Shqipëria Bëhet" para Kryeministrisë, duke hequr çadrat e vendosura më herët nga aktivistët dhe protestuesit.
Ndërkohë, raportohet se disa protestues janë shoquar nga uniformat blu, ndërsa situata para Kryeministrisë vijon të jetë e tensionuar dhe kaotike. Në pamjet e mëposhtme, shihen protestuesit që përplasen me efektivët e policisë, të cilët kanë përdorur edhe forcë ndaj tyre gjithashtu./Dosja.al
TIRANË- Protesta e zhvilluar nga Kreu i Partisë “Shqipëria Bëhet”, Adriatik Lapaj përpara Kryeministrisë ka vijuar të shoqërohet me tensione. Efektivët e policisë së shtetit janë përleshur me protestuesit dhe kanë hequar çadrat e vendosura nga aktivistët e “Shqipëria Bëhet”.
Bëhet me dije se policia ka shoqëruar disa nga protestuesit. Ndërkohë që protestuesit, kanë vijuar të përplasen me policinë dhe të përdorin forcë ndaj tyre./Dosja.al
TIRANË- Kreu i Lëvizjes Shqipëria Bëhet, Adriatik Lapaj theksoi se vendi ka nevojë për një qeveri tranzitore në mënyrë që më pas të organizojë zgjedhje të lira dhe demokratike. Duke folur për News24, gjatë protestës së zhvilluar para Kryeministrisë, Lapaj propozoi dy emra.
Ai tha se Tritan Kalo mund të organizojë zgjedhje model në Shqipëri, ndërsa përmendi edhe emrin e profesorit Përparim Kabo. Sipas tij individë të tillë do të mund të garantonin lirinë e votës dhe një proces elektoral të drejtë për palët.
"Jo të jesh ti kryeministër, sepse je provuar që je hajdut. Me qeveri tranzitore, të mbledhim intelektualët më të mirë, sepse kemi. Një qeveri tranzitore për 12 muaj, më vjen në mendje profesori Tritan Kalo, është pensionuar është në Kanada dhe mund ta udhëheqë një qeveri tranzitore 12 muaj.
Jam i bindur që është një njeri që zgjedhjet do ti organizonte model. Profesori Përparim Kabo…pra le ti japim njerëzve një qeveri përtej palëve 12 muaj me një mandat të qartë, të organizojmë zgjedhje demokratike. Pastaj po fitoi ky dakord, por me zgjedhje të lira dhe të ndershme," tha Lapaj./Dosja.al
TIRANË- Kreu i Partisë “Shqipëria Bëhet”, Adriatik Lapaj deklaroi se sot janë në ditën e 28 të qëndresës qytetare kundër hajdutërisë. Gjatë fjalës së tij para kryeministrisë, Lapaj tha se edhe qëndrimi i një qytetari të vetëm përballë padrejtësisë është një rrugë e drejtë, ndërsa akuzoi qeverinë për dështim në përmbushjen e premtimeve kryesore.
“Sot jemi në ditën e 28 të qëndresës qytetare kundër hajdutërisë. Sot bota është më e lirë, sepse një diktator matanë oqeanit ra dhe një autokrat na ka përballë. Kjo është një përballje me hajdutët, ndaj edhe një sikur të qëndrojë është një rrugë e drejtë.
Jemi përballë atij që erdhi në pushtet për të na sjellë ujë, jemi përballë atij që erdhi në pushtet për të vendosur rend dhe ligj, a kemi sot rend dhe ligj? Jemi përballë atij që erdhi në pushtet se do luftonte krimin dhe drogën, a kemi sot krim dhe drogë? Erdhi në pushtet për të luftuar korrupsionin. Jemi sot ne vendi më i korruptuar apo jo? Jemi këtu për të kërkuar dorëheqjen e njeriut më të korruptuar në Evropë”, tha Lapaj./Dosja.al
TIRANË- Protesta para Kryeministrisë është shoqëruar me tensione të ashpra, pasi protestuesit u përplasën me policinë. Protestuesit dhe Kreu i "Shqipëria Bëhet", Adriatik Lapaj thonë se janë fotografuar nga efektivët e policisë dhe më pas ata kanë tentuar të çajnë kordonin e policisë. Ndërkohë Lapaj theksoi se persona civilë po fotografojnë protestuesit me qëllim identifikimin dhe arrestimin e tyre.
“Ka civilë me xhup ‘Louis Vuitton’ që po u bëjnë foto qytetarëve për t’i arrestuar. Turp të keni, hajdutë. Arrestoni mua, ja ku jam. Pse u bëni foto qytetarëve? Pse i frikësoni njerëzit?” tha Lapaj, duke qëndruar përballë protestuesve./Dosja.al
TIRANË- Kreu i Partisë “Shqipëria Bëhet”, Adriatik Lapaj lëshoi akuza të rënda ndaj qeverisë, për abuzime të rënda financiare në dëm të qytetarëve. Gjatë fjalës së tij në protestën para kryeministrisë, Lapaj theksoi se janë duke protestuar për të larguar nga pushteti njeriun më të korruptuar në Europë. Duke folur për skandalet e qeverisë, Lapaj u shpreh se 83 mandatet e Ramës, kanë zero vlerë sepse populli e di të vërtetën që ata i vjedhin.
Kreu i “Shqipëria Bëhet” tha gjithashtu se regjimi hajdut i Ramës nuk ka dërguar asnjë ambulancë në protestë dhe shtoi se "për ata ne jemi njerëz që nuk duhet të ekzistojmë". Në fund, Lapaj nënvizoi se këta kanë blerë 10 mln euro çokollata, por buxheti kundër kancerit nuk është 10 mln euro në këtë vend.
View this post on Instagram
“Erdhi për të zhbërë modelin e oligarkisë së Berishës, por nuk është zhbërë…jemi këtu për të kërkuar dorëheqjen e njeriut më të korruptuar në Europë. A ja dha populli 83 mandate që ta vjedhë? Ato mandate kanë zero vlerë sepse populli e di të vërtetën që ata na vjedhin. Ju këtu jeni njerëz të lirë, shqiptarët janë njerëz që meritojnë të jetojnë me dinjitet. Kemi 27 net që flemë në këtë shesh.
Regjimi hajdut i Ramës nuk ka dërguar asnjë ambulancë…Për ata ne jemi njerëz që nuk duhet të ekzistojmë…Këta kanë blerë 10 mln euro çokollata, por buxheti kundër kancerit nuk është 10 mln euro në këtë vend. Me një firmë të zv/kryeministres kanë vjedhur 50 mln euro, ndërsa fëmijët në shkolla dridhen nga i ftohti”, tha Lapaj nga protesta./Dosja.al
TIRANË- Protesta e organizuar nga kreu i “Shqipëria Bëhet”, Adriatik Lapaj ka nisur para Kryeministrisë. Siç shihet edhe në pamje qytetarë të shumtë janë mbledhur para Kryeministrisë, duke kërkuar dorëheqjen e kryeministrit Edi Rama. Me pankarta në duar, “Edi Rama jep dorëheqjen”, “Edi Rama o hajdut”, qytetarët denoncojnë vjedhjet dhe skandalet në qeverinë e Ramës.
Më herët Policia e Tiranës njoftoi edhe një sërë masash me qëllim garantimin e rendit dhe sigurisë. Policia bëri me dije se nga ora 11:00 deri në përfundim të tubimit, do të ketë bllokime të pjesshme të qarkullimit në Bulevardin “Dëshmorët e Kombit”, në segmentin nga Ura e Dajtit deri te kryqëzimi me rrugën “Ismail Qemali”. Gjithashtu në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore.
Sakqa, Policia e Tiranës apeloi qytetarët të shmangin lëvizjen me automjete në akset që do të bllokohen dhe të përdorin rrugë alternative, me qëllim shmangien e pengesave në qarkullim dhe garantimin e lëvizjes së lirë të pjesëmarrësve në tubim./Dosja.al
TIRANË- Kreu i 'Shqipëria Bëhet' Adriatik Lapaj, do të mbajë sot në orën 12:00 protestën e rradhës para kryeministrisë. Lidhur me protestën, Policia e Tiranës ka publikuar një sërë masash me qëllim garantimin e rendit dhe sigurisë.
Policia bën me dije se nga ora 11:00 deri në përfundim të tubimit, do të ketë bllokime të pjesshme të qarkullimit në Bulevardin “Dëshmorët e Kombit”, në segmentin nga Ura e Dajtit deri te kryqëzimi me rrugën “Ismail Qemali”. Gjithashtu në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore.
Sakaq, Policia e Tiranës apelon qytetarët të shmangin lëvizjen me automjete në akset që do të bllokohen dhe të përdorin rrugë alternative, me qëllim shmangien e pengesave në qarkullim dhe garantimin e lëvizjes së lirë të pjesëmarrësve në tubim.
Njoftimi i Policisë:
Në bazë dhe në zbatim të ligjit “Për tubimet”, Policia e Tiranës ka ndërmarrë të gjitha masat e nevojshme për garantimin e rendit publik dhe mbarëvajtjen e tubimit që do të zhvillohet ditën e sotme, në orën 12:00. Në këtë kuadër, do të ketë kufizime të lëvizjes, Konkretisht: -nga ora 11:00 deri në përfundim të tubimit, do të ketë bllokime të pjesshme të qarkullimit në Bulevardin “Dëshmorët e Kombit”, në segmentin nga Ura e Dajtit deri te kryqëzimi me rrugën “Ismail Qemali”.
Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Policia e Tiranës apelon qytetarët të shmangin lëvizjen me automjete në akset që do të bllokohen dhe të përdorin rrugë alternative, me qëllim shmangien e pengesave në qarkullim dhe garantimin e lëvizjes së lirë të pjesëmarrësve në tubim./Dosja.al
