KAOS në Greqi/ Mbi 46 vatra zjarri nga temperaturat e larta, 1200 fëmijë evakuohen nga kampingjet, nis patrullimi nga ajri dhe toka

Banor ne Greqi, iu dogj banesa

GREQI-Zjarri fshiu mundin e një jete tha për "protothema" një banor i Greqisë, që pa shtëpinë e një të afërmi të digjej. 

"Shtëpia ishte e xhaxhait tim dhe ishte djegur plotësisht”, tha një banor, ndërsa shtoi se kanë qenë duke pritur që zjarrfikësja të shkonte në vendngjarje.

Zjarri “kaloi nëpër shtëpi, i gjithë pylli dhe nuk kishte mbetur asgjë”, thotë ai. Shtëpia u dogj dhe vetëm kisha e vogël u shpëtua, shtoi ai.

“Pronari ishte në Kretë me pushime dhe u informua nga nipi për atë që ndodhi. Burri shpërtheu në lot me atë që dëgjoi".

Në një vend tjetër, në Katunistra, Panagiotis Hatzouras ishte duke fjetur me gruan e tij mesditën e së hënës, kur zjarri iu afrua në 50 metra.

Ai ankohet se makinat e zjarrfikësve erdhën shumë vonë. "E gjithë zona u dogj dhe nuk u pa asnjë zjarrfikës, pas një ore erdhi një helikopter," tha ai. Ata arritën të shpëtonin shtëpinë e tyre, por makina e tyre dhe e fqinjit u dogj. 

Kyriakos Mitsotakis 

GREQI-Kryeministri Kyriakos Mitsotakis dha garancinë se regjistrimi i dëmeve do të bëhet menjëherë nga shteti, duke iu referuar betejave me zjarret në Lutraki, Saronidë dhe Dervenochoria. Deklaratat e Mitsotakis u bënë gjatë pjesëmarrjes në Samitin e Bashkimit Evropian dhe të Komunitetit të vendeve të Amerikës Latine dhe Karaibeve (BE - CELAC) në Bruksel.

Ai tha se shqetësimi i parë është mbrojtja e jetës së njeriut, pasuar nga mbrojtja e pronës dhe e mjedisit natyror.

Njëkohësisht ai theksoi se: “Dua të siguroj të gjithë bashkëqytetarët tanë të dëmtuar nga këto zjarre se aparati shtetëror menjëherë pas shuarjes së zjarreve do të jetë plotësisht i përgatitur për regjistrimin e dëmeve, në mënyrë që bashkëqytetarët tanë të kompensohen me shpejtësinë maksimale të mundshme”.

Në përfundim, ai tha se “sot ishte dita e parë vërtet e vështirë e kësaj vere. Është e sigurt që do të vijojnë më shumë. Kemi pasur, kemi dhe do të kemi zjarre, ky është edhe një nga pasojat e krizës klimatike të cilën po e përjetojmë me intensitet në rritje. Basti ynë është se si t'i kufizojmë ato sa më shpejt që të jetë e mundur, në mënyrë që dëmet që do të pësojmë të jenë sa më të vogla."

Deklarata e plotë e Kryeministrit:

“Nga Brukseli, ku jam për Samitin e Bashkimit Evropian – Amerikës Latine dhe Karaibeve, po informohem vazhdimisht për ecurinë e zjarreve të mëdha në Atikë, Boeoti dhe Korinth.

Shkencëtarët na kishin paralajmëruar se këto ditë do të ishin jashtëzakonisht të vështira për shkak të vapës dhe erërave të forta. Aparati shtetëror po bën të pamundurën për të reaguar me shpejtësi maksimale dhe për të frenuar këto zjarre të mëdha.

Dua t'i kërkoj bashkëqytetarëve tanë që t'i binden udhëzimeve të Mbrojtjes Civile. Shqetësimi ynë i parë, gjithmonë, është mbrojtja e jetës së njeriut, pasuar nga mbrojtja e pronës dhe e mjedisit tonë natyror. Prandaj është shumë e rëndësishme që evakuimet e urdhëruara nga Mbrojtja Civile të kryhen sa më shpejt.

Dua të siguroj të gjithë bashkëqytetarët tanë të dëmtuar nga këto zjarre se aparati shtetëror menjëherë pas shuarjes së zjarreve do të jetë në gatishmëri të plotë për regjistrimin e dëmeve, në mënyrë që bashkëqytetarët tanë të kompensohen me shpejtësinë maksimale të mundshme.

Sot ishte dita e parë vërtet e vështirë e kësaj vere. Është e sigurt që do të vijojnë më shumë. Kemi pasur, kemi dhe do të kemi zjarre, ky është edhe një nga pasojat e krizës klimatike të cilën po e përjetojmë me intensitet në rritje. Basti ynë është se si t'i kufizojmë ato sa më shpejt që të jetë e mundur, në mënyrë që dëmet që do të pësojmë të jenë sa më të vogla."

Zjarri

GREQI- Disa zjarre kanë shpërthyer në Greqi. Një nga zjarret më të mëdha shpërtheu në pyll në qytetin turistik të Loutraki, rreth 4 km në verilindje të Korinthit. Kryebashkiaku ka urdhëruar evakuimin e 1200 fëmijëve në fshatrat verore të zonës. Një tjetër zjarr masiv po shpërthen aktualisht në lokalitetin Kouvaras, rreth 50 kilometra në lindje të Athinës. 

Greqia po rimëkëmbet nga një valë katërditore e të nxehtit që u lehtësua gjatë fundjavës. Në ditët në vijim priten valë të tjera të të nxehtit.

/Dosja.al

Zjarr në Greqi

GREQI- Temperaturat përvëluese në Greqi kanë shkaktuar dhjetëra vatra zjarri kryesisht në terrenet pyjore. Autoritetet greke paralajmëruan për rrezik të lartë zjarri gjatë kësaj jave, ndërsa vendi po përgatitet për një valë të re të të nxehtit. 

Erërat e forta në Egje parashikohen të shkaktojnë rrezik të lartë zjarri në Peloponezin jugor dhe rajonin qendror të Atikës që përfshin kryeqytetin e Athinës, qytetin port pranë Pireut në Kretë, si dhe Dodekanezin dhe Egjeun e Veriut.

Ai shtoi se departamentet e zjarrfikësve në këto rajone janë vënë në gatishmëri të lartë pasi agjencitë e ekspertëve kanë shtuar patrullimet ajrore dhe tokësore.

Të dielën në mbrëmje, Shërbimi Kombëtar i Zjarrfikësve raportoi se të paktën 46 vatra zjarri në pyje shpërthyen në 24 orët e fundit.