Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Komisioni i Ligjeve është mbledhur ditën e sotme. • Dy çështje të rëndësishme që u diskutuan në mbledhje ishin ndërtimi i urës mbi lumin Buna që lidh Shqipërinë me Malin e Zi, si dhe ndryshimet në ligj për punonjësit e Policisë së Burgjeve. • Zëvendësministri i Financave dhe Ekonomisë, Endrit Yzeiraj tha se ndërtimi i urës do të shkurtojë në 300 metra distancën mes Velipojës e Ulqinit. • Ndërkohë deputeti socialist Fatmir Xhafaj ka deklaruar se procedura tenderuese për ndërtimin e urës është e paqartë. • Shqetësimë për këtë projekt pa pasur edhe nga radhët e opozitës për shkak të rritjes së kostos së ndërtimit dhe për dëmtimin e ekosistemit. • Për ndryshimet në Policinë e Burgjeve ministri i Drejtësisë Ulsi Manja ka thënë se policët e burgjeve do të lejohen që të mbajnë pistoletë, do të kenë mundësi të përfitojnë kredi për strehim në forma lehtësuese. • Ndërsa ndryshimi i tretë ka të bëj dhe me kriteren e pranimeve për policinë e burgjeve, ku është hequr kufizimi moshor për ata që duan të jenë pjesë e burgjeve.
3 artikuj për këtë temë.
TIRANË- Ministri i Drejtësisë Ulsi Manja ka deklaruar se çdo i paraburgosur dhe i burgosur me të drejtë vote do të votojë në zgjedhjet lokale të 14 majit. Në një deklaratë për mediat, pas mbledhjes së komisionit të ligjeve, Manja është shprehur se të dënuarit nuk mund të marrin leje të dalin jashtë institucionit para apo gjatë zgjedhjeve.
"Ministria e Drejtësisë dhe Drejtoria e Përgjithshme e Burgjeve ka marrë të gjitha masat për të garantuar të drejtën e votës për të gjithë të paraburgosurit dhe të dënuarit që kemi aktualisht në institucionet tona. Në datën 4 ka dalë ekstrakti i fundit zgjedhor dhe Drejtoria e Burgjeve ka bërë koordinimin me njësitë e qeverisjes vendore për të parë nëse të paraburgosurit dhe të dënuarit janë në listat e zgjedhësve dhe ne garantojmë që të gjithë të paraburgosurit dhe të dënuarit që kanë të drejtën e votës gjenden në lista. Masa e dytë është garantimi i çdo të paraburgosuri dhe të dënuari të jenë të pajisur me karta identiteti. Një nga arsyet që shtymë ligjin për amnistinë ishte procesi zgjedhor i 14 majit për të shmangur çdo alibi për zgjedhjet. Pas zgjedhjeve kam orientuar Drejtorinë e Burgjeve të përgatisin në draft të ligjit për amnistinë brenda kufizimeve ligjore”, tha Manja.
TIRANË- Ministri i Drejtësisë Ulsi Manja ka shpjeguar ndryshimet në ligjin për Policinë e Burgjeve. Gjatë Komisionit të Ligjeve, Manja është shprehur se me ndryshimet e reja në ligjin, policët e burgjeve do të lejohen që të mbajnë pistoletë. Një tjetër, ndryshim ka të bëjë me mundësinë që policiët e burgjeve të kenë mundësi të përfitojnë kredi për strehim në forma lehtësuese. Ndërsa ndryshimi i tretë ka të bëj dhe me kriteren e pranimeve për policinë e burgjeve, ku është hequr kufizimi moshor për ata që duan të jenë pjesë e burgjeve.
“Ndryshimi i parë që ne propozojmë në këtë ligj, është që ne propozojmë që në Nenin 4 të ligjit ekzistues të kemi një ndryshim sa i përket dhënies së të drejtës së punonjësve të Policisë së Burgjeve për të mbajtur armë brezi dhe pajisje të tjera kufizuese. Me këtë ndryshim zgjidhim një problematikë që u krijua me heqjen e kësaj të drejte për këta policë, e cila në vlerësimin tonë ka cenuar të drejtën e sigurisë së jetës për këta punonjës. Pra punonjësit e Policisë së Burgjeve me këto ndryshime do të kenë të drejtën njëlloj si kolegët e tyre në çdo forcë policore të rifitojnë të drejtën për të mbajtur armë brezi sipas kushteve dhe kritereve që do të përcaktohen në VKM. Një tjetër ndryshim që propozojmë ka të bëjë me trajtimin ekonomik dhe financiar të punonjësve të Policisë së Burgjeve. Shtojmë një parashikim ligjor që ka të bëjë me të drejtën për përftim kredie në kushte lehtësuese edhe për punonjësit e Burgjeve, njësoj siç e gëzojnë punonjësit e Policisë së Shtetit dhe Forcat e Armatosura. Pra me këto ndryshime edhe punonjësit e Policisë së Burgjeve do të kenë të drejtën e kredisë për strehim në kushte lehtësuese. Kjo u jep të drejtën familjeve të reja të këtyre punonjësve, ata që kanë fëmijë për shkollim, por edhe të atyre që transferohen apo punësohen në një rreth tjetër nga aty ku kanë vendbanimin. Ndryshimi tjetër ka të bëjë me kriteret për pranimin në Policinë e Burgjeve, ku ne saktësojmë që nuk do të pranohen në Policinë e Burgjeve persona qe janë dënuar me burg me vendim të formës së prerë për vepra penale të kryera me dashje brenda periudhës së rehabilitimit, për vepra penale të kryera nga pakujdesia që cenojnë figurën dhe integritetin e këtij punonjësi,dhe për vepra penale të kryera me dashje, që megjithëse janë rehabilituar, ato vepra cenojnë figurën e punonjësit. Gjithashtu një tjetër kriter ndalues që propozojmë për pranimin në Policinë e Burgjeve është kur ndaj subjektit janë marrë masa të sigurimit personal arrest me burg ose arrest në shtëpi për kryerjen e një vepre penale ose kur subjekti merr cilësinë e të pandehurit për një krim të kryer me dashje”, tha Manja.
TIRANË- Zëvendësministri i Financave dhe Ekonomisë, Endrit Yzeiraj ka deklaruar sot se ndërtimi i urës që do të lidh Shqipërinë dhe Malin e Zi mbi lumin Bunë do të shkurtojë në 300 metra distancën mes Velipojës e Ulqinit, nga 73 kilometra që është aktualisht. Gjatë mbledhjes së sotme në Komisionin e Ligjeve, Yzeiraj renditi disa prej përfitimeve që pritet të sjellë realizimi i këtij projekti të rëndësishëm infrastrukturor. Po ashtu ai tha se ndërtimi i kësaj ure ndërlidh dy komunitete shqiptare që jetojnë në të dyja krahët e lumit.
“Ndërtimi i një ure mbi lumin Buna është një nga ëndrrat e kahershme, jo vetëm të banorëve, por edhe të qeverive shqiptare, në këto 30 vjet. Kjo marrëveshje dhe ndërtimi i kësaj ure do të ketë efekte të jashtëzakonshme, jo vetëm për komunitetet që jetojnë përgjatë lumit Buna, duke nxitur zhvillimin e turizmit në të dyja krahët e Bunës, por do të ketë efekt të jashtëzakonshëm për sa i përket ndërlidhjes mes Shqipërisë e Malit të Zi. Ura mbi lumin Buna do të sjellë një zhvillim edhe në sektorë të tjerë si në atë bujqësor dhe agropërpunues dhe do të ndihmojë edhe subjekte të tjera të sektorit të turizmit të ndërlidhura me to, siç janë fermat, kulinaria, peshkimi apo sektorët e tjerët të lidhur me transportin. Kemi rreth 360 mijë turistë që vizitojnë pjesën shqiptare dhe 170 mijë që vizitojnë Ulqinin, të cilët me urën e re do të komunikojnë në lehtë me njeri-tjetrin. Janë 34 km plazhe, të cilat fatkeqësisht nuk janë të ndërlidhur me njëri-tjetrin në këtë moment. Distanca aktuale është 73 km nga Muriqani ose 1.5 orë. E gjitha reduktohet në një distancë 300 metra ose 5 minuta me automjet gjatë sezonit të verës”, tha ai.
Ndërkohë që deputeti socialist Fatmir Xhafaj ka deklaruar se procedura tenderuese për ndërtimin e urës që do të lidhë Shqipërinë dhe Malin e Zi ësjtë e paqartë. Deputeti Xhafaj u shpreh se për këtë projekt duhet që të bëhet një tender i bazuar në mekanizmat ndërkombëtar. Po ashtu ai kujtoj se kjo urë do të shkurtojë disa kilometra dhe do e bëj me të thjesht kalimin nga njëri shtet në tjetrin.
"Procedura tenderuese është e paqartë. Duhet tender të bazuar në mekanizmat ndërkombëtare. Po për projektin çfarë tenderi do të bëhet? Pse nuk bëhët tender ndërkombëtar edhe për këtë projekt. Ura që lidh Velipojën me Ulqinin u vendos në mbledhjen e dy qeverive. Kujtojmë se ndërtimi mbi lumin e Bunës është plani i përbashkët i Shqipërisë dhe Malit të Zi ku së bashku deri 2024 të ndërtojnë urën mbi lumin që do lidh qytetin e Ulqinit dhe Velipojën si qytetin më jugor në Malin e Zi dhe qytetin më verior të Shqipërisë. Ura do të jetë e gjatë 310 metra dhe do të shkurtoj rrugën nga plazhi i madh i Ulqinit deri Velipojë nga 70 kilometra aktualisht në disa kilometra. Plani i urës është prezantuar nga kryeministrat Rama edhe Abazoviç gjatë samitit lidhur me Ballkanin e hapur në Ohër,' tha Xhafaj.
Nga ana tjetër deputeti demokrat Saimir Koreshi, ngriti dyshime për rritjen e kostos së ndërtimit të Urës mbi Bunë si dhe për dëmtimin e ekosistemit.
"Kjo zonë është e mbrojtur në konventën e “Ramsajit” dhe në asnjë nga 4 pikat e juaja nuk trajtohet fakti se çdo bëhet dhe a ndikon kjo infrastrukturë… Aty është ngjala europiane, që është specie në zhdukje. Fillimisht vlera e projektit ishte 9 mln euro, tani shkon 20 mln euro, por pa specifikuar pse ka ndodhur ky ndryshim? Mos duhen lekë për zgjedhje?", tha Korreshi.
Shqetësimeve të Korreshit i është përgjigjur zëvendësdrejtori i FSHZ-së Gentian Kërri, i cili theksoi se projekti fillimisht u mendua i thjesht, por më tej u bë projekti përfundimtar.
"Sikurse mund ta shikoni në relacioni projektim është paguar, 187 955 euro pa TVSH. Në fillim ishte menduar një vepër më e thjeshtë, por më tej është arritur se do realizohet projekti me trarë çeliku, soleta do jetë me beton arme, ka një gjatësi 600 metra, gjerësi 17 metra, dy trotuare, korsi biçiklete, dhe korsi për mjetet mbi 3.5 metra. Lartësia 10.3 metra mbi nivelin e lumit. Për sa i përket zonës së mbrojtur, në vijim të procesit të hartimit të projektit teknik, po shqyrtohet vlerësimi i ndikimit në mjedis," tha Kërri.
