Komisioni i TIMS nis me 1 minutë heshtje në nderim të Kadaresë, drejtoresha e SHISH jep dëshminë me dyer të mbyllura: Preken të dhëna që lidhen me sigurinë kombëtare!

Ervin Salianji

TIRANA- Ka vijuar mes debatesh seanca e dëshmisë së ish-drejtori të AMP-së, Ardi Veliu në Komisionin hetimorë të TIMS. Ky i fundit ka kërkuar të dëshmojë më dyer të mbyllura, pasi sipas tij ka të bëjë me të dhëna sekrete dhe sensitive.

Nga ana tjetër, kryetari i këtij Komisioni, Ervin Salianji u shpreh fillimisht se seanca duhet të zhvillohej me dyer të hapura, pasi nuk kishte një kërkesë të mirëfilltë nga ana e dëshmitarit për tu zhvilluar me dyer të mbyllura, por kjo është kundërshtuar nga mazhoranca.

Pjesë nga debati:

Ardi Veliu: Nuk kam ardhur të tallesh as ti, askush këtu.

Salianji: Nuk e keni fjalën ju. Kur ta keni fjalën. Atëherë do të flasësh. Kur ta mbarojnë këta pastaj. Zoti Qefalia do ta ketë ngaqë ka dyshim që dini të shkruani apo të lexoni, tek kjo e ka. Me këtë gjuhë fol ndonjë vend tjetër se këtu nuk e bën dot. Bëjeni diku tjetër ku jeni mësuar, kur e drejtoj unë komisionin nuk e bën dot këtë, nuk e guxon dot.

Ardi Veliu flet pa mikrofon

Salianji: Ti je lesh i tërë në këtë rast, ti je kokë e këmbë lesh. Nëse ti je analfabet nuk e kemi fajin ne. Përpara meje e përpara këtij komisioni rri me qetësi, drejtoju dhe përgjigju për shkeljet e ligjit. Drejtohu me etikë

Mbledhja

TIRANË- Komisioni për të dhënat e TIMS ka nisur ditën e sotme me debate. Socialistët në nisje të seancës kërkuan që dëshmia e drejtores së SHISH, Vlora Hyseni para komisionit të TIMS të zhvillohet pa praninë e medias. Këtë propozim e kundërshtoi menjëhere kreu i komisionit Hetimor, Ervin Salianji. Ai u shpeh se socialistëve u pëlqen të zhvillojnë mbledhjet në errësirë, duke theksuar me batutë se dritës i druhet vetëm lakuriqi i natës.

Ndëkohë pas refuzimit nga Salianji për të dhënë dëshminë e saj pa praninë e mediave drejtoresha e SHISH, Vlora Hyseni ka ngulmuar më tej që mbledhja të zhvillohet  me dyer të mbyllura. Sipas Hysenit mbledhja duhet të mbahet me dyer të mbyllura pasi preken të dhëna që lidhen me sigurinë kombëtare, Ajo ka deklaruar se në mbledhje duhet të marrin pjesë vetëm deputetët që kanë certifikatë sigurie.

"Si drejtoreshë e SHISH, njoh dhe vlerësoj detyrimin Kushtetues për raportin në Kuvendin e Shqipërisë, dhe rolin jetik të komisioneve në sigurimin e transparencës dhe të llogaridhënies. SHISH në asnjë rast nuk i është shmangur raportimit përpara Komisionit të Kuvendit. I nderuar z.kryetar lidhur me objektin e raportimit të sotëm kërkoj seanca të zhvillohet me dyer të mbyllura dhe praninë e deputetëve me certifikimin e duhur. SHISH siguron informacione të domosdoshme për problematikat që lidhen me sigurinë kombëtare dhe raportimet në tillë të mbrohen burimet e klasifikuara," tha ajo.

Mbledhja

TIRANË- Komisioni për të dhënat e TIMS ka nisur ditën e sotme me debate. Socialistët në nisje të seancës kërkuan që dëshmia e drejtores së SHISH, Vlora Hyseni para komisionit të TIMS të zhvillohet pa praninë e medias. Këtë propozim e kundërshtoi menjëhere kreu i komisionit Hetimor, Ervin Salianji. Ai u shpeh se socialistëve u pëlqen të zhvillojnë mbledhjet në errësirë, duke theksuar me batutë se dritës i druhet vetëm lakuriqi i natës.

Debatet

Ervin Salianji: Propozimi im është që mbledhja të bëhet me dyer të mbyllura.

Toni Gogu: Kërkesa juaj duhet të kalojë në votim. Nuk ka kërkesa të reja procedurale.

Ervin Salianji: Mbledhja propozoj të bëhet me dyer të hapura. Lakuriqi i natës nga drita verbohet dhe del vetëm në errësirë. Unë e kam bezdi të rri si lakuriq nate, të heqim dritën, të mbyllemi këtu dhe ju mendoni se do t’ia hidhni. Nuk ia hidhni dot. Dëshmitarët vijnë dhe ia kalojnë topin njëri-tjetrit si xhonglera.

Salianji

TIRANË- Komisioni për të dhënat e TIMS ka nisur ditën e sotme me debate. Deputeti i PS-së, Xhemal Qefalia gjatë fjalës së tij iu drejtua kryetarit të Komisionit, Ervin Salianji duke i thënë që të kërkojë ndjesë për faktin që në mbledhjen e kaluar deklaroi se drejtoresha e SHISH, Vlora Hyseni nuk ishte e pranishme për të dëshmuar, për shkak se ndodhej në Beograd.

Pjesë nga diskutimi:

Qefalia: E kërkoj për procedurë

Salianji: Këtu për procedurë kërkohet

Qefalia: Duhet të dëgjosh kur flas unë. Si kryetar komisioni.

Qefalia: Nise mbledhjen me një ndjesë publike për veprimin që bëre në mbledhjen mëparshme duke ngatërruar vendin e takimit të drejtoreshës së SHISH nga Brukseli në Beograd.

Salianji: Kam pasur një shkresë nga SHISH. Gabon politikisht kur përmend Beogradin. E kemi si pyetje, sepse i intereson edhe drejtoreshës që të sqarojë çdo dyshim besoj.

seanca

TIRANË- Po zhvillohet ditën e sotme mbledhja e radhës e Komisionit Hetimor për rrjedhjen e të dhënave të sistemit TIMS. Seanca ka nisur me 1 minutë heshtje në nderim të shkrimtarit, Ismail Kadare që u nda nga jeta ditën e djeshme.

Sot është thirrur për të dhënë dëshminë e saj drejtoresha e SHISH, Vlora Hyseni. Kjo e fundit ka kërkuar që dëshminë ta japë me dyer të mbyllura.

"Si drejtore e SHISH njoh dhe vlerësoj detyrimin kushtetues për raportim në Kuvendin e Shqipërisë dhe rolin jetik të komisioneve në sigurimin e transparencës dhe llogaridhënies. Në asnjë rast SHISH nuk i është shmangur raportimit para komisionit të Kuvendit. I nderuar z.kryetar lidhur me objektin e raportimit të sotëm kërkoj seanca të zhvillohet me dyer të mbyllyra dhe praninë e deputetëve me certifikimin e duhur. SHISH siguron informacione të domosdoshme për problematikat që lidhen me sigurinë kombëtare dhe raportimet në tillë të mbrohen burimet e klasifikuara.", ka thënë Hyseni. 

Ndërkohë kryetari i Komisionit, Ervin Salianji propozoi që mbledhja të zhvillohet e hapur, pasi sipas tij nuk ka asnjë element që përbën sekret shtetëror. 

"Nuk shoh asnjë element të përbërë sekret shtetëror. Duke pasur parasysh që kemi të bëjmë vetëm me aspekte procedurale dhe kërkesa që janë zbuluar në publik, propozoj që mbledhja të zhvillohet e hapur.", tha Salianji.

Sot dëshmojnë edhe Florian Sulejmani, Drejtor i Agjencisë së Mbikëqyrjes Policore dhe Ardi Veliu, ish- Drejtor i Agjencisë së Mbikëqyrjes Policore.