Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Ka nisur seanca e radhës e Komisionit hetimor për Shëndetësinë. • Gjatë fjalës së saj, kryetarja e komisionin Albana Vokshi, tha se anëtarët e mazhorancës kanë shkelur katër herë rregulloren duke bojkotuar mbledhjet, ku shtoi se parashikohet në ligj se duhet të zëvendësohen me deputetë që kanë vullnet. • Në përgjigje, nënkryetari Plarent Ndreca tha se mazhoranca jo vetëm që nuk e ka bojkotuar këtë komision, por sipas tij kanë punuar për një Plan Hetimor të detajuar. • Ndreca iu drejtua Vokshit duke i thënë se thirrjet e mbledhjeve nuk duhet të jenë të njëanshme • Në seancën e sotme, opozita dhe mazhoranca do të diskutojnë sot për planin paraprak të hetimit e kërkesat e dakordësuara për informacion.
5 artikuj për këtë temë.
TIRANA- Mbledhja e Komisionit Hetimor për koncesionet në Shëndetësi ka përfunduar. Pas rreth 3 orë mbledhjeje e karakterizuar nga debatet komisioni nuk arriti të votojë dërgimin e kërkesave për informacion drejtuar institucioneve. Anëtarët e mazhorancës propozuan që votimi për kërkesat për informacion të shtyhen për në mbledhjen e radhës që do të zhvillohet ditën e enjte në orën 11:00.
Në komision u diskutua që palët të bien dakord për një draft të dakordësuar që të integrojë të dy draftet për planet e hetimit. PS ka propozuar që hetimet të shtrihen nga viti 2009 dhe ka shtuar se duhet të pyeten edhe Ministrat e Shëndetësisë që nga dhjetori i 2006 si dhe të gjithë ish-drejtuesit e QSUT që nga 1 tetor 2009.
TIRANË- Anëtari i mazhorancës në Komisionin Hetimor të Shëndetësisë, Ilir Metaj iu drejtua kryetares Albana Vokshi, se janë mbledhjen e komisionit dhe jo në “Albana Vokshi Fun Club”. Metaj shtoi se anëtarët e opozitës mund të duan që komisioni të mbushet vetëm me opinionet e tyre, por komisionet hetimore nuk funksionojnë në këtë mënyrë.
“Për fat të mirë apo të keq jemi në komisionin hetimor të shëndetësisë dhe jo në Albana Vokshi Fun Club Nuk pranojmë rolin e statistikës në skenarin e shkruar nga ju. Mund të doni që koha e komisionit të mos ketë opinionet tona dhe të mbushet me zhurmën e zërit tuaj të artikuluar por nuk funksionon kështu”, tha ai.
PJESË NGA DEBATI:
Metaj: Jemi në Komisionin Hetimor të Shëndetësisë dhe jo në Albana Vokshi Fun Club, kështu që të paktën asnjë nga ne, të anës këtej të tavolinës nuk e pranojmë rolin e statistikës në skenarin e parashkruar nga ju.Keni treguar qartë dhuntinë tuaj për të marrë tezat dhe antitezat e rregullores dhe për të prodhuar një sintezë ku rregullorja, ka vetëm pikat që sugjestionohet nga pëlqimi juaj. Edhe vetë Hegel do t’ju duartrokiste fort. Ju mund të doni që koha e këtij komisioni të mos ketë opinionet tona dhe të mbushet me zhurmën e zërit uaj të artikuluar por nuk funksionoin kështu komisioni hetimor. Do të duhet të mbijetoni me opinionet tona dhe t’i respektoni deri në fund.
Vokshi: Për të respektuar kërkesat tuaja, miratuam rendin e ditës. Ju kujtoj që hetimi fillon me dërgimin e kërkesat e nismëtarit, pastaj pasi merren provat miratohet plani. Plani është për dijeni, jo për miratim plani. Nuk jemi fare në dijeni të këtij plani. Po dezinformojni.
TIRANË- Ka nisur dhe vijon me debate mbledhja e sotme e Komisionit Hetimor për Shëndetësinë. Debati mes kryetares Albana Vokshi dhe nënkryetarit Plarent Ndreca, ka qenë për shkak të kërkesave të dorëzuara për informacion dhe propozimet e ekspertëve të të dy palëve.
PJESË NGA DEBATI:
Vokshi: Nuk kemi ardhur këtu për tu tallur, bëhuni pak seriozë
Klevis Xhoxhi: Anëtarët të njihet me gjërat që të jetë i bindur për atë që do të diskutohet
Vokshi: Kërkesat për informacion i janë dërguar Sekretarit Xhoxhi nga sekretarja. Kërkesat që janë shqyrtuar nga ekspertët. Nëse nuk i keni lexuar tregon që nuk jeni të përgatitur. Kërkesat kanë tre javë. Ekspertët tuaj kanë punuar, janë bërë disa vërejtje. Nuk mund të thoni që nuk jemi njohur.
Ndreca: Kërkesat bëhen kur ekspertët po punojnë për planin e hetimit. Që është dorëzuar. Pa u miratuar plani kërkesat janë pa sens. Sot nuk kemi një kërkesë të miratuar nga të dy palët ekspertëve.
Vokshi: Dakordësia është këtu.
Ndreca: Duhet të kishim një kërkesë të dakordësuar që të binim dakord menjëherë këtu.
Vokshi: Tentativa juaj për të vonuar punën ka kaluar cdo limit.
Ndreca: Do ti miratosh apo jo?
Vokshi: Ca është ky kërcënim?
Ndreca: Do dakordësinë tonë apo jo? Se po bëjmë debate bazike.
Edhe në nisje të mbledhjes ka pasur debate mes Ndrecës dhe Vokshit, ku kjo e fundit tha se mazhoranca ka shkelur 4 herë ligjin me bojkotimet e mbledhjeve. Deputeti i PS tha se mazhoranca jo vetëm që nuk e ka bojkotuar këtë komision, por sipas tij kanë punuar për një Plan Hetimor të detajuar, ndërsa shtoi se thirrjet e mbledhjeve nuk duhet të jenë të njëanshme.
TIRANË- Ka nisur pak minuta më herët seanca e radhës e Komisionit hetimor për Shëndetësinë. Gjatë fjalës së saj, kryetarja e komisionin Albana Vokshi, tha se anëtarët e mazhorancës kanë shkelur katër herë rregulloren duke bojkotuar mbledhjet, ku shtoi se parashikohet në ligj se duhet të zëvendësohen me deputetë që kanë vullnet.
“1/3 e komisionit mund të thërrasë në çdo kohë mbledhje e cila është e detyrueshme. Keni shkelur 4 herë ligjin dhe rregulloren. Ligji thotë që nëse mungojnë anëtarët më shumë se tre herë ata duhet të zëvendësohen me deputetët që kanë vullnet. Po ju shtrij dorën e bashkëpunimit që sot të kemi një mbledhje të rregullt. Qytetarët presin shumë nga ne. Presin hetim të paanshëm dhe transparencë”, tha ajo.
Në përgjigje, nënkryetari Plarent Ndreca tha se mazhoranca jo vetëm që nuk e ka bojkotuar këtë komision, por sipas tij kanë punuar për një Plan Hetimor të detajuar.
"Më vjen shumë keq që e nisni me deklarata politike. Shumica nuk e ka bojkotuar këtë komision. Thirrjet e mbledhjeve nuk mund të jenë të njëanshme. Jo vetëm që nuk e kemi bojkotuar, por kemi punuar intensivisht me një Plan Hetimor, atë që ju nuk e keni bërë prej vitesh. Ta fillojmë mbarë mbledhjen duke miratuar fillimisht rendin e ditës dhe pastaj vijojmë me pikat e tjera", deklaroi Ndreca.
Në seancën e sotme, opozita dhe mazhoranca do të diskutojnë sot për planin paraprak të hetimit e kërkesat e dakordësuara për informacion.
TIRANË- Ditën e sotme në orën 13:00 pritet të mbahet seanca e radhës e Komisionit Hetimor të Shëndetësisë. Mbledhja e sotme vjen pas 4 seancave të bojkotuara nga mazhoranca. Ndërkohë sot opozita dhe mazhoranca do të diskutojnë sot për planin paraprak të hetimit e kërkesat e dakordësuara për informacion.
Teksa PS do të kthehet në tryezën e punës, ka gati edhe propozimin për planin paraprak të hetimit. Partia Socialiste do të propozojë përfshirjen në planin e hetimit parlamentar të vizitave në terren për të parë nga afër sesi janë zbatuar kontratat: ajo e check-upet dhe sterilizimit, si dhe intervista të ndryshme me stafin dhe pacientët.
Struktura organizative e Planit Hetimor të PS ka 7 hapa. Plani i dakordësuar i hetimit, që do të ketë të integruara propozimet e bëra më herët nga opozita dhe dokumentin e PS, pritet të miratohet sot.
