Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Shqipëria ka hapur sot grup-kapitullin e dytë të negociatave me Bashkimin Europian “Tregu i Brendshëm”, në Konferencën e katërt ndërqeveritare Shqipëri-BE, e cila u mbajt në Luksemburg. • Grupkapitulli i II-të I negociatave përmban: kapitullin 1 (Lëvizja e lirë e mallrave), kapitullin 2 (Lëvizja e Lirë e Punëtorëve), kapitulli 3 (E drejta e themelimit dhe liria për të ofruar shërbime), kapitulli 4 (Lëvizja e lirë e kapitalit), kapitulli 6 (Legjislacioni për Shoqëritë Tregtare), kapitulli 7 (E drejta e pronësisë intelektuale), kapitulli 8 (Politika e konkurrencës), kapitulli 9 (Shërbimet Financiare dhe kapitulli 28 (Mbrojtja e konsumatorit dhe shëndetit). • Kryeministri Edi Rama, kryesoi delegacionin shqiptar në këto bisedime, i përbërë nga ministra, zëvendësministra dhe drejtues të punës për kapituj përkatës. • Rama vizitoi gjithashtu paraditen e sotme Brukselin, ku është pritur nga Presidenti i Këshillit Europian Antonio Costa me të cilin zhvilloi një takim kokë më kokë, e më pas udhëtoi drejt Luksemburgut për të marrë pjesë në Konferencën e katërt ndërqeveritare Shqipëri-BE, ku ishte e pranishme edhe Komisionerja e BE-së për Zgjerimin Marta Kos. • Rama ka mbajtur një fjalë pas takimit që zhvilloi me Presidentin e Këshillit të Evropës Antonio Costa. • Gjatë fjalës së tij, Rama ka deklaruar se Shqipëria është tejet e përkushtuar për të përmbushur të gjitha detyrat e dhëna nga BE. • Ndërkohë që në fund të fjalës së tij për mediat, theksoi se Shqipëria do që të mbyll negociatat brenda vitit 2027. • Presidenti i Këshillit të Evropës Antonio Costa ka komentuar hapjen grupkapitujve të dytë për Shqpërinë ditën e sotme. • Gjatë fjalës së tij, Costa ka theksuar se zgjerimi i Bashkimit Evropian drejt Ballkanit Perëndimor është përparësi. • Duke folur për rajonin, Costa theksoi se në mes të muajit Maj do të bëj një tur vizitash në vendet e Ballkanit Perëndimor për të rritur bashkëpunimin.
4 artikuj për këtë temë.
BRUKSEL- Presidenti i Këshillit të Evropës Antonio Costa ka komentuar hapjen grupkapitujve të dytë për Shqipërinë ditën e sotme. Gjatë fjalës së tij, Costa ka theksuar se zgjerimi i Bashkimit Evropian drejt Ballkanit Perëndimor është përparësi. Duke folur për rajonin, Costa theksoi se në mes të muajit Maj do të bëj një tur vizitash në vendet e Ballkanit Perëndimor për të rritur bashkëpunimin.
“Së pari, është gjithmonë kënaqësi që të takohemi e të flasim me Ramën. Së dyti, sepse zgjerimi drejt BP është përparësi e qartë për BE dhe investimi më i rëndësishëm gjeo-stratregjik për paqen, begatinë dhe stabilitetin e kontinentit tonë. Inkurajuese të shohësh progresin që ka bërë Shqipëria në këtë rrugëtim. Sot çelim grupkapitullin tjetër dhe ambicia jonë është të çelim edhe të tjerë gjatë këtij viti. Kjo është e rëndësishme për BE dhe Shqipërinë por mendoj se është shenjë për të gjithë rajonin, se mënyra më e mirë për të garantuar mirëqenien dhe paqen në BP është BE dhe anëtarësimi në të. Do të vizitoj personalisht rajonin në mes të muajit maj, në të 6 vendet e rajonit, për të rritur bashkëpunimin. Kjo është mundësi e mirë për të folur për samitin e Komunitetit politik që do të mbahet më 16 Maj. Evropa është më shumë se BE, por është më e rëndësishme që të jemi të gjithë së bashku dhe të bashkuar sepse kështu jemi më të fortë dhe bota ka nevojë për një Evropë më të fortë," tha Costa.
TIRANË- Kryeministri Edi Rama ka mbajtur një fjalë pas takimit që zhvilloi me Presidentin e Këshillit të Evropës Antonio Costa. Gjatë fjalës së tij, Rama ka deklaruar se Shqipëria është tejet e përkushtuar për të përmbushur të gjitha detyrat e dhëna nga BE. Ndërkohë që në fund të fjalës së tij për mediat, theksoi se Shqipëria do që të mbyll negociatat brenda vitit 2027.
“Ndaj vendit dhe rajonit tonë, diçka që e vlerësoj shumë. Sot është ditë e mirë për ne sepse kemi një tjetër konferencë dhe çelim kapituj të tjerë, ndërkohë që me presidentin jam shumë mirënjohës për kohën që më ka kushtuar për një bisedë rreth përparimit në këtë proces dhe më pas për samitin e ardhshëm të Komunitetit Politik, aktivitet i rëndësishëm por ka rëndësi të posaçme në këtë moment. Do të flasim për rajonin, ndaj të cilit presidenti është veçanërisht i përkushtuar. Në përgjithësi jam i inkurajuar nga këto zhvillime dhe jemi tej mase të përkushtuar për të përmbushur të gjitha detyrat e kalendarit për të përmbyllur të gjitha negociatat brenda 2027”, tha Rama.
BRUKSEL- Shqipëria pritet të hapë sot grup-kapitullin e dytë të negociatave me Bashkimin Europian “Tregu i Brendshëm”, në Konferencën e katërt ndërqeveritare Shqipëri-BE, e cila do të mbahet në Luksemburg. Bëhet me dije se kryeministri Edi Rama, kryeson delegacionin shqiptar në këto bisedime, i përbërë nga ministra, zëvendësministra dhe drejtues të punës për kapituj përkatës.
Rama do të vizitojë fillimisht Brukselin, ku do të pritet nga Presidenti i Këshillit Europian Antonio Costa me të cilin do të zhvillojë një takim kokë më kokë, e më pas do të udhëtojë drejt Luksemburgut për të marrë pjesë në Konferencën e katërt ndërqeveritare Shqipëri-BE, ku do të jetë e pranishme edhe Komisionerja e BE-së për Zgjerimin Marta Kos.
Në nisje të koferencës Rama do të mbajë fjalën hapëse, në emër të Shqipërisë. Nnë emër të BE, deklarata do të mbahet nga Radosław Sikorski, Ministër i Punëve të Jashtme të Polonisë, e cila mban Presidencën e Këshillit të BE.
Në përfundim të punimeve të Koferencës, Rama, Ministri i Punëve të Jashtme të Polonisë Radosław Sikorski dhe Komisionerja e BE-së për Zgjerimin Marta Kos do të mbajnë një konferencë të përbashkët për shtyp.
-Grupkapitulli i II-të I negociatave përmban: kapitullin 1 (Lëvizja e lirë e mallrave), kapitullin 2 (Lëvizja e Lirë e Punëtorëve), kapitulli 3 (E drejta e themelimit dhe liria për të ofruar shërbime), kapitulli 4 (Lëvizja e lirë e kapitalit), kapitulli 6 (Legjislacioni për Shoqëritë Tregtare), kapitulli 7 (E drejta e pronësisë intelektuale), kapitulli 8 (Politika e konkurrencës), kapitulli 9 (Shërbimet Financiare dhe kapitulli 28 (Mbrojtja e konsumatorit dhe shëndetit).
LUKSEMBURG- Konferenca e katërt ndërqeveritare Shqipëri-Bashkimi Europian do të mbahet sot në Luksemburg, ku i pranishëm do të jetë edhe kryeministri Edi Rama.
Konferenca e sotme do të shërbejë për hapjen e negociatave me Shqipërinë për grup kapitullin 2 (Tregu i brendshëm), duke përfshirë kapitullin 1 (Lëvizja e lirë e mallrave), kapitullin 2 (Liria e lëvizjes së punonjësve), kapitulli 3 (E drejta e themelimit dhe liria për të ofruar shërbime), kapitulli 4 (Lëvizja e lirë e kapitalit), kapitulli 6 (E drejta e kompanive), kapitulli 7 (E drejta e pronësisë intelektuale), kapitulli 8 (Politika e konkurrencës) dhe kapitulli 28 (Mbrojtja e konsumatorit dhe shëndetit).
Më 15 tetor 2024 vendi ynë hapi grup-kapitullin e parë ai për çështjet “Themelore” që përfshin reformat në drejtësi, sundimin e ligjit, të drejtat themelore si dhe funksionimin e institucioneve demokratike ndërsa më 17 dhjetor 2024 janë hapur diskutimet për grup-kapitullin për marrëdhëniet e jashtme, politikën e sigurisë dhe atë të mbrojtjes.
