Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Ditën e sotme u zhvillua konferenca “ Mbi rolin e parlamentit në Procesin e Berlit” me përfaqësuesit e BE-së në Tiranë dhe aktorët kryesor politikë të mazhorancës dhe opozitës. • Pjesë e konferencës ishin Ambasadori i BE-së në Tiranë Luigi Soreca, Sekretarja e Përgjithshme e RCC Majlinda Bregu, Ministri i Jashtëm Igli Hasani, deputetja e Partisë Demokratike Jorida Tabaku. •Soreca në fjalën e tij tha se Ballkani Perëndimor është vonuar në integrimin në Bashkimin Europian për shkak të luftës së ndodhur në Ukrainë. • Bregu e quajti momentin e tanishëm të rajonit “kritik” dhe bëri thirrje për bashkëpunim rajonal. • Hasani kërkoi që vendet e Ballkanit Perëndimor të jenë të bashkuar në aspektin politik për të përshpejtuar procesin e integrimit.
3 artikuj për këtë temë.
TIRANË-Igli Hasani, Ministri i Jashtëm i Shqipërisë në fjalën e tij ditën e sotme lidhur me samitin e Procesit të Berlinit, ka thënë se “16 Tetori do të ketë disa vendimi konkrete”. Ministri vlerësoi ekspertizën e Kuvendit të Shqipërisë, që sipas tij do të rrisë performancën e vendit gjatë diskutimit.
Nga ana tjetër Hasani përmendi dhe lehtësimet që Shqipëria përfiton nga disa vendime që priten të merren lidhur me uljen e tarifave romaning dhe korridoret e gjelbërta. Hasani e quajti zhvillimin e samitit në Tiranë një ngjarje histore që ndodh për herë të parë në rajon.
"Në aspektin politik të jemi të bashkuar dhe të shohim para, se është e vetmja mënyrë se si ky rajon mund të ecë dhe të integrohet. Duhet të lërë mbrapa narrativën politike. Dy vite më parë u krijua një zonë e lirë romaning, që nga 1 tetori patëm uljen e tarifave. Për të sjellë edhe një shembull domethënës, korridoret e gjelbra që ishin jetike gjatë pandemisë për të mbajtur gjallë tregtinë, marrëveshjet që u mundësojnë njerëzve të udhëtojnë më lehtë. Javës tjetër do i bashkohen edhe rezultatet e samitit të datës 16 tetor. Hera e parë që mbahen në rajon, do dalë me rezultate konkrete. Padyshim kanë nevojë për përfshirjen e parlamenteve. Kuvendi i Shqipërisë ka një ekspertizë shumë të mirë. Do japin rezultate konkrete dhe do përmirësojnë arritjet e procesit të Berlinit."-u shpreh Hasani.
TIRANË-Sekretarja e Përgjithshme e RCC, Majlinda Bregu mori pjesë paraditen e sotme në konferencën “Roli i Parlamentit në Procesin e Berlinit”. Bregu vendosi në vëmendje zhvillimet e ditës së hënë në samitin e Procesit të Berlinit në Tiranë. Ajo vuri në fokus rëndësinë e disa marrëveshjeve që priten të nënshkruhen mes vendeve.
“Pavarësisht kësaj, kur kemi bërë vlerësimin e arritjeve në procesin e Berlinit dhe kemi parë veprimet që duhet të ndërmerreshin, qoftë në nivel sasior apo cilësor, duke pasur një plan veprimi më konsensual, besoj se ky do të jetë një moment kritik sa i përket të gjithë parlamenteve me qëllim që ata të arrijnë marrëveshjet e tyre të përbashkëta dhe të bien në parim për dakordësinë për të përfshirë të gjithë lojtarët parlamentarë që duhet të bëjnë finalizimin e këtij bashkëpunimi rajonal. Do të merrni më shumë informacion pasi të ketë përfunduar samiti.
Të dielën, presidentja von der Leyen do të jetë në rajon dhe është detyra e Luigit të jetë ai që do të organizojë. Do të takohemi të gjithë të hënën, disa marrëveshje do të shkruhen të hënën, një marrëveshje e re e përgatitur nga ne për t’u nënshkruar me të gjithë shtetet e rajonit, dhe do t’i shtohen edhe tre profesione që janë propozuar në Berlin vitin e kaluar. Nga Tetori, si pjesë të axhendës dixhitale, ka hyrë në fuqi reduktimi i tarifave roaming.
Ballkani po jep një shembull sikurse të gjithë vendet e botës që po jetojnë në kohëra të pasigurta. Përtej kësaj, përpiqemi të bëjmë maksimumin në këtë proces. Ka një arsye pse rajoni po mblidhet së bashku”, shtoi Bregu.
TIRANË-Luigi Soreca, ambasadori i Bashkimit Europian në Tiranë gjatë fjalës së tij në konferencën parlamentar mbi “Rolin e Parlamentit në Procesin e Berlinit”, theksoi se Ballkani Perëndimor është pjesë jetike e procesve të integrimit. Ambasadori solli në vëmendje përpjekjet e kësaj çështje me nivel të lart strategjik sipas tij.
Nga ana tjetër Soreca ka theksuar se çasti për të kapërcyer vonesën e integrimit të Ballkanit Perëndimor, ka kaluar. Ai tha se vonesa e zgjerimit nuk është lidhur me proceset e brendshme të vendeve në Ballkanin Perëndimor por me luftën në Ukrainë.
“Në zinxhirin e takimeve që kemi organizuar për Procesin e Berlinit, ky takim ka një rëndësi të veçantë për ne. Është shumë e rëndësishme që ministrat dhe drejtuesit e shteteve të takohet, por edhe anëtarët e parlamenteve të rajonit të takohen dhe të tregojnë unitetin e tyre dhe të dalin me deklarata të përbashkëta me të njëjtin zë. Ballkani është pjesë e BE, se ndryshimet gjeopolitke me mënyrën se si Rusia e sheh Ukrainë i ka fokusuar të gjitha mendjet në Bruksel.
E ka rritur mendjen, kurrë s’ka qenë më e madhe se tani për zgjerimin e BE. Është një çështje e lartë strategjike për sigurinë në BE. Shpresojmë që të përgatitemi për samitin e Ballkanit perëndimor që në mes të dhjetorit do zhvillohet në Bruksel. Siç e thashë, në këtë kontekst procesi i Berlinit luan një rol të rëndësishëm se është një platformë që rajoni të punojmë më shumë për reformat, projektet e integrimit, presim që samiti të hënën të arrijë rezultat sa më praktik në disa fusha, transporti, axhenda dixhitale, transporti, energjia dhe tregu i përbashkët. Shqipëria meriton merita si një nga vendet e para që ka marrë përsipër drejtimin”, tha Soreca.
