Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Aleksandër Vuçiç nuk është më President i Partisë Përparimtare Serbe (SNS). • Në vend të tij është zgjedhur Ministri i Mbrojtjes Serve Milosh Vuçeviç. • Ishte vetë Vuçiç ditën e djeshme që dha dorëheqjen si drejtues i Partisë, duke njoftuar se do të fokusohej te Presidenca e vendit. • Sot gjatë mbledhjes së jashtëzakonshme të SNS-së, shumica e 4000 delegatëve zgjodhën të preferuarin e Vuçiç si udhëheqës. • Dorëheqja e Vuçiç erdhi në një kohë tensionesh në veri të Kosovës, pasi serbët tentuan që të bllokonin punën e kryetarëve të rinj të zgjedhur në veri. • Situata u agravua ndërsa u dëgjuan të shtëna me armë zjarri dhe u hodh gaz lotsjellës nga policia për të shpërndarë protestuesit të cilët dogjën edhe makina.
3 artikuj për këtë temë.
SERBI- Ministri i Mbrojtjes së Serbisë, Millosh Vuçeviç është zgjedhur kreu i ri i Partisë Përparimtare Serbe (SNS), në Kuvendin e jashtëzakonshëm të kësaj force politike, të zhvilluar në Beograd. Nga 4000 delegatë që votuan, Vuçeviç arriti të marrë shumicën dhe u bë drejtuesi i ri i partisë, pas dorëheqjes së Aleksandër Vuçiçit.
“Dëshiroj të falënderoj të gjithë delegatët e SNS-së që morën pjesë sot në punimet e Kuvendit të 6-të, dhe treguan në mënyrën e duhur se si organizohet procesi dhe procedura demokratike brenda një partie dhe të falënderoj kryetarin aktual të SNS-së, Aleksandër Vuçiç. Dua ta falënderoj edhe për mbështetjen e tij për kandidaturën, po hapim një kapitull të ri, politika jonë nuk do të ndryshojë, ne mbetemi parti që është motori i zhvillimit të atdheut tonë, ruan dhe ushqen vlerat tradicionale, ne do të avokojmë politikisht për ruajtjen e Kosovës si pjesë e Serbisë, do të kujdesemi për interesat e komunitetit serb kudo që ai jeton”, - tha Millosh Vuçeviç.
SERBI- Presidenti i Serbisë, Aleksandër Vuçiç ka propozuar emrin e ministrit të Mbrojtjes, Millosh Vuçeviç si pasardhësin e tij në krye të partisë.
“Unë do t’ju propozoj zyrtarisht për pikën e dytë, por dua të them që ndërkohë që janë edhe gazetarët, për kryetarin e SNS-së dhe sigurisht që do të marret një vendim pasi të konsultohemi të gjithë për udhëheqjen e ardhshme, sugjeroj që të zgjedhim Millosh Vuçeviqin, nënkryetarin e SNS-së, si kryetar të ri”, theksoi ai.
BEOGRAD- Partia Progresive Serbe (SNS) sot do të marrë vendime të rëndësishme sot në Kragujevc. Pas më shumë se një dekade do të ketë një zhvillim të rëndësishëm pasi dje lideri shumëvjeçar i SNS, presidenti serb Aleksandër Vuçiç bëri me dije se nuk do të ishte më në krye të Partisë.
Pyetja është se kush mund ta pasojë atë?
Asambleja e jashtëzakonshme e SNS do të mbledhë sot në Kragujevc rreth 4000 delegatë të cilët do të vendosin për udhëheqjen e re të partisë. Bojan Klaçar, drejtor programi i Cesid, thotë për “Blic” se mes kujt do të luhet beteja për pasuesin e Vuçiç.
"EDuhet të jetë dikush nga rrethi më i ngushtë i njerëzve rreth Vuçiçit. Në thelb dihet se cilët janë nënkryetarët dhe njerëzit në të cilët ai ka më shumë besim, e në to sigurisht janë Ana Brnabiç, Sinisha Mali, Millosh Vuçeviç dhe Marko Gjuriç,"- thekson Klaçar.
Një gjë është shumë e rëndësishme në këtë rast, vëren Klaçar.
"Duhet të jetë edhe dikush për të cilin votuesit, anëtarësia dhe lidershipi do ta dinë se Vuçiç e kontrollon. Nëse bëhet kjo lëvizje, Vuçiç dërgon edhe mesazh: Gjithçka është në rregull, gjërat mbeten të qëndrueshme,”-shtoi ai.
Një tjetër opsion, sipas Klaçarit, është që partia të merret nga një organ kolektiv partiak: Kombinime të ndryshme janë të mundshme, për të bërë tre apo katër veta... Së fundi, opsioni i tretë do të nënkuptonte një zgjidhje të përkohshme, një lloj presidence me rotacion. Nëse flasim për atë që është më e sigurt, mendoj se dy opsionet e para janë më realiste.
Secila prej këtyre ndryshimeve është e madhe, duke pasur parasysh se Vuçiç ka qenë udhëheqës i SNS që nga maji i vitit 2012.Presidenti do të formojë Lëvizjen e re “Lëvizja për Popullin dhe Shtetin”, e cila sipas tij, do t’i shërbejë Serbisë në dy-tre vitet e ardhshme për një periudhë vendimtare. Ai madje ftoi edhe liderët e partive opozitare ne dialog.
Më herët, presidenti serb kishte paralajmëruar se është e nevojshme të krijohet një lëvizje e re politike, i cila do të mbronte interesat e Serbisë dhe jo të vendeve të tjera. Vuçiç ishte kreu i Partisë Progresive që nga viti 2012 pasi Tomislav Nikoliç u zgjodh president i vendit, ndërsa në 2017-tën ai u zgjodh president.
Sipas raportimeve të mediave, tubimi u ndoq nga më shumë se 200 mijë njerëz në mbështetje të Vuçiç. Mijëra serbë etnikë erdhën nga Maqedonia e Veriut, Kosova dhe Bosnja dhe Hercegovina. Një tubim mbarëkombëtar për të treguar mbështetjen dhe forcën e presidentit, pasi vendi prej muajsh është përfshirë nga protesta që duan largimin e Vuçiç./Blic
