Kosova në Hagë/ Vazhdon gjykimi ndaj ish-krerëve të UÇK-së, seanca sërish me dyer të mbyllura

• Sot vazhdon seanca ndaj ish-ish-krerëve të UÇK-së. • Seanca vijon e mbyllur dhe sot vazhdon dëshminë dëshmitari i katërt i Zyrë së Prokurorit të Specializuar. • Në sencën e kaluar në sallën e gjyqit kanë qenë fizikisht Hashim Thaçi, Kadri Veseli, Rexhep Selimi e Jakup Krasniqi. • Avokati i Hashim Thaçit pas dëshmisë së dëshmitarit të katërt kërkoi kohë para nisjes së kundërpyetjeve, pasi sipas tij akuzat janë të rënda dhe duhet kohë të hetohen. • Ndërkohë avokati i i Jakup Krasniqit, Aydan Elis ka kërkuar që dokumentet e dorëzuara nga prokuroria të përkthehen në gjuhën shqipe, meqë klienti i tij nuk lexon në anglisht. •Pas seancës së parë të dëgjimit të dëshmitarit të katërt, kryegjykatësi, Charles L. Smith ka bërë të ditur konstatimin e trupit gjykues në lidhje me dy prova materiale të shënuara për identifikim. Deri më tani të gjithë dëshmitarët në këtë proces kanë dhënë dëshmitë e tyre në seanca kryesisht të mbyllura për publikun. • Ish-presidenti Hashim Thaçi, ish-kryeparlamentarët Kadri Veseli e Jakup Krasniqi, si dhe ish-shefi i deputetëve të Vetëvendosjes, Rexhep Selimi, akuzohen për ndërmarrje të përbashkët kriminale lidhur me vrasje, tortura e trajtim mizor në rreth 40 qendra ndalimi në periudhën 1998–1999.

0 artikuj për këtë temë.