Shtyhet shorti për renditjen e kandidatëve në fletën e votimit, Celibashi: Denoncimet për kandidatët do shqyrtohen, e rëndësishme që partitë kanë marrë financimet

Ilirjan Celibashi

TIRANË- Kreu i Komisionit Qëndror të Zgjedhjeve, Ilirian Celibashi ka folur në lidhje me dy rastet e kandidatëve për kryetar bashkie të denoncuar, një nga lista e koalicionit 'Bahskë Fitojmë', dhe një nga lista e PS. Celibashi tha se për këto dy raste, ditën e mërkurë do të hapet procesi. Ndërkohë që shtoi se nëse rezulton se do të jetë nevojë për hetim të thelluar, do të angazhohet Prokuroria për ta bërë.

“Sa i përket pretendimeve në dy raste, mbi përputhshmërinë me ligjin për dekriminalizimin, me shumë mundësi të mërkurën do hapim procesin e shqyrtimit të kërkesave. Nëse do jetë rasti për procedim me hetim të theluar, do i kërkojmë Prokurorisë të angazhohet, në të kundërt do merret vendimi nga komisoneri për këta kandidatë”, tha Celibashi.

Ilirjan Celibashi

TIRANË- Kreu i Komisionit Qëndror të Zgjedhjeve Ilirjan Celibashi ka komentuar vendimin e Partisë Socialiste për shpenzimin e një pjesë të buxhetit të fushatës për mbjellje pemësh. Gjatë një konference me gazetarët, Celibashi u shpreh se e rëndësishme është që partitë të marrin financimet, ndërsa për shpenzimin e tyre ka ligje që duhet të zbatohen.

"Nuk mund të them gjë në këtë moment, por me rendësi është partitë të marrin financimet që kërkojnë për fushatën, mënyra e shpenzimit është çështje e ligjit dhe ka parashikime që duhet të zbatohen. Kur të jetë rasti për ta vlerësuar rastin për shpenzimin e këtyre parave, do të kemi një njoftim”, tha Celibashi.

Po ashtu Celibashi u pyet edhe për vendimin e kryeministrit Edi Rama për rritjen e pagave dhe të bonuseve për pnsionistët, por për këtë tha se nuk ka çfarë t'i shtojë qëndrimit që ka patur më parë.

"Nuk kam çfarë t’i shtoj qëndrimit që kam mbajtur më parë lidhur me këtë çështje. Secili mund të ketë komentet e veta në pikëvështrime të ndryshme të këtyre akteve, por ajo çfarë në cilësinë e komisionerit do duhet të vlerësoj, është përputhshmëria në raport me kodin zgjedhor, dhe kemi vlerësuar që ato parashikime ndaluese janë për zgjedhjet e kuvendit të Shqipërisë. Unë e kam një opinion, por as nuk do zgjidhte dhe as do ndihmonte, dhe ju jeni më të zotë se unë për ta bërë kështu që ndehuni lirshëm për ta bërë”, tha Celibashi.

Ilirjan Celibashi

TIRANË- Komisioni Qëndror i Zgjedhjeve ka vendosur që të shtyjë shortin për përcaktimin e renditjes së kandidatëve për kryetar bashkie në fletën e votimit. Në mbledhjen e sotme të KQZ-së, Celibashi u shpreh se shtyrja e shortit ka ardhur për kërkesës së PS-së. Sipas tij kërkesë e PS-së ardhur pasi për 3 kandidatë, duhet pritur përfundimi i shqyrtimit të ankimeve në KAS dhe Kolegj. Shorti do të hidhet pasi të shqyrtohen ankimimet e bëra si subjekte të dekriminalizimit për kandidatët: Rezeart Tusha ne Shijak, Qerim Ismailaj Mallakaster, Kreshnik Hajdari në Kuçovë.

"Në seancën e sotme kemi zhvillimin e procedurave për hedhjen e shortit për renditjen e disa kandidatëve për kryetarë bashkie në disa bashki, por do ta shtyjmë sepse kemi marrë një kërkesë nga një subjekt zgjedhor, i cili kërkon që të bëhet hedhja e shortit, paraprakisht, për subjektet zgjedhore dhe pastaj për kandidatët për kryetarë bashkie. Edhe për këta të fundit, të bëhet për të gjithë në të njëjtën kohë. Meqënëse për 3 kandidatë jemi akoma në procedurë shqyrtimi të ankimeve, do duhet të presim përfundimin ne shqyrtimit të ankimeve në KAS dhe në Kolegjin Zgjedhor," tha Celibashi.

Por Celibashi ende nuk ka dhënë një datë se kur do të mbahet shorti i radhës për përcaktimin e renditjes së kandidatëve për bashkitë Tiranë, Kamëz, Lushnjë, Durrës, Elbasan, Berat, Fier, Vlorë, Korcë, Lezhë, Shkodër.