Kryesia e PS vendos mbledhjen e Asamblesë më 21 Mars, Klosi: Më 12 qershor bëhet rifreskimi i anëtarësisë së PS, do kemi struktura në diasporë

Blendi Klosi

TIRANË-  Blendi Klosi deklaroi se mbështetja e Partisë Socialiste për drejtësinë e re nuk ka munguar dhe nuk do të mungojë as në vijim.

I pyetur lidhur më çështjen e Ballukut, Klosi tha se mazhoranca nuk do të pengojnë aspak hetimet, dhe se nuk përfshihen në punët e drejtësisë. Klosi shtoi se, PS erdhi në pushtet me premtime të mëdha në reformën në drejtësi, dhe sipas tij vazhdojnë ta mbështesin.

“Kjo parti e ka shprehur qëndrimin e saj dhe nuk kemi diskutim sa i përket drejtësisë së re. Mbështetja ka qenë që në fillim. Në pushtet kemi ardhur me një nga premtimet e mëdha, reformën në drejtësi, dhe vazhdojmë ta mbështesim dhe qëndrojmë të baraslarguar. Ne i qëndrojmë 100 % parimit nuk involvohemi në asnjë proces hetimor. Nuk do ketë pengim të hetimeve”, tha ai./Dosja.al

Blendi Klosi

TIRANË- Sekretari i përgjithshëm i Partisë Socialiste, Blendi Klosi ka deklaruar se deri më 12 qershor do të mbyllen zgjedhjet për drejtuesit lokalë të PS. Në një deklaratë për mediat pas mbledhjes së Kryesisë, Klosi ka zbuluar se brenda datës 21 mars do të ketë diskutime në përfshirjen e të gjithë anëtarëve të asamblesë të PS që do t’i hapë rrugën zgjedhjeve të reja dhe anëtarësimeve të reja të PS.

Më tej, ai deklaroi se zgjedhjet e drejtuesve lokalë do shtrihen me struktura edhe në diasporë, veçanërisht në vende ku PS pati më shumë vota në zgjedhjet e fundit

“Mbledhja e Kryesisë ishte një mbledhje pune e PS, duke i hapur rrugë thirrjes së Asamblesë Kombëtare. PS, me datë 21 mars, do të mbajë një asamble që do të përcaktojë një program të detajuar zgjedhor për partinë tonë. Viti në të cilin jemi është viti kalendarik, i cili, në zbatim të statutit të PS, do të kërkojë një proces zgjedhor në gjithë strukturën vendore të PS. Ky proces do të fillojë me zgjedhjet e kryetarëve të organizatave dhe formave lokale të PS, një proces që ndodh çdo dy vjet dhe që synon rifortifikimin e gjithë strukturës së PS në gjithë vendin.

Ky proces do të përfshijë të gjithë forumet e zgjedhura dhe do të shtrihet në çdo qelizë të partisë në gjithë vendin. Në mbledhjen e datës 21 do të kemi diskutime për përfshirjen e të gjithë anëtarëve të PS, një proces që gjithmonë hap rrugën për zgjedhje të reja, por edhe për anëtarësime të reja në PS, që gjithmonë kanë kërkuar rifreskim dhe përforcim. Të gjitha këto zhvillime bëhen në vitin e 35-të të jetës së partisë sonë. Më 12 qershor të këtij viti shënohet 35-vjetori i PS, dhe gjithë procesi do të kurorëzohet në këtë datë me një rivlerësim të gjithë kontributeve të anëtarësisë së PS, themeluesve, kontribuuesve dhe natyrisht anëtarëve të rinj të partisë.

Statuti përcakton zgjedhjet në forumet lokale të partisë, forumet vendore dhe zgjedhjet e drejtuesve lokal të PS, por tani me një dimension të ri. Nga zgjedhjet e kaluara kemi evidentuar funksione jashtëzakonisht të rëndësishme për funksionimin e partisë, siç janë degët e PS në diasporë, kryesisht në vendet ku kemi pasur numrin më të madh të votave. PS pati sukses të jashtëzakonshëm në zgjedhjet e fundit nga vota e diasporës, dhe për këtë do t’i përgjigjemi me një organizim strukturor, duke krijuar struktura ku shqiptarët ndjekin dhe mbështesin PS,” tha Klosi./Dosja.al

PS

TIRANË- Asambleja e Partisë Socialiste do të mblidhet në datën 21 mars. Mësohet se kjo datë u vendos ditën e sotme gjatë mbledhjes që kryeministri Edi Rama zhvilloi në selinë rozë me Kryesinë.

Takimi u fokusua në organizimin e brendshëm të partisë dhe në zgjedhjet që pritet të zhvillohen në muajin qershor për kryetarët e degëve dhe në caktimin e datës së Asamblesë./Dosja.al

TIRANË-  Kryeministri Edi Rama ka mbledhur kryesinë e Partisë Socialiste në selinë e saj.

Mësohet se, mbledhja ka nisur në orën 9:00 dhe ka në fokus procesin zgjedhor që do të kenë strukturat e kësaj force politike këtë vit. Kjo mbledhje e mazhornacës po zhvllohet me dyer të mbyllura./Dosja.al