Kutia e burgut në Rrogozhinë ankimohet në KAS! Përfaqësuesi i ‘BF’: Të rinumërohen votat! PS: Të rrëzohet kërkesa. Komisioni: Numëroni sërish votat

KAS

TIRANË- Komsioni i Ankimimeve dhe Sanksioneve ka pranuar kërkesën e koalicionit 'Bashkë Fitojmë' për hapjen e kutive të Bashkisë së Rrogozhinës. Koalicioni 'BF' ankimoi rezultatin në këtë bashki dhe ka kërkuar rinumërimin e votave por ka kërkuar që kutia e burgut të mos përfshihej, pasi sipas tyre ishte ajo që ka sjellë manipulimin e rezultatit në këtë bashki. Përfaqësuesi i koalicionit, Ivi Kaso tha se në këtë bashki është i nevojshëm rinumërimi i votave.

“Në këtë zonë zgjedhore është i nevojshëm rinumërimi dhe rivlerësimi i të gjitha votave. Vetëm kështu kemi garancinë që rezultati që do të dalë nga ky proces do të pasqyrojë të vërtetën e këtij procesi zgjedhor”, tha Kaso.

Kjo kërkesë e koalicionit ‘BF’ për rivlerësim të rezultatit është kundërshtuar nga përfaqësuesi i PS, Eridian Salianji i cili kërkoi dhe rrëzimin e ankimimit dhe shpalljen e rezultatit përfundimtar me fitues Edison Memollën.

Ivi Kaso

TIRANE- Koalicioni “Bashkë Fitojmë” ka kërkuar në Komisionin e Ankimeve dhe Sanksioneve rinumërimin e votave në Bashkinë e Rrogozhinës si dhe heqjen e rezultatit të qendrës së votimit të burgut nga tabela përfundimtare e votave. Përfaqësues i “BF”-së Ivi Kaso tha se në shumë qendra votimi të Rrogozhinës, janë vlerësuar si të rregullta për kandidatin e PS-së fletë votimi që duhet të shpalleshin të pavlefshme.

“Në përfundim të kësaj vendimarje, komisioneri ka shpallur kandidatin Edison Memolla me një diferencë nga ankimuesi prej 30 votash. Vendimarrja e KZAZ përkatëse lidhur me hartimin e tabelës përmbledhëse dhe miratimin për shpalljen nuk ka mundur të finalizohet, sepse të katërt prej anëtarëve kanë votuar kundër për shkeljet gjatë procesit. Veçanërisht për shkelje për nxjerrje të rezultatit. Kjo ka detyruar komisionerët ta miratorë ai vetë.

Lidhur me shkeljet e numërimit, diferenca mes dy kanditatëve është 30 vota. Fletët e pavlefshme është 276 vota. Më shumë se 9 herë më e madhe se diferenca mes dy kandidatëve. Kandidati që kemi mbështetur ne në këtë proces, për shkak të vendimarrjes të Kolegjit Zgjedhor, nuk kanë patur të drejtë të kishin numërues në të gjitha tabelat e numërimit, duke lënë gjysmat e tavolinave pa përfaqësues të subjektit tonë në procesin e numërimit. Dhe informacioni që kanë mbledhur dhe pasqyrimit të ankimimit përpara organit tuaj, kanë vërejtur një sërë parregullsish që na kanë shtyrë të kërkojmë një proces verifikimi të votave të pavlefshme në një pjesë të qëndrave të votimit. Në këtë zonë zgjedhore, procesi ka qënë i mangët, duke e konsideruar vota të vlefshme për një kandidat, për kanditin fitues, ose janë pavleftësuar pa arsye ligjore vota të vlefshme për kandidatin tonë, duke bërë një deformim të rezultatit, e shpall fitues kandidatin e PS-së me 30 vota diferencë”, tha Kaso.

Kandidati i PS-së Edison Memolla fitoi përballë Shkëlqim Hoxhës së "BF"-së me 30 vota diferencë, ndërkohë që përpara se të numërohej kutia e burgut, kryesonte Hoxha me mbi 50 vota.

KAS

TIRANË- Votimi në burgun e Rrogozhinës ka sjellë debate te mbledhja e Komisionit të Ankimimit dhe të Sanksioneve. Kjo pasi është drejtuesi i KAS është konfuzuar nga deklarata e sekretarit të përgjithshëm në lidhje me krimimin e qendrës së votimit në këtë burg.

BISEDA:

Drejtuesi i KAS: Po në 2022 si është bërë? Drejtori i Burgjeve vendosi për hapjen e qendrës së votimit?

Sekretari i përgjithshëm: Ka 2 praktika, drejtor burgu që krijon një qendër votimi, e listën e bën 40 ditë para për korrgjimin e listës. Ka burgje të tjera që e bëjnë në moment të fundit. Në këtë rast është bërë para kohe, sipas ligjit. 

Drejtuesi i KAS: Kjo është qendër votimi në ambient special. Qendra e votimit e burgut në burg do jetë. Duhet vendim i propozuar nga KZAZ. Ju po thoni që s'ka një të tillë. Më duket se nuk po kuptohemi. Cfarë mund të ankimonin për këto zgjedhje? Ideja është që të krijohet kur ka zgjedhje, duhet të krijohet nga komisioneri e jo nga drejtori i burgut.

Sekretari i përgjithshëm: Drejtori i burgut ka bërë kërkesën...

Perfaqesuesi i PS

TIRANË- Ditën e sotme në KAS po shqyrtohet kërkesa e 'Bashkë Fitojmë' për kutinë në burgun e Rrogozhinës. Përfaqësuesi i tyre, Ivi Kaso kërkon heqjen e rezultatit të qendrës së votimit të burgut nga tabela përfundimtare e votave.

Kaso, tha se në shumë qendra votimi të Rrogozhinës janë vlerësuar si të rregullta për kandidatin e PS-së fletë votimi që duhet të shpalleshin të pavlefshme. Nga ana tjetër, përfaqësuesi i PS-së kërkon që të rrëzohet ankimi. 

'Pyetja e parë për administratën; qendra e votimit në burgun e Rrogozhinës a ka qenë edhe në zgjedhjet e mëparshme?  Përgjigjia: Po

A ka pasur ankesë për ngritjen e kësaj qendre votimi? Përgjigjia: Jo

Për sa i përket vendimit të GJK, vendimi është i vitit 2007, kjo ka ardhur sipas një parimi. Po themi se duhet marrë një vendim që nesër të jetë ligj, po kalojmë nga e kundërta, që të dënuarve ne t'ia heqim të drejtën për të votuar. Kufizimi i kësaj të drejte nuk lejohet me ligj. KAS vetëm zbaton ligje, nuk ka aftësi që të bëjë ligje. Gjykata mund të bëjë konstatime. Pavarësisht kërkimeve, unë kërkoj rrëzim të heqjes nga rezultati, po u hoq një qendër votimi ndikon në rezultat dhe kjo qendër ndikon. Nëse KAS vendos ta heqë nga rezultati, në kodin zgjedhor është përcaktuar se cfarë ndodh. KAS, Kolegji nesër do konstatojë nëse kjo qendër ka qenë e rregullt. Ne kërkojmë rrëzimin e anikimit.'

Kandidati i PS-së Edison Memolla fitoi përballë Shkëlqim Hoxhës së BF-së me 30 vota diferencë, ndërkohë që përpara se të numërohej kutia e burgut kryesonte Hoxha me mbi 50 vota./Dosja.al