1 orë protestë në Tiranë! Qytetarët: Ulni çmimet ose do bjerë qeveria. Rikthehemi nesër në 18:00

Pensionistja

TIRANË-  Qytetarët në vend kanë dalë në protestë ditën e sotme për rritjen e çmimeve. Një pensioniste në fjalën e saj ka deklaruar se kur po vinte rrugës për të protestuar po i merreshin mendm, për shkak se ishte pa ngrënë. Ajo gjithashtu ka shtuar se me 100 mijë lekë pension qytetarëve nuk u del.

"Ne po na vdes kjo qeveri me 100 mijë lekë pension. Të paguaj drita, të ha, qira apo çfarë të bëj më përpara. Rama e pi 5 mijë lekë kafen, kurse ne e kemi 2 mijë lekë ditën e pensionit. Do me na vdek ne pensionistët që nuk ngre pensionet. Të ngrihet gjithë populli, ta përmbysin këtë qeveri, këtë qeveri të qelbët. Po vija rrugës më merren mendtë se jam pa ngrënë. Ngrihuni gjithë populli, rrëzojeni këtë qeveri të qelbët, me në krye Ramën”, tha pensionistja.

Protesta kundër çmimeve

TIRANË- Protesta kundër rritjes së çmimeve në Shqipëri është mbyllur brenda orës. Qytetarët kanë rënë dakort që nesër, në të njëjtën orë, në 18:00, të grumbullohen sërish për të protestuar për të njëjtën arsye.

Protesta e sotme nisi në 18:00 dhe u pasua me thirrje për qeverinë kundër oligarkëve e kundër rritjes së çmimeve. Qytetarët kërkojnë paga dinjitoze dhe ulje çmimesh. Kjo protest erdhi pasi çmimi i naftës shënoi një record duke u shitur me 258 lekë për litër.

Qytetari në protestë

TIRANË- Qytetarët kanë dalë në protestë ditën e sotme për rritjen e çmimeve. Një qytetar teksa ka ironizuar dy bordet e ndritura ka kërkuar kështu ngritjen e një bordi tjetër për abuzimet me çmimet në vijat bregdetare të vendit.

Qytetari: Bordi i naftës apo Bordi i çmimeve për çfarë është krijuar? Nuk është bërë për të ulur çmimet, vetëm për të kontrolluar tregun. E gjithë vija bregdetare, ku jemi në kulmin e sezonit turistik ka abuzim.e pse nuk ngrihet një bord edhe për këtë gjë? Që të mos ketë abuzime. Bordi që është ngritur bën vetëm që të vendosen çmimet që do qeveria dhe jo ato që duhen.

Protesta kundër rritjes së çmimeve

TIRANË- Qytetarët kanë dalë në protestë ditën e sotme për rritjen e çmimeve. Gjatë protestës para kryeministrisë, një qytetar ka deklaruar se politikanët kanë pasuruar veten e tyre si dhe kanë siguruar jetën e 7 brezave pas tyre. Ai ka shtuar se me rrogat që ata kanë nuk po i'a dalin të jetojnë 15 ditë. 

Qytetari: Pasuria e tyre del për shtatë breza, shtatë breza që të jetojnë 500 vjet. Por ata që marrin pagë minimale, nuk ia dalin dot, as që të jetojnë për 15 ditë. Të gjithë jemi të bindur që na kanë vjedhur për 30 vite. Vazhdojnë të na vjedhin edhe sot e kësaj dite. Kjo është padrejtësi të dashur qytetarë, rishpërndarje të asaj që brezat më parë kanë prodhuar dhe të asaj që brezat na prodhojnë çdo ditë. Ne kërkojmë minimum jetik, arsim dhe shëndetësi, taksim serios, progesiv e shumë të tjer. Ne kërkojmë Rama ik. E di njeri çfarë plani ka kryeministri Edi Rama për të përballuar krizën? Plani i tij është që të pasurojë oligarkët.

Protesta kundër rritjes së çmimeve

TIRANË- Qytetarët kanë dalë në protestë ditën e sotme në Tiranë për të rritjen e çmimeve. Ata janë shprehur se kanë 30 vite që po vidhen nga shteti, ndërkohë që nuk jepet asnjë llogari për skemat mashtruese që janë ndërtuar.  

Qytetari 1: Ky shteti është i korruptuar. Kanë ndërtuar skema mashtruese e të falsifikuara. Këtu duhet të mbrohemi nga institucionet, por këtu nuk ka asnjë institucion. Ka ardhur koha që të japin llogari, kanë lënë pensionistët rrugëve. Ky është shteti i hajdutëve.

Qytetari 2: Kemi shumë probeme, oligarkët nuk na lënë që të ngrreme kokat. Është një tup, kemi 30 vite që vidhemi nga ky shtet.

Pamje nga protesta

TIRANË- Qytetarët kanë dalë në protestë ditën e sotme për rritjen e çmimit të ushqimeve dhe karburanteve në vend. Një qytetar ka deklaruar se qeveria në vend që të taksojë qytetarët, duhet të taksojë oligarkët. Ai gjithashtu ka përmendur rritjen e çmimit të vajit, duke shtuar se ministrat po bëjnë qef në hotelet e Dubait. 

Qytetarët: Ka shku 5 mijë lekë shishja e vajit, ministrat për qef në hotelet e Dubait. Durimi po mbaron. S’ka më nëpërkëmbje. Sistemi na jep dhunë. Rroftë e vërteta, do dalim në rrugë, me qindra, me mijëra, po nuk ranë çmimet, do bjerë qeveria. Takso oligarkët, jo qytetarët.

TIRANË- Qytetarët kanë dalë në protestë ditën e sotme në Tiranë për rritjen e çmimeve. Duke folur për mediat, qytetarët kanë kërkuar uljen e çmimeve të ushqimit si dhe të karburanteve. Një qytetar ka deklaruar se edhe pse ka punuar nëntokë, tani mbahet vetëm me 180 mijë leke të ardhura në muaj.  

Qytetar 1: Duhet të ngrihet gjithë populli për ta hequr qafe këtë qeveri që na mori në qafë. Jam këtu për të protestuar për çmimin e karburantit, të ushqimeve dhe të tëra. Kam punuar në nëntokë, marr 180 mijë lekë. Po kërkojmë të drejtat tona. Popullin e morën në qafë.

Qytetar 2: Të ulet çmimi i karburantit se nuk po mundemi të shkojmë në punë. Jemi shumë më dobët se para 2 viteve. Kërkojmë të ulet çmimi i karburantit, të shkojmë në punë, të hamë bukë. Me çfarë do hamë, me këto çmime.

Qytetare 3: Ne po fillojmë të organizohemi sërish. Situata është e rënduar, ka rritje të çmimeve të shportës së ushqimeve, të ardhurat të njëjta.

TIRANË- Nis protesta në sheshin "Skënderbej". Një grup të rinjsh janë grumbulluar dhe me pankarta në duar kërkojnë që të ulen çmimet. Ata protestojnë kundër rritjes së çmimeve për produktet e shportës dhe karburantet.

Aktivistët lajmëruan se do të nisin protestën në orën 18:00. Pritet që në minutat në vijim të mblidhen në shesh më tepër qytetarë.