Makina bie në përrua në Klos/ Shoferi i dehur iku dhe nuk ndihmoi pasagjerin! Zhduket 30-vjeçari (FOTO+ EMRAT)

Jurgen Karaj

KLOS- Personi që shihni në foto është 30-vjeçari, Jurgen Karaj, i cili është zhdukur pasi makina ku ndodhej si pasagjerë ra në në një përruar në Klos. Së bashku me 30-vjeçarin ishte edhe 24-vjeçari Andi Llosha, ky i fundit drejtues i mjetit. 

Por siç sqaroi policia, Llosha ka arritur të dalë nga makina dhe ka shpëtuar, ndërsa Karajn dyshohet se e ka marrë rrjedha e përroit. Lidhur me ngjarjen, policia ka arrestuar 24-vjeçarin Llosha, pasi ai është largua nga vendngjarja dhe nuk i ka dhënë ndihmë Karajt në brendësi të automjetit.

Gjithashtu Llosha iu nënshtrua testit të alkoolit, nga i cili rezultoi se e drejtonte mjetin në gjendje të dehur, ndërsa vijojnë kërkimet për gjetjen e 30-vjeçarit Karaj. Sakaq, materialet procedurale iu referuan Prokurorisë për veprime të mëtejshme./Dosja.al

pamje nga vendngjarja

KLOS- Policia ka zbardhur dinamikën e ngjarjes së rëndë në Klos, në vendin e quajtur “Ura e Halilit”, ku një automjet u gjet në rrjedhën e një përroi. Blutë sqarojnë se në automjet kanë qenë dy persona, drejtuesi 24-vjeçar Andi Llosha dhe pasagjeri 30-vjeçar Jurgen Karaj.

Llosha ka arritur të dalë nga makina dhe ka shpëtuar, ndërsa Karajn dyshohet se e ka marrë rrjedha e përroit. Lidhur me ngjarjen, policia ka arrestuar 24-vjeçarin Llosha, pasi ai është largua nga vendngjarja dhe nuk i dha ndihmë Karajt në brendësi të automjetit.

Gjithashtu Llosha iu nënshtrua testit të alkoolit, nga i cili rezultoi se e drejtonte mjetin në gjendje të dehur, ndërsa vijojnë kërkimet për gjetjen e 30-vjeçarit Karaj. Sakaq, materialet procedurale iu referuan Prokurorisë për veprime të mëtejshme. 

Njoftimi i Policisë: 

Rreth orës 01:30, është marrë informacion se në vendin e quajtur ura e fshatit Dars, njësia administrative Klos, një mjet tip “Audi”, me targa angleze, ka dalë nga rruga dhe ka rënë në përroin e fshatit Dars.

Menjëherë në vendngjarje kanë shkuar shërbimet e Policisë dhe shërbimi zjarrfikës. Nga veprimet e shpejta të kryera nga shërbimet e Policisë u bë i mundur identifikimi i drejtuesit të mjetit, shtetasit A. L., 24 vjeç, banues në fshatin Fullqet, Klos.

Po nga veprimet dyshohet se në automjet ka qenë edhe një pasagjer, shtetasi J. K., 30 vjeç, banues në fshatin Fullqet, të cilin dyshohet se e ka marrë rrjedha e përroit.

Gjatë veprimeve për zbardhjen e rrethanave të aksidentit, shërbimet e Policisë kapën dhe arrestuan shtetasin A. L., 24 vjeç, i cili dyshohet se pas shkaktimit të aksidentit është larguar nga vendngjarja.

Ky shtetas iu nënshtrua testit të alkoolit, nga i cili rezultoi se e drejtonte mjetin në gjendje të dehur. Ndërkohë, polumbarët e RENEA-s, shërbimet e Policisë dhe zjarrfikësit vijojnë kërkimet në përroin e fshatit Dars për gjetjen e pasagjerit, shtetasit J. K. Materialet procedurale iu referuan Prokurorisë për veprime të mëtejshme./Dosja.al

pamje nga vendngjarja

KLOS- Detaje të reja janë zbardhur nga aksidenti në Klos. Mësohet se automjeti që ra në përrua, në orët e para pas mesnatës është gjenduar por asnjë person nuk është brenda në makinë.

Drejtuesi i mjetit është identifikuar si Jurgen Karaj dhe dyshohet se e ka marrë rrjedha e ujit. Ndërkohë, në vendin e ngjarjes ndodhen forcat e policisë si dhe banorë të zonës, të cilët po ndihmojnë në kërkime./Dosja.al

foto ilustruese

KLOS- Një ngjarje e rëndë ka ndodhur në orën 01:00 të natës në Klos. Mësohet se një automjet ka rënë në rrjedhën e një përroi dhe ende nuk dihet saktësisht sa persona ndodheshin në makinë në momentin e aksidentit.

Siç raportohet deri më tani, në mjet dyshohet se kanë qenë 2 deri në 3 persona. Në vendin e ngjarjes ndodhen forcat e policisë si dhe banorë të zonës, të cilët po ndihmojnë në kërkime./Dosja.al