Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Këshilli për Rregulloren, Mandatet dhe Imunitetin vendosi sot të shkojë me dy raporte në Kuvend lidhur me kërkesën e PD-së për heqjen e mandatit të deputetes Olta Xhaçka. • Në takimin e sotëm, deputeti i Partisë Demokratike, Gazment Bardhi tha në fjalën e tij, tha se palët nuk kanë rënë dakord për një raport të përbashkët pasi akuzoi socialistët se “kanë vendosur të marrin në mbrojtje kolegen”. • Ndërsa shtoi se opozita do ta dërgojë çështjen në Gjykatën Kushtetuese. • Por nga ana tjetër, sipas maxhorancës, Kuvendi nuk ka arsye kushtetuese për të çuar në Gjykatë kërkesën e PD-së. • Klotilda Bushka pasi përmblodhi raportin prej disa dhjetra faqesh tha se kërkesat e paraqitura nuk plotësojnë kriteret për ta dërguar çështjen në Gjykatë Kushtetute. • Opozita akuzon Xhaçkën se ka përfituar nga pozicioni i deputetes për të marrë të mira publike në favor të bashkëshortit të saj, por mazhoranca nënvizon se ky pretendim nuk verifikohet, pasi investimi për të cilin akuzohet Xhaçka është kryer në pronë private.
3 artikuj për këtë temë.
TIRANË- Kryetarja e Këshillit për Rregulloren, Mandatet dhe Imunitetin, Lindita Nikolla mbylli seancën e sotme. Ajo u shpreh se dy raportet e PS dhe PD do të dërgohen për votim në seancën plenare.
'I dëgjuam raportet, kemi ezauruar seancat e pyetjeve. Raportet do ti cojmë për votim në seancën plenare, këtu e mbyllim mbledhjen.'- tha Nikolla.
Në Komision, ai që mori fjalën nga ana e Partisë Demokratike ishte deputeti Gazment Bardhi, i cili akuzoi ministren Olta Xhaçka se ka përfituar nga pasuria e shtetit, për të bërë milioner bashkëshortin e saj.
Demokratët akuzojnë ministren Olta Xhaçka se ka përfituar veprimtari që burojnë nga pasuritë e shtetit, përmes shoqërisë tregtare në pronësi të bashkëshortit të saj, Artan Gaci. Edhe ky dikur deputet i Partisë Socialiste.
Si u denoncua rasti? Cila është lidhja me investimet strategjike?
Ishte Agron Shehaj ai që doli në një konferencë për shtyp dhe denoncoi se familja e ministres po përfiton nga pronat në bregdet, duke ua 'dhuruar' familjarëve të saj. Në skemën e ngritur nga Shehaj më 25 qershor 2021, kunata e ministres Xhaçka Taëni Lin Grzych-Sutton, një shtetase 30-vjeçare nga Masaçusets i SHBA, e cila prej vitesh bashkëjeton në Tiranë me vëllain e Xhaçkës. Më 2 mars 2022, kunata e ministres Xhaçka merr pronën në përdorim në bregdet.
Me firmën e Kryeministrit Rama, kompania "AG.Tç" SH.P.K në pronësi të bashkëshortit të ministres Xhaçka, shpallet investitor strategjik për ndërtimin e resortit në Dhërmi, i cili parashikon marrjen e tokës në bregdet në përdorim për 30 vite. Kryeministri Rama ndryshon vendimin e datës 22/02/2021 dhe shton kompaninë e kunatës si investitore strategjike. Vetë Gaçi i pyetur për mediat ka thënë më herët se është ai investitori por nuk ka deklaruar se shtetasja amerikane në fakt është njohje e tij dhe krushqi e të shoqes ministre.
TIRANË- Deputetja e Partisë Socialiste, Klotilda Bushka tha se Këshilli i Mandateve nuk ka kompetencën për ta çuar rastin në Gjykatën Kushtetuese çështjen për mandatin e ministres së Jashtme, Olta Xhaçka si deputete e Kuvendit të Shqipërisë. Kjo pasi, sipas saj ky është një vendim që merret në Kuvendin e Shqipërisë. Në fjalën e saj, ajo u shpreh se nuk ka asnjë provë që tregon se ministrja në fakt ka përfituar nga shteti, ashtu siç edhe pretendon opozita. Ndërkohë që shtoi se tashmë çështja duhet që të shkojë për shqyrtim në Kuvend.
"Këshilli e shqyton kërkesën sipas rregullores, jemi të ftohtë këtu, më duhet të them se askush nuk ka qëllim të mbrojë askënd por mbrojmë atë që parashikon ligji, në këto kushte më duhet të prezantoj në mënyrë të përmbledhur raportin. Ka disa pjesë, 33 faqe, trajton dy kerkesa për mocion. Nuk është vetëm një kërkesë, edhe draft raporti i përgjigjet pretendimeve në të dy mocionet. Në raportin tonë kemi një hyrje me bazën ligjore dhe procedurën, kemi vendosur shqyrtimin në këtë këshill duke zbatuar thirrjen e deputetes për njërin mocion dhe më pas hyjmë në vlerësimin tonë sipas Kushtetutës.
Rregullorja thotë që nuk bëhet debat për çështjen. Para se të filloj raportimin dua të them se nuk ka askush detyrim që të mbrojë askënd. Ne vetëm zbatojmë ligjin. Deputetja është prezantuar me avokatin e saj dhe ka sjellë parashtrimet për një mocion. Për Olta Xhaçkën nuk janë kryer veprimtari fitimprurëse, kjo shoqëri në fakt nuk ka kontratë me autoritetet publike për të përfituar nga pasuria e shtetit. Në këto kushte, nuk janë kushtet për vënien në lëvizje të Gjykatës Kushtetuese. Nuk ka çështje për shqyrtim. I propozojmë Kuvendit mosdërgimin në GJK,"-tha Bushka.
TIRANË- Ditën e sotme është mbledhur Këshilli i Mandateve, Rregullores dhe Imunitetit për ministren Olta Xhaçka. Deputeti i Partisë Demokratike, Gazment Bardhi deklaroi se ministrja ka shkelur ligjin duke përfituar pasuri mbi pasuritë e shtetit. Po ashtu, ai paralajmëroi se çështjen do ta dërgojnë në Gjykatë Kushtetuese.
'Unë e kolegia e mazhorancës nuk kemi rënë dakort për një raport të përbashkët se kolegët e mashorancës kanë vendour të marrin në mbrojtje ministren e kolegen e tyre Olta Xhacka. Qendrimi i opozitës ka qenë që këtë çështje duhet ta shqyrtojë në themel Gjykata Kushtetuese. Ne nuk vendosim nëse një deptuet ka ushtruar ose jo mandatin në kundërshtim me Kushtetutën. Ajo që ne e Kuvendit vendos është për t’ja përcjellë për shqyrtim GJK. Xhaçka ka përfituar të drejta pasurore mbi pasurinë e shtetit.
Ne jemi njohur me qëndrimin e maxhorancës, ju do ta mbroni bashkëpërfituesen për deputeten tuaj, po ju them se çështja do dërgohet për zgjidhje të konfliktit në Gjykatën Kushtetuese, ajo do ju detyrojë që ta dërgoni këtë cështje në GJK. Keni në dorë me forcën e kartonit që ta vononi këtë, por ne do e cojmë më tej'- tha Bardhi.
