Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Dy marrëveshje janë nënshkruar ditën e sotme mes SHBA-së, Greqisë si dhe Shqipërinë në fushën e energjisë. • Një nga marrëveshjet që u nënshkrua është 20 miliardë dollarë për zhvillimin e terminalit energjitik të Vlorës. • Ndërsa marrëveshja e dytë me vlerë 6 miliardë dollarë, është për furnizimin me gazin e lëngshëm natyror. • Ambasadorja e SHBA-së në Greqi, Kimberly Guilfoyle deklaroi se marrëveshja e nënshkruar sot do të forcojë sigurinë energjitike dhe kombëtare. • Gjatë fjalës së saj, Guilfoyle e vlerësoi Shqipërinë si një partner të palëkundur të SHBA-ve dhe një faktor kyç ndërlidhës në Ballkanin Perëndimor. • Ajo theksoi se siguria energjitike është mbështetur vazhdimisht nga Presidenti i SHBA. • Ndërkohë, Kryeministri Edi Rama ka deklaruar se synimi i Shqipërisë është që vendi të bëhet eksportues neto i energjisë. • Gjatë fjalës së tij, Rama u shpreh se ky synim pritet që të përmbushet brenda këtij mandati. • Kryeministri theksoi ndër të tjera, se dikur energjia elektrike ishte thjesht një sfidë furnizimi, ku një pjesë e popullsisë paguante për pjesën tjetër, ndërsa sistemi ishte në prag kolapsi financiar. • Ndërsa, Ministri i Infrastrukturës dhe Energjisë Enea Karakaçi deklaroi se marrëveshja energjitike SHBA-Shqipëri sjell transformimin e sistemit energjitik në vend. • Gjatë fjalës së tij, Karakaçi u shpreh se projekti i gazit natyror të lëngshëm në Vlorë përfaqëson një zhvillim strategjik që mund ta pozicionojë Shqipërinë si një portë të rëndësishme energjetike në Ballkan. • Ministri theksoi se Shqipëria synon të garantojë furnizim të qëndrueshëm energjetik deri në vitin 2030, ndërsa investimet në gazin natyror të lëngshëm pritet të luajnë një rol kyç në këtë proces.
5 artikuj për këtë temë.
TIRANË- Kryeministri Edi Rama ka deklaruar se synimi i Shqipërisë është që vendi të bëhet eksportues neto i energjisë. Gjatë fjalës së tij në nënshkrimin e marrëveshjes me SHBA-në, Rama u shpreh se ky synim pritet që të përmbushet brenda këtij mandati.
Në fjalën e tij, Rama u shpreh se dikur energjia elektrike ishte thjesht një sfidë furnizimi, ku një pjesë e popullsisë paguante për pjesën tjetër, ndërsa sistemi ishte në prag kolapsi financiar.
“Dikur një moment në jetën tonë kur energjia ishte vetëm çështje furnizimi për të mbajtur ndezur sa më gjatë të ishte e mundur dritat, jetonim në një vend që gjysma e popullsisë paguante për gjysmën tjetër. Pasuria nga sistemi ynë ishte i keqmenaxhuar. Kompania e administrimit ishte në prag falimenti. Sot historia është ndryshe, energjia përcakton sigurinë, fuqinë ekonomike dhe ambicien për vendin që zëmë në Europë dhe rajon. Sot nuk ka më padrejtësi, të gjithë paguajnë për sa harxhojnë. Investojmë që nga një vend që varemi tërësisht nga energjia hidrike dhe brenda këtij mandati të shndërrohemi në një vend neto eksportues 100 % të ripërtëritshëm. Vlora do të kthehet në një pikë kritike për energjinë në Europën juglindore,” tha Rama./Dosja.al
TIRANË- Ambasadorja e SHBA-së në Greqi, Kimberly Guilfoyle deklaroi se sot në Shqipëri janë nënshkruar dy marrëveshje për gazin natyror të lëngshëm. Gjatë fjalës së saj, Guilfoyle u shpreh se marrëveshja e nënshkruar sot mes Shqipërisë, SHBA-së dhe Greqisë në fushën e energjisë do të forcojë sigurinë energjitike dhe kombëtare.
Në fund të fjalimit, Guilfoyle e vlerësoi Shqipërinë si një partner të palëkundur të SHBA-ve dhe një faktor kyç ndërlidhës në Ballkanin Perëndimor.
“Çfarë nder që gjejmë këtu në Shqipëri, një partner i palëkundur i SHBA dhe vend me rëndësi të jashtëzakonshme strategjike për Ballkanin dhe Evropën krah mikut tonë Edi Rama. Ka dy marrëveshje të rëndësishme që po nënshkruhen sot, marrëveshja 20 miliardë dollarëshe për gazin e lëngshëm natyror që tregon se Shqipëria po luan një rol në rritje si një ndërlidhës në Ballkanin Perëndimor. Forcimi i bashkëpunimit rajonal dhe ndihma për të formësuar një të ardhme më të sigurt për Evropën Juglindore. Ky ndërveprim forcon sigurinë energjitike dhe kombëtare. Memorandumi i mirëkuptimit për vënien në veprimtari të një qendre thelbësore energjitike, përfshirë një impiant gaz, dëshmon rëndësinë që qeveria shqiptare i kushton energjisë së qëndrueshme në të mirë të qytetarëve. Presidenti Trump ka qenë kambion i zjarrtë i sigurisë energjitike.Vizioni dhe veprimet e tij kanë përforcuar faktin se ofrimi i një energjie të qëndrueshme forcojnë SHBA dhe aleatët tanë strategjikë. Administrata Trump e ka ngritur bashkëpunimin energjitik si shtyllë në mbarë botën. Dhe nënshkrimi i sotëm është një manifestim i prekshëm i kësaj përpjekjeje. Dua të theksoj rëndësinë e lidhjeve të forta Shqipëri-Greqi. Shqipëria janë më shumë sesa fqinjë, ata ndajnë interesa të saigurisë, lidhje njerëzore dhe një bashkëpunim në rritje ekonomik. Kur punojmë së bashku, qoftë në tregti, dialog rajonal dhe energji, i gjithë rajoni përfiton. SHBA mbështesin Ballkanin që është më i ndërlidhur, më i sigurtë energjitikisht dhe më i begatë dhe shqipëria është thelmbësore për këtë vizion,“ tha Guilfoyle./Dosja.al
TIRANË- Ministri i Infrastrukturës dhe Energjisë Enea Karakaçi ka deklaruar se marrëveshja energjitike SHBA-Shqipëri sjell transformimin e sistemit energjitik në vend. Gjatë fjalës së tij në nënshkrimin e marrëveshjes, Karakaçi u shpreh se projekti i gazit natyror të lëngshëm në Vlorë përfaqëson një zhvillim strategjik që mund ta pozicionojë Shqipërinë si një portë të rëndësishme energjetike në Ballkan.
Ministri theksoi se Shqipëria synon të garantojë furnizim të qëndrueshëm energjetik deri në vitin 2030, ndërsa investimet në gazin natyror të lëngshëm pritet të luajnë një rol kyç në këtë proces.
“Siguria energjetike ka lëvizur ka lëvizur dhe është në krye të agjendës sonë kombëtare. Për Shqipërinë do të thotë që të merren hapa konkrete për të forcuar energjizimin dhe për të ndërtuar një sistem që është i qëndrueshëm dhe i orientuar nga e ardhmja. Në këtë kontekst Shqipëria po merr hapa për të transformuar sistemin e saj energjetik. Qendra e Vlorës mund ta pozicionojë vendin tonë si një portë e rëndësishme e të Ballkani dhe duke rritur rezistencës. Siguria vjen nga një furnizim i qëndrueshëm.
Furnizimet e gazit të lëngshëm natyror shkon krah për krah me sigurië. Një projekt kaq ambicioz kërkon. Presim që të përmbushim zotimin tonë duke ofruar energjinë si produkt. Plani është të shkojmë nga plani në rezultate. Strategjia përkthehet në rezultate të prekshme. Jemi falenderues ambasadoires për mbështetjen e saj. Shprehim falenderim ër presidnetin e shba që mbështet partneritete si ky”, tha Karakaçi./Dosja.al
TIRANË- Ambasadorja e SHBA-së në Greqi Kimberly Guilfoyle ka treguar se takimi i sotshëm me kryeministrin Edi Rama në Tiranë ka qenë për nënshkrimin e një kontrate 20-vjeçare në fushën e enegjisë. Me anë të një postimi në X, Guilfoyle shkruan se takimi ka qenë i fokusuar për të çuar përpara agjendën energjetike të Presidentit të SHBA-së Donald Trump me një investim prej 6 miliardë dollarësh në vend.
Ambasadorja thekson se ishte e pranishme në nënshkrimin e marrëveshjes midis Shqipërisë, Venture Global dhe Aktor LNG USA për një kontratë 20-vjeçare për gazin natyror të lëngshëm amerikan.
“Isha e nderuar që udhëtova në Tiranë për të çuar përpara agjendën energjetike të Presidentit të SHBA-së dhe për t’iu bashkuar Kryeministrit Edi Rama në një ceremoni nënshkrimi të një marrëveshjeje historike midis Shqipërisë, Venture Global dhe Aktor LNG USA për një marrëveshje 20-vjeçare të LNG-së amerikane. Ky angazhim prej 6 miliardë dollarësh forcon sigurinë energjetike dhe sigurinë kombëtare në të gjithë rajonin. Jemi krenarë të ndërtojmë mbi punën e shkëlqyer të Sekretarit Burgum, Sekretarit ëright dhe Këshillit Kombëtar për Dominimin Energjetik. Kur Shtetet e Bashkuara, Shqipëria dhe Greqia punojnë së bashku, ky rajon bëhet më i lidhur, më i sigurt dhe më i begatë”, shkruan Kimberly Guilfoyle.
I ëas honored to travel to Tirana to advance @POTUS’ energy agenda and join PM @ediramaal to participate in a signing ceremony of a historic deal betëeen Albania, Venture Global and Aktor LNG USA on a 20-year U.S. LNG agreement. This $6B commitment strengthens energy security—and…
— Ambassador Kimberly Guilfoyle (@USAmbassadorGR) April 28, 2026
TIRANË- Ambasadorja e SHBA-së në Greqi, Kimberly Guilfoyle është pritur nga Kryeministri Edi Rama në Kryeministri. Bëhet me dije se Guilfoyle do të jetë e pranishme në firmosjen e një marrëveshje në sektorin e energjisë mes Ministrisë se Infrastrukturës dhe një kompanie amerikane.
Mediat greke i kanë kushtuar vëmendje marrëveshjes që do të nënshkruhet sot. Bëhet fjalë për ndërtimin e një terminali lundrues për gazin e lëngshëm natyror në Devoll.
Një projekt i tillë mbart një rëndësi të madhe për furnizimin me gaz të rajonit dhe për rolin e vendeve të Ballkanit në rrjetin energjetik evropian.Ambasadorja Guilfoyle ka zhvilluar edhe në mars një takim informal me kryeministrin Rama në Kryeministri./Dosja.al
