Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Një ditë më parë një lajm i hidhur ka tronditur familjen Gjura pasi morën vesh se vajza e tyre 24-vjeçare u mbyt nga bashkëshorti i saj në Itali. • Babai i Eleonora Tocit, Met Gjura nuk arrin dot të flasë ndërsa dhimbjen e ka edhe më të madhe pasi ndihet fajtor se lejoj vajzën e tij të rikthehet edhe një herë me burrin e saj i cili tashmë është vrasësi i saj. • Babai i 24-vjeçares u shpreh se ajo ishte divorcuar para disa muajsh me autorin, por ishte kthyer sërish me ish-bashkëshortin pasi pleqtë kishin kërkuar pajtim. • Ai shprehet se e vrau vajzën me duart e tij ndërsa shton se nuk duhet ta kishte lejuar të bashkohet me Tocin pas divorcit. • Mësohet se 24-vjeçarja shqiptare kishte shkuar në Itali së bashku ne dy fëmijët e tyre rreth 2 muaj më parë. • Viktima iu ishte bashkuar të shoqit, i cili jetonte në San Felice a Cancello, provincën e Caserta. • Banorët në fshatin Grezhdan në Peshkopi u shprehën se vajza kishte dy muaj që kishte shkuar në Itali dhe se janë tronditur nga lajmi. • Një nga banorët u shpreh se familja e vajzës është shumë e mirë dhe janë të habitur se si ka ndodhur ngjarja. • Ai gjithashtu shtoi se lajmin e kanë marrë vesh nga lajmet. • Një banore tjetër u shpreh se vajza ishte martuar dhe kishin dy djem ndërsa s'kishte dy muaj që kishte shkuar në Itali. • Banorët shprehen të keqardhur për ngjarjen dhe nuk e dinë cilat kanë qenë arsyet që sollën deri në krimin makabër.
3 artikuj për këtë temë.
DIBËR- Një ditë më parë një lajm i hidhur ka tronditur fshatin Grezhdan në Peshkopi. Por lajmin më të hidhur e kishte familja e Gjura pasi morën vesh se vajza e tyre 24-vjeçare u mbyt nga bashkëshorti i saj në Itali.
Babai i Eleonora Tocit, Met Gjura nuk arrin dot të flasë ndërsa dhimbjen e ka edhe më të madhe pasi ndihet fajtor se lejoj vajzën e tij të rikthehet edhe një herë me burrin e saj i cili tashmë është vrasësi i saj.
Babai i 24-vjeçares u shpreh se ajo ishte divorcuar para disa muajsh me autorin, por ishte kthyer sërish me ish-bashkëshortin pasi pleqtë kishin kërkuar pajtim. Ai shprehet se e vrau vajzën me duart e tij ndërsa shton se nuk duhet ta kishte lejuar të bashkohet me Tocin pas divorcit.
“E kam vrarë unë me dorën time se nuk duhet ta kisha dhënë pasi u bë divorci. E dërgova për së dyti tek ai burrë. U bëra sebep se erdhi miqësia për ta dhënë te kjo familje”, tha ai.
PESHKOPI- Banorët në fshatin Grezhdan në Peshkopi, ku jeton familja e 24-vjeçares shqiptare Eleonora Toci që u vra nga bashkëshorti i saj flasin fjalët më të mira për familjen e saj dhe për të renë. Banorët u shprehën se vajza kishte dy muaj që kishte shkuar në Itali dhe se janë tronditur nga lajmi.
Një nga banorët u shpreh se familja e vajzës është shumë e mirë dhe janë të habitur se si ka ndodhur ngjarja. Ai gjithashtu shtoi se lajmin e kanë marrë vesh nga lajmet.
“Është familja e Met Gjurës, ajo ishte vajza e Metit, vajzë shumë e mirë. Jazëk i qoftë! Familje e keqe paskan qenë ata. Kanë pasur dy çuna. Sot në mëngjes e mora vesh, televizori e kishte dhënë. Jam habitur. Vajza shumë e respektueshme, shumë e mirë. Unë të jem e var autorin. S’kam lidhje gjaku se babai i saj është i ardhur. Janë familje e thjeshtë, familje e mirë shumë. Habitem se si ka bërë vaki”, tha një banor.
Një banore tjetër u shpreh se vajza ishte martuar dhe kishin dy djem ndërsa skishte dy muaj që kishte shkuar në Itali.
“Për vajzë, për familje, s’kemi komente. Është shumë familje e shtruar. Se si u ka ardhur nuk e di. Kur e mora vesh më ka ikur truri. Unë di të flas për familjen, e shkëlqyer, në punë të vetë, në hall të vetë. Mos i bëftë kujt vaki. Na ka ra keq, fëmijë kemi të gjithë. Në Itali tani shpejt kanë ikur se këtu është e martuar. S’ka dy muaj. Dy çuna kishin”, tha një grua.
Banorët shprehen të keqardhur për ngjarjen dhe nuk e dinë cilat kanë qenë arsyet që sollën deri në krimin makabër.
“Vajzë më e mirë nuk ka në botë. Mjerë baba i vetë!”, tha një tjetër banore.
ITALI- Detaje të reja janë zbardhur në lidhje me vrasjen e 24-vjeçares shqiptare, Eleonor Toci nga bashkëshorti i saj. Mësohet se 24-vjeçarja shqiptare kishte shkuar në Itali së bashku ne dy fëmijët e tyre rreth 2 muaj më parë. Viktima iu ishte bashkuar të shoqit, i cili jetonte në San Felice a Cancello, provincën e Caserta. Më tej bëhet me dije se autori i vrasjes punonte në buqësi. Krimi ndodhi në shtëpinë ku çifti banonte së bashku me dy fëmijët e tyre, të moshës 4 dhe 6-vjeç, të cilët ishin dëshmitarë të tragjedisë.
Rreth orës 05:00 të mëngjesit të së mërkurës Lulzin Toci mbyti me duar 24-vjeçaren ndërsa ajo ishte në shtrat. Ende nuk dihet shkaku i cili solli aktin e rëndë. Pasi vrau Eleonorën, vrasësi u largua për të shkuar në shtëpinë e kunatës së tij e cila jetonte disa qindra metra më tutje, duke i kërkuar që ta shoqëronte në spital pasi nuk ndihej mirë. Megjithatë, sjellja e tij, veçanërisht mungesa e Eleonorit, e bëri gruan të dyshonte dhe vendosi të merrte me videocall në telefon viktimën.
Por ishte një nga fëmijët që u përgjigj dhe i tronditur i tregoi atë që kishte ndodhur: “Babi vrau mamin”, duke inkuadruar në kamera trupin e nënës së shtrirë në krevat. Në atë moment ka qenë kunata e çiftit që ka lajmëruar policinë, që ka shkuar në vendngjarje. 30-vjeçar Lulzim Toci është gjetur duke lëvizur në gjendje konfuze pranë shtëpisë së kunatës së tij. Pas arrestimit, ai nuk mundi t’i shpjegonte arsyen e krimit.
Hipoteza e parë, ajo e një mosmarrëveshjeje në familje por kjo nuk është vërtetuar. Burri dyshohet se ka sulmuar 24-vjeçaren pa asnjë arsye të dukshme. Ai akuzohet për vrasje të rëndë dhe fëmijët do t’i besohen ndonjë të afërmi.
