Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Fitim Marku, mjeku reanimator që u arrestua në spitalin e Traumës për rushfet është lënë në masën e sigurisë ‘arres shtëpie’. Markut iu bë me dije masa e sigurisë në shtratin e spitalit ku ndodhet aktualisht për shkak të gjendjes së rënduar shëndetësore. • Ai ka pësuar ishemi cerebrale këtë mëngjes dhe është transferuar nga spitali i Traumës tek reparti i Neurologjisë. Hetimi për të do të vijojë pas shërimit në masën e sigurisë ‘arrest shtëpie’. • Vetë mjeku nuk ka dhënë asnjë sqarim për togat e zeza për shkak të situatës në të cilën ndodhej, i lidhur me tuba në një shtrat spitali. • Sot u zbuluan dhe përgjimet në të cilat tregohej se si merrte ryshfet doktori. Në një rast, ai kishte marrë 10 mijë lekë të reja nga një agjent i infiltruar. • Rasti i arrestimit të doktorit ka sjellë dhe reagime. Dy kolegët e tij, Ilir Allkja dhe Drejtori i Urgjencës Kombëtare Skënder Brataj i dolën në krahë duke u shprehur se ‘bakshishi’ për mjekët është diçka normale kudo në botë dhe se të gjithë shqiptarët japin lekë për shërbime në spitale.
5 artikuj për këtë temë.
TIRANË- Gjykata e Tiranës ka vendosur masën 'arrest shtëpie' për mjekun Fitim Marku të arrestuar të premten te spitali i Traumës. Duke qënë se ishte në gjendje të rëndë, Marku, nuk mundi të jepte dëshminë para gjykatës.
Mjeku pësoi ditën e sotme ishemi cerebrale në paraburgim. Duke qënë se iu rrezikua jeta, ai u dërgua në spitalin e Traumës, aty ku dhe iu komunikua masa e sigurisë.
Marku u vu në pranga më 23 shtator, në kuadër të një operacioni të realizuar nga një agjent i infiltruar. Ky i fundit u shtir si pacient dhe ka shkuar tek Trauma për të kërkuar ndihmën e Markut. Në momentin që reanimatorit i ka dhënë 20 mijë lekë, grupi ka ndërhyrë dhe ka arrestuar mjekun. Bashkë me Markun kanë përfunduar në komisariat edhe disa mjekë të tjerë.
TIRANË- Arrestimi i mjekut Fitim Marku te Trauma, për shefin e Urgjencës, Skënder Brataj ishte një shoë. Kështu u shpreh ai ditën e sotme teksa ishte i ftuar në emisionin 'Shqipëria Live'. Sipas tij, korrupsioni ekziston në çdo fushë dhe nuk doli sot që të habitemi se çfarë ndodhi. Ai pyeti nëse ka një shqiptar që nuk ka dhënë para në spitale, duke nënkuptuar se kjo gjë ndodh shpesh në vend.
“Çfarë krimi është? Po vriste njeri? Ka kërkuar lek, se nuk e dimë a i ka kërkuar apo ja ka dhënë. Si procedurë nuk duhet t’i marrë në spital. Të më thotë një shqiptar që nuk ka dhënë lek. Kamerierit i lë bakshish, marr kafen 8 qind dhe i japim 100 lek. Në Itali pranohej dhuratë deri në 300 euro, ligjërisht ishte e pranueshme. Dhurata mjekut deri në një farë shume ishte e pranueshme”, tha Brataj.
Shefi i Urgjencës shtoi se mënyra se si u arrestua kolegu i tij nuk ishte i duhuri, e sidomos duke ditur se ai ishte i sëmurë.
“Pse duhej të vinte policia me kapuç, kur i infiltruari ishte i zbuluar. Pse duhej të zinte vendin e urgjencës? Një show i ekzagjeruar. Kolegu ka qenë i sëmurë para 6 muajsh, pse nuk merren parasysh këto? Kush i merr parasysh këto? Pse uniforma e mjekut shkon në burg? Se ne kur dalim nga spitali, e heqim uniformën. Mënyra se si u veprua dhe u demonstrua, atëherë nuk është e pranueshme, as nga ne kamishat e bardha”, u shpreh Brataj.
Fitim Marku, mjeku i Spitalit të Traumës që u arrestua pak ditë më parë në një operacion të Policisë me agjent të infiltruar, është dërguar me urgjencë po në spitalin ku punonte. Marku ka pësuar ishemi cerebrale në paraburgim. Ai ndodhet në gjendje të rëndë për jetën dhe është dërguar në Spitalin e Traumës, në duart e kolegëve të tij, për ndërhyrje të menjëhershme. Po sot, pritet që togat e zeza të Tiranës t’i komunikojnë Fitim Markut masën e sigurisë.
TIRANË- Sot janë zbardhur edhe përgjimet që kanë sjellë organizimin e operacionit për arrestimin e mjekur reanimator Fitim Marku. Përgjimet janë publikuar nga Euronews Albania dhe tregojnë se si Marku merr ryshfet nga një agjent, i cili ishte infiltruar si pacient te Spitali i Traumës.
Pasi infermierja i merr të dhënat pacientit, ai shkon për të bërë skanerin. Infermierja i thotë që më pas të shkojë në korridor dhe të takohet me mjekun. Në momentin që pacienti i thotë mjekut Marku për paratë, ky i fundit i kërkon 100 mijë lekë.
Pjesë nga përgjimet
Agjenti -Më tha ajo që të prisja këtu në korridor.
Mjeku -Ok më thuaj, si e ke mundësinë tani?
Agjenti -Më thuaj or burrë, më thuaj.
Mjeku -Po ja se këtu është plot me njerëz.
Agjenti -Po sa?
Mjeku -Po ja, njëqindëshe.
Agjenti -100 mijë lekë?
Mjeku -Po.
Agjenti -Ok.
Mjeku -Se këto i ndajmë me të tjerat.
Agjenti -Ato janë punën tuaja. Për sa e marr diskun? Sa vonon?
Mjeku -Ja sa ta bëj gati, ta sjell unë jashtë.
Agjenti -Ok.
Mjeku i Qendrës Spitalore të Traumës, Fitim Marku ndodhet në gjendje të rëndë shëndetësore. Ai ka pësuar ishemi cerebrale ndaj është dërguar menjëherë në spital. Aty pritet që t'i komunikohet masa e sigurisë që do të caktohet nga gjykata. Mjeku reanimator Fitim Marku u arrestua më 23 shtator në kuadër të një operacioni të organizuar nga efektivët me maska e antiplumb.
TIRANE- Mjeku Ilir Allkja bëhet personazhi i parë nga bluzat e bardha që pohon publikisht se ka marrë ryshfet për shërbimin mjekësor që iu ka dhënë pacientëve të tij. I ftuar në emisionin “Good Morning Albanians” në “Euroneës Albania”, Allkja u shpreh se edhe ai vetë është paguar nga familjarë të tij dhe njerëz të afërt, ndërsa sipas tij, nuk ka asnjë koleg që të mos ketë marrë para.
“Është vështirë të gjesh mjekë që nuk kanë marrë bakshish në jeten e vet. Kam marrë, nuk kam as turp dhe as frikë. Unë kam marrë nga njerëz të mi, nga kushërinjtë, nga familjarët. Më kujtohet një bisedë e para 10 viteve me një kolege nga Rumania.
Në Rumani numërohen 3.2 mjekë për 1 mijë banorë, ndërsa Shqipëria ka 1 mjek për 1 mijë banorë, është skandaloze. Mjekja më thotë, që vetë ministri i Shëndetësisë ka deklaruar se nëse njerëzit japin një bakshish pas shërbimit, merreni sepse e meritoni”, theksoi ai.
Deklarata vjen pas arrestimit të mjekut reanimator në spitalin e Traumës, Fitim Marku, i cili u arrestua pasi i mori para një agjenti të infiltruar. Mjeku pësoi ishemi celebrale pas prangosjes dhe ndodhet në gjendje të rëndë për jetën.
TIRANË- Mjeku i Qendrës Spitalore të Traumës, Fitim Marku i arrestuar për korrupsion ndodhet në gjendje të rëndë shëndetësore. Mjeku ka pësuar ishemi cerebrale ndaj është dërguar menjëherë në spital. Aty pritet që t'i komunikohet masa e sigurisë që do të caktohet nga gjykata.
Mjeku reanimator Fitim Marku u arrestua më 23 shtator pasi dyshohet se ka marrë ryshfet në këmbim të shërbimit për disa ditë me radhë nga qytetarët në spital.
Marku u vu në pranga në kuadër të një operacioni të realizuar nga një agjent i infiltruar, i cili u shtir si pacient që kishte nevojë për mjekun. Në momentin që reanimatorit i ka dhënë 20 mijë lekë, grupi ka ndërhyrë dhe ka arrestuar mjekun. Bashkë me Markun kanë përfunduar në polici edhe disa mjekë të tjerë. Identitetet dhe rolet e këtyre të tjerëve nuk janë zbuluar ende.
Por ajo që ndezi një diskutim të fortë publik ishte mënyra sesi Marku u arrestua. Në një regji të plotë filmi, mjeku u arrestua me agjentë specialë, maska dhe anti-plumb, duke bërë që opinioni publik të ngrejë dyshime për standartet e dyfishta të Policisë së Shtetit, që nga njëra anë kriminelët nuk arrin dot as ti gjejë e jo më ti arrestojë me forca speciale, ndërsa në rastet si ky i Markut, shteti tregon forcën në maksimumin e parashikuar nga ligji.
