Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Kaos në Meksikë. • Gjykata ka pezulluar ekstradimin e Ovidio Guzmán nga Meksikë në SHBA deri në një moment të dytë. • Hapja e zjarrit ndaj personave të sigurisë ka qenë revolta e anëtarëve të bandës së drogës ‘Sinaloa’ si formë hakmarrje ndaj arrestimit të djalit të ‘El Chapos’, Ovidio Guzmán në Meksikë. Aq sa u shkakuan 29 të vrarë, 35 të plagosur dhe dhjetra të arrestuar. • Arrestimi i djalit të ‘El Chapos’ u krye vetëm disa ditë përpara se Presidenti Biden planifikon të bëjë vizitën e tij të parë në Meksikë më 9 janar. • Ovidio u bë një figurë e rëndësishme në kartelin Sinaloa pas arrestimit të babait të tij, dhe vetë u arrestua dhe u ndalua përkohësisht nga forcat e sigurisë meksikane në tetor 2019. • Por me kapjen e të birit i gjithë vendi u fut në kaos. Aq sa u ndalua fluturimi tek aeroportet Ciudad Obregón dhe Los Mochis, që u hapën vetëm sot.
5 artikuj për këtë temë.
MEKSIKË- Mediat në Meksikë kanë publikuar pamjet e arrestimit të të shumëkërkuarit të kartelit “Sinaloa”, 32-vjeçarit Ovidio Guzman, djali i Joaquin “El Chapo” Guzman.
Arrestimi i djalit të “El Chapos” u realizua nga forcat e sigurisë meksikane të mërkurën mbrëma, gjë që shkaktoi një valë të madhe dhune në të gjithë shtetin e Sinaloas, duke përfshirë edhe një aeroport ku shokët e Ovidios goditën me plumba tre avionë, duke shkaktuar panik mes pasagjerëve dhe stafit.
I veshur me një jelek portokalli me ngjyrë burgu, ai shikon me sy të trembur, ndërsa po merret në pyetje nga oficerët. Në video ai shihet duke u futur në një helikopter.
Ovidio, i quajtur me nofkën “El Ratón” ose “Miu”, aktualisht po mbahet në një burg federal të sigurisë maksimale në Mexico City.
MEKSIKË- Kapja e Ovidio Guzmán, "El Ratón", një nga drejtuesit kryesorë të kartelit Sinaloa, la një bilanc prej 29 të vdekur, 35 të plagosur dhe 21 të arrestuar. Këtë e ka bërë të ditur kreu i Ministrisë së Mbrojtjes Kombëtare (Sedena), Luis Cresencio Sandoval gjatë konferencës së mëngjesit të Presidentit Andrés Manuel López Obrador, ku ka rrëfyer ditën e djeshme në Culiacán, Sinaloa dhe vende të tjera pranë ka pasur përplsaje me armë zjarri pas kapjes së djalit të Joaquín El Chapo Guzmán.
Ai theksoi se deri më tani nuk ka pasur viktima civile përkundër veprimeve që anëtarët e organizatës kriminale që bllokuan rrugët dhe u vunë flakën makinave.
“Dhjetë ushtarë, duke theksuar vlerat e tyre si ushtarë të atdheut, fatkeqësisht humbën jetën në krye të detyrës, për të garantuar sigurinë e qytetarëve dhe popullit sinaloas. Shteti Meksikan do të ofrojë të gjithë mbështetjen për të vdekurit”.
35 të plagosurit nga armët e zjarrit, shtoi ai, janë ushtarë, të cilët marrin kujdes mjekësor në spitale të ndryshme. Babai i tij, Joaquín “El Chapo” Guzmán, aktualisht është burgosur në SHBA ku po vuan dënim të përjetshëm pasi u shpall fajtor në vitin 2019 për trafik droge dhe pastrim parash. Në dhjetor, SHBA vendosi një shpërblim deri në 5 milionë dollarë (4.2 milion £) për informacionin që çon në arrestimin ose dënimin e tij, si dhe atë të tre vëllezërve të tij që gjithashtu mendohet se kanë mbajtur pozicionet e tyre komanduese në grup. Operacioni, i cili filloi në agim në Culiacán, në shtetin Sinaloa, në veri-perëndim të Meksikës, shkaktoi një valë dhune nga anëtarët e armatosur të kartelit.
MEKSIKË- Momenti i arrestimit të djalit të bosit të drogës “El Chapo”, Ovido Guzman, është bërë publik në media. Në pamje shihet policia e mobilizuar dhe teksa pret pak para hyrjes, hapet dera nga nëna e Ovidos.
“Kujdes! Dil, dil, dil. Qetësohuni zonjë. Ngri duart lart... më trego duart. Kaloni ju lutem, kaloni, dilni”, dëgjohet që i thotë policia. Më pas ata e mbështesin pas murit për ta kontrolluar.
Video shoës the moment Mexican security forces captured the son of "El Chapo" Ovidio Guzman-Lopez. pic.tëitter.com/B26ZcUyMKf
— 4PLUG (@4PlugHub) January 5, 2023
Që prej këtij momenti anëtarët e kartelit Sinaloa dhe bashkëpunëtorët e tyre kanë nisur sulme të dhunshme në rajon, duke qëlluar policë dhe ushtarë, duke djegur automjete dhe duke bllokuar rrugët përgjatë bregut të Paqësorit. 19 anëtarë të kartelit të drogës dhe 10 ushtarë kanë humbur jetën si pasojë e përplasjeve me armë zjarr mes të dyja palëve.
MEKSIKË- Ovidio Guzmán López, djali i Joaquín "El Chapo" Guzmán u rikthye në Culiacán, pasi për momentin ai nuk mund t'i dorëzohet qeverisë amerikane, e cila e kërkon për akuzën e trafikut të drogës. Sipas mediave meksikane, gjyqtari i dha atij një pezullim 'ex officio' kundër izolimit, ndaj dhe lideri i kartelit Sinaloa lejohet të komunikojë me të afërmit ose të takohet me mbrojtësit e caktuar.
Sa kohë nuk është i ekstraduar, siguria dhe kujdestaria e Ovidio Guzman do të jetë nën përgjegjësinë e autoriteteve të burgut, ndërsa situata e tij ligjore është zgjidhur. Avokatët e Guzmán López, i cili kaloi natën e tij të parë në burgun e sigurisë maksimale në Altiplano, përpunuan procedurat kundër ekstradimit të trafikantit të dyshuar të drogës.
SPANJË- Ovidio Guzman, djali i zotit famëkeq të drogës Joaquin 'El Chapo' Guzman i cili u arrestua dje nga autoritetet meksikane në një operacion blic në Culiacan, njihet ndryshe si 'El Raton' (Miu). Mbështetësit dhe adhuruesit e tij ishin të pafund në numër, saqë krijuan edhe trazira në gjithë qytetin duke u vënë flakë kamionëve si dhe shtinë me armë në aeroport në shenjë revolte për arrestimin e tij. Adhuruesit e Guzman kanë kundërshtuar në mënyrë absolute ekstradimin e tij drejt SHBA-së, ku bosi i drogës ishte i shpallur në kërkim. Për këtë arsye linja e aeroportit ndërpreu aktivitetin, ndërsa qytetarëve iu bë apeli që të mbylleshin në shtëpitë e tyre.
Por cila është e kaluara e tij kriminale?
Guzman përshkruhet si një anëtar i rangut të lartë i kartelit Sinaloa i kërkuar edhe në SHBA për akuzat e trafikut të drogës. Ai ishte arrestuar më parë nga autoritetet federale në tetor 2019, por u lirua me urdhër të Presidentit Andrés Manuel López Obrador për të shmangur trazirat dhe protestat kundër arrestimit të tij.
Sipas informacioneve nga Departamenti i Sigurisë i Shteteve të Bashkuara, Ovidio dhe vëllai i tij Joaquín koordinuan veprimet dhe drejtuan një krah të grupit kriminal të quajtur Organizata Kriminale Transnacionale Guzmán López. Duke ndjekur hapat e babait të tyre, si Ovidio ashtu edhe Joaquín investuan në biznesin e trafikut të drogës me substanca të tilla si marihuana, kokaina, ephedrine dhe vitet e fundit, fentanil.
Këto aktivitete u verifikuan nga dokumentet e Departamentit të Drejtësisë të Shteteve të Bashkuara, të cilat detajojnë se nga prilli 2008 deri në 2018 të dy vëllezërit komplotuan për të shpërndarë drogë nga Meksika dhe vende të tjera për t'u importuar në vendin e qeverisur nga Joe Biden.
Shteti i Sinaloas është shtëpia e kartelit Sinaloa, një nga organizatat më të fuqishme të trafikut të narkotikëve në botë. “El Chapo” ishte lideri i kartelit përpara se të dënohej me burgim të përjetshëm në vitin 2020. Arrestimi vjen disa ditë përpara se presidenti i SHBA Joe Biden dhe kryeministri kanadez Justin Trudeau të vizitojnë Mexico City për të marrë pjesë në Samitin e Liderëve të Amerikës së Veriut.
