Mesazh apo paralajmërim? I vihet tritol banesës së të dashurës së Laert Haxhisë, Klea Gjata vjet u lirua nga burgu

LUSHNJE- Një shpërthim i fortë tritoli ka ndodhur në lagjen “Gafur Muço” në Lushnjë, ku objektiv ka qënë banesa e nënës së Klea Gjatës, shtetases Shaqe Gjata.

Policia e Lushnjës ka ngritur dyshime të forta se shkak i vendosjes së tritolit mund të jetë bërë mosmarëveshjet e lindura mes Klea Gjatës dhe të dënuarit me burg përjetë Laert Haxhiu, me të cilin vajza është ndarë.

Divorci mes Klea Gjatës dhe Laert Haxhiut ka ndodhur sapo vajza nga Lushnja, ka mësuar se një modele nga Kosova e quajtur Ziza Pajaziti, ka frekuentuar në takim special në burgn e Drenovës të dashurin e Kleas, Laert Haxhiu.

Pas zbulimit të tradhtisë, Klea Gjata, ka refuzuar takimet e mëtejshme në burg me Laert Haxhiun, duke çuar në një konflikt të vazhdueshëm me të.

Sipas burimeve të policisë së Tiranës, kjo pistë dhe ky konflikt mund të jetë bërë shkak për vendosjen e tritolit në banesën ku jeton nëna e Klea Gjatës, e cila fatmirësisht nuk ka pësuar dëmtime nga shpërthimi I tritolit.

Kujtojmë se emri i Klea Gjatës doli në media si e dashura besnike e Laert Haxhiut, kur njëri nga anëtarët Artan Tafani, shfaqi pendësn dhe foli për prokurorinë e Elbasanit, disa nga krimet e kryera nga banda e Laert Haxhiut.

Pas dëshmisë së tij, policia dhe prokuroria urdhëruan arrestimin e Klea Gjatës për akuzën e “Moskallëzimit të krimit”, e cila ka qëndruar 6 muaj në burg dhe njëherësh ju sekuestrua një automjet tip “Benz”, me të cilin lëvizte herë pas here Laert Haxhiu, gjatë kohës kur ishte në kërkim./OraNews

Tritoli

LUSHNJE- Policia ka nxjerr njoftim zyrtar në lidhje me tritolin që i është vendosur banesës së Klea Gjatës në Lushnje. Mësohet se tritoli është hedhur në murin e banesës nga jashtë rreth orës 01:00. Por fatmirësisht nuk ka pasur të lënduar në njerëz, por vetëm dëme materiale. 

Njoftimi i Policisë:

Lushnjë/Informacion paraprak Rreth orës 01:00, në lagjen “Gafurr Muço”, në murin e jashtëm në katin e parë të banesës së shtetases Sh. Gj., 57 vjeçe, është hedhur dhe ka shpërthyer një sasi e vogël lëndë plasëse. Nga shpërthimi janë shkaktuar dëme të vogla materiale. Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes, si dhe për identifikimin dhe kapjen e autorit/ëve.

LUSHNJE-  Pamjet e mëposhtme janë nga banesa e nënës së Klea Gjatës në Lushnje, të cilës i është vendosur tritoli gjatë natës. Mësohet se shpërthimi ka ndodhur rreth orës 02:00 të mëngjesit, por fatmirësisht nuk ka të lënduar në njerëz. 

Siç shihet dhe nga pamjet e siguruara nga Dosja.al, tritoli është vendosur në një pallat parafabrikat. Ndërkohë që dëmet materiale në këtë banesë janë të konsiderueshme.

29-vjeçarja, e cila u lirua nga burgu vitin e kaluar, ndodhet nën hetim për veprat 'Moskallëzim Krimi' dhe 'Përkrahje e autorit'. Ajo njihet për mediat dhe autoritetet si e dashura e Laert Haxhisë./Dosja.al

Klea Gjata dhe Laert Haxhia

LUSHNJE- Objektivi i tritolit të vendosur në orët e para të mëngjesit ka qenë shtëpia e të dashurës së Laert Haxhisë. Lënda plasëse e vendosur në një pallat parafabrikat, ka shpërthyer gjatë orës 02:00 të mëngjësit e sotëm. 

Ndërkohë që burimet për Dosja.al, bëjnë me dije se banesa në lagjën 'Gafurr Muço' është e nënës së Klea Gjatës. 29-vjeçarja, e cila u lirua nga burgu vitin e kaluar ndodhet nën hetim për veprat 'Moskallëzim Krimi' dhe 'Përkrahje e autorit'./Dosja.al

Foto Ilustruese

LUSHNJE- Një shpërthim nga tritoli ka ndodhur në orët e para të mëngjesit të sotëm në Lushnje. Mësohet se lënda plasëse është vendosur në një pallat parafabrikat, ku është dëmtuar kati i parë. Por fatmirësisht nuk ka pasur dëmtime në njerëz. 

Shpërthimi ka ndodhur në lagjen “Gafurr Muço”. Ende nuk dihet shkaku i lëndës plasëse të vendosur apo se cila ka qenë shënjestra.