Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kryetari i Partisë Demokratike Sali Berisha ka dalë sërish sot në daljen e tij të përjavshme me gazetarët. • Në konferencën e sotme, Berisha foli në lidhje me dosjet e ish-Sigurimit të Shtetit ku theksoi se Edi Rama hoqi ligjin e lustracionit, madje e ankimoi në vitin 2008. • Megjithatë shtoi se në vitin 2015 Rama mori përsipër të hartojë ligjin por duke hequr lustracionin. • Ndërsa lidhur me nismën që pritet të merret për "non gratat", Berisha thaa se nuk kishte asnjë impresion pasi Rama, sipas tij ishte i pashpresë. • Ish-kryeministri Sali Berisha ka komentuar deklaratën e Ilir Metës një ditë më parë, i cili tha se në shtator do të punojnë për formimin e një qeverie teknike. • I pyetur nëse është dakord, Berisha tha se ende nuk ka diskutuar me Metën për qeverinë teknike, por qëllimi i tyre i vetëm është rrëzimi i Edi Ramës. • Sa i përket referendumeve, Berisha tha se edhe Komisioni i Rithemelimit e ka kërkuar prej kohësh, pasi Shqipëria ka nevojë që të dëgjohet zëri i qytetarëve për një sërë problematikash. • Gjithashtu nuk i kurseu akuzat edhe ndaj qeverisë, më konkresisht për aksin rrugor ‘Qukë Qafë-Pllocë’.
5 artikuj për këtë temë.
TIRANË- Ish-kryeministri Sali Berisha ka komentuar deklaratën e Ilir Metës një ditë më parë, i cili tha se në shtator do të punojnë për formimin e një qeverie teknike. Në konferencën e përjavshme me gazetarët, Berisha tha se ende nuk ka diskutuar me Metën për qeverinë teknike, por qëllimi i tyre i vetëm është rrëzimi i Edi Ramës.
“Nuk kemi diskutuar. Teza jonë është kjo që Rama duhet të largohet një ditë e më parë. Pas largimit të kësaj qeverie detyra më themelore është përgatitja e zgjedhjeve të lira dhje të ndershme. A do ngarkohet një qeveri teknike, kjo është diçka që do vendosin forcat politike,”- tha Berisha. Ndërkohë që lidhur me çështjen e vendosjes së referendumit, Berisha ra dakord.
"Siç mund ta verifikoni, jemi shprehur për referendum pre kohësh, vlerësoj qëndrimin e PL për referendumet. Pse? Kushtetuta ka humbur sensin e saj me marrjen e pushteteve nga Edi Rama. De facto ajo ka rënë, misionin më kryesor ka ndarjen e pushteteve. Nëse kushtetutshmëria është futur si një shtyllat bazë të demokracisë, për ndarjen e balancave mes pushteteve, ky funksion ka humbur. Janë bërë ndërhyrje në kushtetutë, të shumëllojta të cilat i kanë privuar asaj zhdërvjelltësi. Shqipëria është i vetmi vend ku qytetarët nuk mund të falsin me votën e tyre. U bë një referendum në 94’, ai ishte një zhvillimin pozitiv. Që nga ajo kohë referendum ka bërë vetëm PD gjatë këtyre muajve. Shqipëria ka nevojë për zërin e qytetarëve,"-shtoi Berisha.
PJESË NGA KONFERENCA:
Ardit Hoxha-EuroNews: Partia e Lirisë e Ilir Metës ngulmon në çështjen e referendumeve, PD a do ti bashkohet kësaj kërkese? Cila do të jetë çështja e parë që do kërkoni ta hidhni në referendum?
Sali Berisha: Prej kohësh ne jemi shprehur për referendumet, në disa takime dhe unë vlerës edhe qëndrimin e Partisë së Lirisë për referendumet. Kushtetuta ka humbur sensin e saj me marrjen e të gjitha pushteteve nga Edi Rama, ajo defakto ka rënë. Misioni më kryesor i Kushtetutës ka ndarjen e pushteteve. Nëse kushtetutshmëria është futur si një nga shtyllat bazë të demokracisë, është futur për balancat e pushteteve. Ky funksion këtu ka humbur. Janë bërë ndërhyrje në kushtetutë, të shumëllojtja të cilat i kanë privuar asaj, zhdërvjelltësinë e parimeve të saj. Shqipëria është i vetmi vend ku qytetarët nuk mund të flasin me votën e tyre. U bë një referendum në 1994 dhe qeveria humbi dhe ajo ishte një zhvillim pozitiv për demokracinë shqiptare. Që nga ajo kohë referendum ka bërë vetëm PD gjatë këtyre muajve. Shqipëria ka nevojë për zërin e qytetarëve. Mendoj se janë një seri problemesh të cilat duhet të marrin përgjigje me referendum.
Ardit Hoxha-EuroNews: Për një qeveri teknike në shtator, keni diskutuar?
Sali Berisha: Ne nuk kemi diskutuar, por teza jonë është kjo; që Edi Rama duhet të largohet një ditë e më parë. Pas largimit të kësaj qeverie, natyrisht detyra më themelore është përgatitja e zgjedhjeve të lira dhe të ndershme. A do të ngarkohet një qeveri teknike, apo ad-hoc për të përgatitur zgjedhjet, kjo është në dorën e forcave politike, por largimi i Ramës është një imperativë absolut.
TIRANË- Kryetari i Partisë Demokratike, Sali Berisha, ka bërë me dije se në zgjedhjet e ardhshme lokale, Partia Demokratike do hyjë me siglën e saj. Në konferencën e përjavëshme për mediat, Berisha tha se edhe pse Rama do përpiqet që ta ndalojë sërish nuk do t'ja dalë.
"PD do shkojë në zgjedhje me siglën e saj. Rama do bëjë çdo gjë që ta ndalojë, por është armik. Kjo nuk ndryshon. është armik për shkak të votës së lirë. Për shkak të qëndrimit që përpiqet të mbajë për pluralizmit. Do të trajtohet si armik, e di ai, e ka humbur pak...,"-tha Berisha.
PJESË NGA KONFERENCA:
Ermal Rizai-SYRI TV: Përsa i përket zgjedhjeve të vitit 2023, ju thatë se jeni pro koalicionit. Ai druheni ju një zvarritje të çështjes së PD-së në gjykatë dhe të shkoni në zgjedhjet vendore si në 6 mars, jo me logon e PD.
Sali Berisha: PD do të shkojë në zgjedhje me siglën e saj, pavarësisht se Edi Rama do të bëjë gjithçka, por në këtë betejë kundër pluralizmit do të paguajë një çmim të tmerrshëm. Edi Rama po lufton pluralizmin. Pasi ka marrë të gjitha pushtetet, kërkon të shuajë opozitën, por ai do ta shikojë mirë që opozita është e pamposhtur dhe do të marrë atë që i takon. Është armik. I kategorizuar si armik, do të trajtohet si armik, do të marrë përgjigjen si armik. Kjo nuk ndryshon. Është armik për shkak të votës së lirë, vendosjes së monizmit duke dhunuar votën e lirë dhe për shkak të qëndrimit që përpiqet të mbajë, për të asgjësuar pluralizmin. Ai do të trajtohet si armik dhe ai e di këtë.
TIRANË- Ish-kryeministri Sali Berisha u pyet nga gazetarët sa i përket nismës së PS-së për të zbuluar politikanët bashkëpunëtorë të ish-sigurimit, me argumentin se në 1996 ka patur një ligj lustracioni që sipas tij u anulua nga PS. Më pas, Berisha tha se edhe në vitin 2008 ishte kryeministri Edi Rama ai që e ankimoi vendimin. Ndërsa lidhur me çështjen e "nongratave", kufizimet ligjore që mund të ketë nuk e impresionojnë fare për aq kohë sa Rama nuk do i shpëtojë revolucionit.
Rugova Dunisha-FaxNews: Si i shikoni dy iniciativat e PS në sesionin e ri parlamentar për rishikimin e figurës së gjithë politikanëve në lidhje me ish-sigurimin e shtetit. Po ashtu edhe adresimin e ‘non gratës’ dhe përfaqësimin në parlament, nisur nga rasti juaj
Sali Berisha: PD-ja siç e dini ju, në vitin 1996 dhe në vitin 2008, ka votuar në parlament ligjin e lustracionit, sipas të cilit duhet të largoheshin nga detyra si të zgjedhur apo në sistemin e drejtësisë, apo funksione të rëndësishme, pa përjashtim të gjithë ata të cilët kanë qenë bashkëpunëtorë të sigurimit. Ky ligj u zbatua në vitin 1996, plotësisht. U amendua në vitin 1997 nga PS, nuk u anulua, por u hoq lustracioni që e zhvlerësoi ligjin ai moment. Në vitin 2008 ne rikthyem të njëjtin ligj. Sepse këtë ligj e kishte njohur Gjykata Kushtetuese ku e kishte dërguar PS. Ai ligj kishte një miratim edhe ndërkombëtar. Ne e morëm ligjin nga Çekosllovakia (ishte Çekosllovaki në atë kohë) dhe e adaptuam. Edhe në 2008 e sollëm, por në mënyrë absolutisht për mua, të padrejtë atë e anuloi Gjykata Kushtetuese, duke pasur 5 anëtarë të saj në konflikt të plotë interesi. Shqyrtimin e ligjit nga kjo gjykatë e autorizoi edhe Komisioni i Venecias. Ishte Edi Rama, që paditi ligjin në vitin 2008. Neni 26 i këtij ligji, i njeh të drejtën çdo qytetari shqiptar të njihet me dosjen e tij. Në këtë aspekt ligji ishte një transparencë e plotë. Para tij nuk kishte asnjë dokument të paklasifikueshëm. Ligji u anulua dhe në vitin 2015, Rama mori përsipër të hartojë ligjin po pa lustracionin. Pak a shumë, nuk mund të mohohet, zgjodhi modelin gjerman. Ata nuk kanë lustracionin, por unë kam takuar drejtuesen e institutit që është marrë me këtë çështje dhe kur unë e pyeta se; kur del aty që filan prokuror ka bërë këto e këto shkelje ligjore të rënda, ju nuk e hiqni. Ne nuk e heqim, por ikën vetë. Këtu nuk ikën njeri vetë, i thashë unë. Prandaj PD do të mbetet nismëtare për çdo formë lustracioni për bashkëpunëtorët e sigurimit. Ne jemi që çdo qytetar të ketë të drejtë të njihet me dosjen e tij, dhe askush tjetër përveç atij. Përsa i përket atyre non gratave, Europa ka ligjet e veta, Parlamenti Europian ka të vetat, i ka të përcaktuara dhe unë nuk kam asnjë lloj impresioni nga ajo. Edi Rama është i pashpresë. Mund të marrë çdo hap vendim politik, por nuk do të shpëtojë dot nga ky revolucion që po zien.
TIRANË- Kreu i Partisë Demokratike, Sali Berisha ka bërë me dije planet e tij për zgjedhjet e ardhshme lokale. Në komunikimin e përjavshëm me gazetarët, Berisha tha se për kandidatët do të vendosin primarët edhe nëse do të jenë në koalicion me Partinë e Lirisë.
PJESË NGA KONFERENCA:
Osman Stafa-News24: Meqë jemi 2 javë para nisjes së sesionit të ri parlamentar. Cila është situata në grupin parlamentar të PD, meqenëse një pjesë e grupit nuk është në mbështetjen tuaj. A keni komunikuar me ta?
Sali Berisha: Grupi parlamentar i PD-së është grup parlamentar i saj. Ka diversitet në qëndrime, por në tërësi mendoj se çdo deputet do ti qëndrojë luajal shumicës që e kanë votuar dhe do të jetë i përkushtuar në bejetën kundër këtij regjimi, i cili dëshmon mungesë të plotë ndjeshmërie ndaj qytetarëve. Nëse do e karakterizoja me dy fjalë me këtë regjim, do të thota, gënjen e vjedh, vjedh e gënjen. Ky është ekuacioni në të cilin lëviz Rama.
Mariglen Kume-Panorama: Ju thatë se është imperativ largimi i Ramës dhe krijimi i një qeverie teknike në shtator. Si do ta largoni në shtator dhe po në shtator presidenti i ri do të nxjerrë dekretin për zgjedhjet lokale. Si do të kandidoni në 61 bashkitë, apo meqë jeni në aleancë edhe me Partinë e Lirisë do ti ndani kandidaturat bashkë?
Sali Berisha: Ne e mirëpresim caktimin e datës së zgjedhjeve dhe nuk kishte asnjë arsye që dekreti të mos dilte që ditën e parë të presidentit të ri, ligji e lejonte. PD në këto zgjedhje sjell risinë më të madhe në historinë e këtij vendi; sjell primaret të cilat pas vendosjes së pluralizmit politik janë në rrafshin e demokracisë, janë arritja më e madhe e demokracisë shqiptare. Janë fundi i kryetarokracisë, garanci madhore për pengesë ndaj autokracisë dhe presim me shumë përkushtim dhe kënaqësi zbatimin e këtij zotimi solemn në zgjedhjet që vijnë. Kjo do të jetë pas themelimit të pluralizmit politik, risia më e madhe që themelohet në demokracinë shqiptare. Ne e mirëpresim datën. Sigurisht që do të diskutojmë dhe jemi për koalicione, por natyrisht parimi ynë bazë nuk ndryshon; jemi për primaret. Një gjë është e sigurtë, kandidatët nuk do ti caktojë Sali Berisha dhe kryesia e PD, ata do i votojë anëtarësia e kësaj partie.
TIRANË- Ish-kryeministri Sali Berisha në konferencën e përhershme me gazetarët ka folur rreth aksit rrugor Qukës-Qafë Pllocë, e cila sipas tij ka kaluar çdo afat kohor. Me ardhjen në pushtet të Ramës, sqaron Berisha, është trefishuar çmimi i rrugës, e shkak për këtë është bërë zgjedhja e terrenit të vështirë, siç edhe është fshati Trebinjë i krahinës së Mokrës. Po ashtu, Berisha shtoi gjithashtu kryeministri Edi Rama dhe ministrja e Infrastrukturës Belinda Balluku duhet të mbanin përgjegjësi për paratë e qytetarëve.
NJOFTIM PËR SHTYP
Berisha: Së pari u falënderoj që jeni këtu sot dhe mbani gjallë informacionin për qytetarët. Unë këtu jam për të deklaruar se, është e pandalshme vjedhja që dyshja Rama-Balluku po bën në rrugët e vendit. Ndërtimi i rrugës Qukës-Qafë Plloçë kakaluar çdo afat kohor në historinë e vendit. 43 kilometra rrugë vazhdojnë prej 13 vitesh. Punimet për këtë rrugë kanë filluar në vitin 2009. Rruga u prokurua për ndërtim me një tender ndërkombëtar me 73 milionë euro. Me ardhjen në pushtet të Edi Ramës, me një akt absurd, ai vendosi të anulonte ndërtimin e rrugës, pasi traseja ishte shtrirë në 10-12 kilometra, pasi financimi ishte i garantuar nga bankat e huaja. Por ai nuk realizoi dot këtë bllokim, pasi detyrimet e Shqipërisë nga anulimi i kontratave do ndëshkonin vendin. Rruga që duhej të përfundonte në vitin 2014, vazhdon edhe në vitin 2022 dhe nuk ka shanse të përfundojë as këtë vit.
Çfarë ka ndodhur? Nga 73 milionë që ishte fondi i prokuruar, gjer sot janë shpenzuar për ndërtimin e saj 225 milionë euro. Një rrugë që kalon në një territor jo shumë të vështirë, të jemi realistë. Të pjerrët, por jo të vështirë. Pa vepra madhore arti, tunele apo ura të gjata apo akuadukte të gjata. Është mbi trefishuar shpenzimi.
Zhvillimi më i fundit është ky: në Trebinjë, lotet që ndërtoheshin në drejtim të njëri-tjetrit, na dalin në një disnivel prej 17 metrash. Tani ju duhet të dini se në rrugë që ndërtohen mbi sipërfaqen e tokës, kjo ndodh vetëm me qëllim. Nuk mund të ndodhë kurrë pa dashje. Rruga nuk projektohet nga kompanitë që e ndërtojnë, por nga kompanitë e projektimit. Projekti i rrugës shqyrtohet në çdo detaj nga Ministria e Punëve Publike. Kur kompania ndërtuese fillon zbatimin e projektit, ky zbatim mbikëqyret nga supervizori që përzgjidhet nga kompania dhe ministria.
