Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Komisioni Parlamentar për Sigurinë Kombëtare po zhvillon ditën e sotme një seancë dëgjimore, ku ministri i Brendshëm, Ervin Hoxha po raporton lidhur me gjendjen e rendit në vend, ngjarjet e rënda kriminale të ndodhura gjatë verës, numrin e ulët të arrestimeve të personave të kërkuar nga organet e drejtësisë dhe lëvizjet e fundit në kupolën drejtuese të Policisë së Shtetit. • Sipas Hoxhës, numri i vrasjeve krahasuar me një vit më parë është ulur. Ai tha se në periudhën Janar-Gusht 2024, janë 28 vrasje nga 35 që kanë ndodhur vitin e kaluar. • Deputeti i PD-së, Ferdinand Xhaferri u shpreh se krimi nuk ka më frikë as policinë e shtetit dhe as ligjin. • Në përgjigje të kësaj, ministri Hoxha tha se nuk ishte i kënaqur me rezultatet e deritansihme të policisë por, sipas tij, kjo do të përmirësohet në vazhdim. • Deputeti demokrat Ervin Salianji duke ironizuar kandidimin për drejtor policie të një personi të shpallur në kërkim, tha se policia sot nuk është e aftë të kapë një "karagjoz tik-toku". • Gjatë raportimit të tij, Hoxha tha se nga gara për drejtor të policisë së Shtetit janë skualifikuar 4 kandidatë. • Gjithashtu bëri me dije, se brenda kësaj javë ministri i Brendshëm do ti propozojë Këshillit të Ministrave kandidatin i cili do të jetë i aftë për ta fituar këtë garë. • Ndërkohë janë zbardhur edhe emrat e kandidatëve që u skualifikuan nga gara, të cilët janë: Shemsi Premci, Ibrahim Disha, Sami Rasha dhe Hajrulla Xhivini. • Në garë vijojnë ende 11 emra të tjerë, mes tyre edhe drejtori i Policisë së Elbasanit, Ilir Proda të cilit SPAK i ka sekuestruar telefonin në kuadër të hetimeve për dekonspirimin e operacionit për goditjen e bandës së vëllezërve Çopja në Elbasan.
6 artikuj për këtë temë.
TIRANË- Ministri i Brendshëm, Ervin Hoxha komentoi edhe rastin e vrasjes së Egli Progës në Pogradec, duke thënë se është një kambanë alarmi për shoqërinë, pasi nga një ngjarje u kthye në krizë.
“Rasti i Pogradecit, kjo është kambana më e madhe e alarmit për shoqërinë shqiptare sesi një ngjarje kthehet në një krizë. U manipuluan të gjitha faktet, u hodh baltë mbi policinë, u shndërrua nga një ngjarje në një krizë. Unë jam ministër i Brendshëm, veprimet e policisë ishin të qarta në përputhje me ligjin. Policia e Shtetit atë ditë ishte në detyrë dhe do të jetë në detyre”, tha ministri.
Hoxha u pyet po ashtu nga deputeti demokrat Ervin Salianji, në lidhje me përdorimin e aplikacionit Sky Ecc nga punonjësit e policisë. Në përgjigje ministri tha se kush e ka përdorur do përballet me ligjin.
“Në lidhje me sistemin Sky ECC dhe dua tju theksoj se punonjësit e policisë së shtetit kanë deklaruar me vullnetin e tyre nëse i kanë përdorur këto aplikacione ose jo. Ata që i kanë përdorur do të përballen me masat dhe ligjin që është në fuqi. Sa i takon kompensimit financiar të punonjësve të policisë në raport me orët e shërbimit gjatë sezonit veror dhe kuotën e veshë mbathjeve, ministri i Brendshëm Taulant Balla ka hartuar një dispozitë”, tha ministri.
TIRANË- Ministri i Brendshëm, Ervin Hoxha njoftoi gjatë raportimit në Komisionin Parlamentar të Sigurisë Kombëtare se katër kandidatë janë skualifikuar nga gara për drejtor të Policisë së Shtetit. Hoxha tha se procesi i përzgjedhjes vazhdon, ndërsa tregoi se brenda kësaj javë ministri i Brendshëm do ti propozojë Këshillit të Ministrave kandidatin i cili do të jetë i aftë për ta fituar këtë garë.
Ndërkohë janë zbardhur edhe emrat e kandidatëve që u skualifikuan nga gara, të cilët janë: Shemsi Premci, Ibrahim Disha, Sami Rasha dhe Hajrulla Xhivini. Ky i fundit është i shpallur në kërkim nga policia pasi theu masën e sigurisë "arrest në shtëpi". Gjykata i kishte caktuar këtë masë sigurie pasi urinoi në dyert e Gjykatës së Lartë.
Në garë vijojnë ende 11 emra të tjerë, mes tyre edhe drejtori i Policisë së Elbasanit, Ilir Proda të cilit SPAK i ka sekuestruar telefonin në kuadër të hetimeve për dekonspirimin e operacionit për goditjen e bandës së vëllezërve Çopja në Elbasan.
Kandidatët ende në garë:
1 - Adriatik Tafçiu - Shef sektori Policia e Shtetit
2- Altin Mena – Zv/drejtor policie në Lezhë
3- Ardian Çipa – Drejtor policie në Gjirokastër
4- Gentjan Shehaj – Drejtor i kurrikulave në Akademi
5- Idajet Faskaj – Drejtor i Interpol
7- Ilir Proda – Drejtor policie në Elbasan
7- Lutfi Minxhozi – Drejtor i Europol
8- Neritan Nallbati – Drejtor i policisë kriminale
9- Pëllumb Seferi – Drejtor i marrëdhënieve ndërkombëtare
10- Rebani Jaupi – Drejtor për rendin dhe sigurinë
11- Skënder Hitaj – Drejtor i policie në Durrës
TIRANË- Ministri i Brendshëm, Ervin Hoxha po iu përgjigjet pyetjeve të anëtarëve të Komisionit të Sigurisë Kombëtare, lidhur me gjendjen e rendit në vend, ngjarjet e rënda kriminale të ndodhura gjatë verës, numrin e ulët të arrestimeve të personave të kërkuar nga organet e drejtësisë dhe lëvizjet e fundit në kupolën drejtuese të Policisë së Shtetit.
Deputeti Ervin Salianji duke ironizuar kandidimin për drejtor policie të një personi të shpallur në kërkim, tha se policia sot nuk është e aftë të kapë një "karagjoz tik-toku". Në përgjigje të kësaj, Hoxha tha se nga gara për drejtor të policisë së Shtetit janë skualifikuar 4 kandidatë. Gjithashtu bëri me dije, se brenda kësaj javë ministri i Brendshëm do ti propozojë Këshillit të Ministrave kandidatin i cili do të jetë i aftë për ta fituar këtë garë.
"Unë ju bëra me dije procedurën. Aktualisht janë skualifikuar katër kandidatë dhe procedura e përzgjedhjes do të vijojë në ditët në vazhdim. Gjithashtu i është dërguar inistitucioneve të zbatimit të ligjit shkresë për konfirmimin e pastërtisë së figurës së kandidatëve. Priten përgjigjet dhe në bazë të përgjigjeve komisioni do vlerësojë kandidatin dhe më vonë do vijojë intervistimin. Brenda kësaj javë ministri i Brendshëm do ti propozojë Këshillit të Ministrave kandidatin i cili do të jetë i aftë për ta fituar këtë gara.”, u shpreh ministri.
TIRANË- Në seancën e Komisionit të Sigurisë Kombëtare nuk kanë munguar diskutimet dhe ironitë mes kryetarit të komisionit, Nasip Naços dhe deputetit demokrat Ervin Salianjit.
Teksa po iu kërkonte të linin ministrin të fliste, Naço me ironi iu është drejtuar me fjalë "bëhuni deputet euroatlantik". Deputeti Salianji nuk e ka kursyer përgjigjen ndaj tij, ku i tha se në situatën e vështirë që është PS, iu duhet të mbajnë hapur një derë hapur "tek euroatlantikët, tek komunistët dhe tek çdo parti tjetër".
DISKUTIMI:
Nasip Naço: Ju lutem bëhuni deputet euroatlantik.
Ervin Salianji: E di që në situatën e vështirë politike që ju ka futur kryetari i PS, mund të mbani një derë hapur te euroatlantikët edhe tek komunistët dhe cdo parti tjetër. E falënderoj sekretarin e partisë, Qefalinë për ndërtimin e vijës së partisë dhe ruajtjes që i bën kryetarit të komisionit në vijën e partisë.
Nasip Naço: E tërheq, bëhuni deputet europian.
Ervin Salianji: Në ato që lexoi ministri në këndvështrimin tim, e vërtetë ishte fjalia që tha se nuk ishte i kënaqur me punën e Ballës, Cucit dhe Xhafës. Më vjen mirë që ministri e nis duke sulmuar dhe duke na konfirmuar atë që kemi thënë ne në këto vite. Vetë ministri i Brendshëm thotë se është i pakënaqur. Meqe është i pakënaqur, tek cila pjesë është i pakënaqur?
TIRANË- Deputeti i Partisë Demokratike, Ervin Salianji në seancën e sotme të Komisionit të Sigurisë, ku po raporton ministri i Brendshëm, Ervin Hoxha, komentoi edhe kandidaturat për drejtor të Policisë së Shtetit. Salianji tha se në vend që policia të gjejë të shpallurin në kërkim, vjen ai dhe i gjen ato.
“Që nuk jeni i kënaqur keni të drejtë se e gjithë Shqipëria nuk është e kënaqur. Më vjen mirë që ministri aprovon ato që kemi thënë gjithë këto vite. Meqë është i pakënaqur ku është më shume, tek dekonspirimi i operacioneve, te përfshirja e krerëve të policisë në trafiqe, tek mos arrestimi i krerëve të bandave? Thatë nuk ka kupolë, por kur ke strukturën më të lartë të policë që i shërben mafias, është kupolë mafia. Sa prej punonjësve kanë zbatuar urdhrin që policët të tregonin a kishin përdorur aplikacionit SKY. Thatë që do të ketë një gjeneratë të re drejtuesish. Pra i bie që ju i paskeni caktuar. Sa herë vjen një ministër sjell një ligj të ri. Pra ligji gjoja me aplikim, të sjell nga karagjozë Tik Tok-u… Nuk gjeni dot ju me 12 mijë punonjës atë që është në kërkim, vjen ju gjen ai dhe ju thotë do bëhem drejtor i juaj. Jeni bërë gaz i botës”, tha Salianji.
TIRANË- Ditën e sotme po zhvillohet seanca e radhës e Komisionit parlamentar për Sigurinë Kombëtare. Në seancën e sotme po raporton ministri i Brendshëm, Ervin Hoxha, lidhur me gjendjen e rendit në vend, ngjarjet e rënda kriminale të ndodhura gjatë verës, numrin e ulët të arrestimeve të personave të kërkuar nga organet e drejtësisë dhe lëvizjet e fundit në kupolën drejtuese të Policisë së Shtetit.
Deputeti i PD-së, Ferdinand Xhaferri u shpreh se krimi nuk ka më frikë as policinë e shtetit dhe as ligjin. Nga ana tjetër, ministri Hoxha tha se nuk ishte i kënaqur me rezultatet e deritansihme të policisë por, sipas tij, kjo do të përmirësohet në vazhdim.
DISKUTIMI
Ferdinand Xhaferri: Në një seancë maratonë kaluam ligjin për Policinë e Shtetit. Në këtë seancë i kërkuam ministrit të atëhershëm, zotit Balla dhe problemet e vitit të kaluar gjatë sezonit veror, të merreshin masa e të mos përsëriteshin më. Krimi nuk ka frikë policinë, ekzekuton në Tiranë e Shkodër, sepse nuk e ka frikë ligjin. Vetëm në gusht kemi 12 viktima.
Ervin Hoxha: Nuk jam i kënaqur me rezultatet e deritanishme të policisë, por policia është na lartësinë e detyrës dhe do të përmirësohet në ditët në vijim. Kam gjetur një polici të konsoliduar e profesionale. Kam 50 ditë në detyrë. Rendi e siguria në vend në parametra shumë të mirë dhe krahasimin e bëjmë me vende e BE. Shqipëria edhe këtë vit ka pasur rritje të numrit të turistëve. E vërtetë që në gusht kishim një rritje të vrasjeve në krahasim me muajt e tjetër, por në statistikat e 8 mujorit, jemi pothuajse në të njëjta parametra sigurie me vitin e kaluar.
