Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Vritet me thikë Amanda Pushani në Tiranë. •37-vjeçarja u qëllua brenda banesës nga motra e saj e madhe, 40-vjeçarja Marsela Pushani. •Ngjarja ndodhi ditën e djeshme (2 shtator) në orën 11:40, por nuk u raportua nga policia. •Në një reagim zyrtar në mëngjesin e sotëm, poliica thotë se familajrët e raportuan si vdekje për shkaqe natyrale. •Pas ekzaminimeve që janë kryer në trupin e 37-vjeçares janë konstatuar plagë dhe më pas u ngrit dyshimi se është vrarë. •Pas disa orësh u vu në pranga Marsela Pushani, si autore e dyshuar. •Në dëshminë e saj, Marsela ka treguar se motra prej më shumë se 10 vitesh ishte e alkoolizuar dhe kishin debatuar që ajo të linte alkoolin. •40-vjeçarja pretendon se motra kishte marrë thikën dhe e kishte kërcënuar se do ta vriste atë dhe mamanë, për këtë arsye e ka qëlluar me thikë në kushtet e vetëmbrojtjes.
6 artikuj për këtë temë.
TIRANË- Amanda Pushani, e cila u vra nga motra e saj, pas një konflikti që nisi në banesë, për të lënë alkoolin, nesër do të festonte ditëlindjen. Fatkeqësisht, ajo humbi jetën vetëm dy ditë para se të mbushte 37-vjeç.
Ku ndodhi ngjarja?
Amanda Pushani u gjet e pajetë ditën e djeshme (2 shtator) në shtëpinë e saj në rrugën “Hajdar Hidri”.
Çfarë thanë familjarët?
Ishte nëna e viktimës ajo që telefonoi ambulancën dhe i tha se e bija nuk ndihet mirë. Fillimisht ngjarja u tentua të fshihej nga familjarët duke u raportuar si vdekje natyrale, por pas hetimeve të thelluara u konstatua se Amanda kishte ndërruar jetë nga goditja me thikë.
Motivi i mundshëm i ngjarjes
Mësohet se 37-vjeçarja pinte shumë alkool dhe kishte zënka të herëpashershme me motrën. Shkak i ngjarjes ka qenë një sherr për motive banale, ku motrat fillimisht kanë pasur një përleshje e cila ka degraduar në përdorimin e thikës.
Çfarë dëshmoi Marsela Pushani në polici
“Nuk kam dashur ta vras motrën, veprova në kushtet e vetëmbrojtjes. Prej më shumë se 10 vitesh ishte e alkoolizuar dhe problematike. Mëngjesin e djeshëm kemi pasur debat pasi i kërkonim që të linte alkoolin. Fillimisht Amanda mori thikën dhe më kërcënoi mua dhe mamanë se do të na vriste. Situata u tensionua dhe veprova në kushtet e vetëmbrojtjes”
TIRANË- Motra e Amanda Pushanit, ka deklaruar në polici se e ka kryer vrasjen në kushtet e vetëmbrojtjes. Marsela Pushani, 40 vjeç, ka dëshmuar se motra prej më shumë se 10 vitesh ishte e alkoolizuar dhe kishin debatuar që ajo të linte alkoolin. 40-vjeçarja pretendon se motra kishte marrë thikën dhe e kishte kërcënuar se do ta vriste atë dhe mamanë, për këtë arsye e ka qëlluar me thikë në kushtet e vetëmbrojtjes.
"Veprova në kushtet e vetëmbrojtjes, na kërcënoi se do na vriste. Prej më shumë se 10 vitesh motra Amanda Pushani ishte e alkoolizuar dhe problematike. Debatuam me të që të linte alkoolin, Amanda më kërcënoi mua dhe mamanë"
FOTOT- Dosja.al ju sjell me foto viktimën dhe autoren e ngjarjes së rëndë që ndodhi një ditë më parë në kryeqytet, por që u mbajt e fshehur nga familja Pushani.
Kjo është Amanda Pushani, 37-vjeçarja e cila u qëllua disa herë me thikë nga motra e saj.
Ndërsa vajza në foton e mëposhtme, është autorja, Marsela Pushani, 40-vjeçe. Kjo e fundit u arrestua disa orë pas ngjarjes së rëndë.
Ajo që ka njoftuar ngjarjen ka qenë nëna e viktimës, e cila ka telefonuar ambulancën duke i thënë se e bija nuk ndihet mirë. Shërbimi mjekësor e gjeti të vdekur 37-vjeçaren ndera gjatë ekzaminimit u vu re që kishte një plagë poshte stomakut.
Ngjarja dyshohet se ndodhi për motive banale, ku motrat kanë pasur një përleshje mes tyre pasi viktima ishte e alkoolizuar dhe shpeshherë bëhej agresive./Dosja.al
TIRANË- Policia ka reaguar pas vdekjes së 37-vjeçares, Amanda Pushanit. Forcat blu, bëjnë të ditur se familjarët e saj fshehën ngjarjen, duke raportuar se viktima kishte ndërruar jetë nga shkaqet natyrale. Pas kryerjes së autopsisë ka rezultuar se Pushani, ka ndërruar jetë si pasojë e plagëve të marra nga një mjet prerës.
Në vijim të veprimeve, specialistët e Sektorit për Hetimin e Krimeve të Rënda arrestuan 40 vjeçaren Marsela Pushanin, motrën e saj, e cila do të hetohet për veprën penale "Vrasja për shkak të marrëdhënieve familjare".
NJOFTIMI I POLICISË:
Ditën e djeshme, rreth orës 11:40, është marrë njoftim se në rrugën "Hajdar Hidri", shtetasja A. P., 37 vjeçe, kishte ndërruar jetë dyshohet për shkaqe natyre. Pas marrjes së njoftimit, Shërbimet e Policisë kanë kaluar menjëherë në vendngjarje, dhe pas konstatimit të trupit të pajetë të shtetases A. P., 37 vjeçe, e cila fillimisht është raportuar si vdekje natyrale nga familjarët, kanë vijuar veprimet hetimore të thelluara në lidhje me rastin, për të bërë të mundur zbardhjen e rrethanave të ngjarjes.
Pas kryerjes së autopsisë ka rezultuar se shtetasja A. P., 37 vjeçe, ka ndërruar jetë si pasojë e plagëve të marra nga një mjet prerës. Në vijim të veprimeve, specialistët e Sektorit për Hetimin e Krimeve të Rënda arrestuan shtetasen M. P., 40 vjeç, (motrën e saj), banuese në Tiranë, për veprën penale "Vrasja për shkak të marrëdhënieve familjare", pasi ditën e djeshme, gjatë një konflikti ka goditur me mjet prerës shtetasen A. P., e cila si pasojë e plagëve të marra, ka ndërruar jetë. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
TIRANË- Amanda Pushani, 37 vjeçe u vra nga motra e saj, Marsela Pushani 40 vjeçe. Kjo e fundit u vu në pranga disa orë pas ngjarjes.
Viktima u gjet e pajetë në banesë pasditen e djeshme, ndërkohë që ngjarja raportohet të ketë ndodhur në orët e para të mëngjesit. Burime nga policia thonë se gruaja ka pasur shenja thike në trup dhe paraprakisht, dyshohet që vrasja të ketë ndodhur pas një debati mes tyre, për arsye të cilat ende nuk dihen.
Fillimisht policia ka dyshuar për vetëvrasje, por pas plagëve që i janë konstatuar në trup dyshohet se është vrarë. Uniformat blu kanë arritur të arrestojnë autoren e dyshuar, Marsela Pushani 40 vjeç, disa orë pas ngjarjes./Dosja.al
TIRANË- Vritet me thikë një grua në kryeqytet. Raportohet se ngjarja tragjike ka ndodhur brenda banesës së viktimës në rrugën e Kavajës. Në trupin e gruas janë konstatuar plagë të shkaktuara nga thika.
Policia ka dyshime se gruaja mund të jetë vratë nga motra e saj gjatë një debati e sipër. Disa orë pas ngjarjes policia ka arrestuar edhe autoren e dyshuar të vrasjes.
Trupi i gruas u gjet i pajetë në banesë pasditen e të shtunës, po ngjarja dyshohet se ka ndodhur gjatë orëve të para të mëngjesit.
Fillimisht u dyshua për vetëvrasje, por më pas policia dyshoi se gruaja ishte vrarë për shkak të plagëve që kishte në trup. Sipas burimeve, dyshohet se ngjarja ka ndodhur në debat e sipër mes dy motrave.
Policia ka shoqëruar të afërm të viktimës për t’u marrë në pyetje./Dosja.al
