“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Nuk ndryshon rezultati zgjedhor në Bashkinë e Kuçovës. • Kolegji Zgjedhor ka rinumëruar sot 18 kutitë e votimit në Kuçovë, nga zgjedhjet e 14 majit • Nga rezultatet e rinumërimit, del që rezultati përfundimtar i zgjedhjeve nuk ka ndryshuar dhe në krye të bashkisë mbetet Kreshnik Hajdari me 6901 vota, ndërsa Lefter Maliqi nga 'Bashkë Fitojmë' ka marrë 6224 vota. • Që në nisje të seancës së rinumërimit të kutive të Kuçovës ka patur incidente. • Lefter Maliqi ka ofenduar përfaqësuesin e KQZ-së, Ylli Merkajn, duke i thënë rrugaç, hajdut. • Në garë për Bashkinë e Kuçovës ishte Kreshnik Hajdari i Partisë Socialiste, Lefter Maliqi i Koalicionit “Bashkë Fitojmë” dhe Ilirjan Koxhaj i Partisë Demokratike. • Zgjedhjet u fituan nga kandidati Kreshnik Hajdari i PS-së. • Rinumërimi vjen si pasojë e një padie nga kandidati i koalicionit “Bashkë Fitojmë” për kryetar të Bashkisë së Kuçovës, Lefter Maliqi. • Sipas tij, procesi zgjedhor ka qenë i manipuluar. • Maliqi dhe përfaqësuesit ligjor të koalicionit opozitar “Bashkë Fitojmë” kërkuan nga trupa e Kolegjit që të shpallë pavlefshmëri për zgjedhjet e 14 majit.
6 artikuj për këtë temë.
TIRANË- Rinumërimi i kutive të votimit për bashkinë e Kuçovës ka përfunduar në Kolegjin Zgjedhor. Gjatë ditës së sotme janë rinumëruar 18 kuti në Kuçovë, por rezultati nuk ka ndryshuar.
Kryebashkiak vazhdon të mbetet kandidati fitues i Partisë Socialiste, Kreshnik Hajdari. Ndërkohë që kandidati i 'Bashkë Fitojmë' Lefter Maliqi është në vend të dytë. Hajdari , pas rinumërimit të kutive të votimit rezulton me 6901 vota nga 6910 që kishte, ndërsa Maliqi rezulton të ketë 6224 vota nga 6228 që kishte marrë. Hajdari nga rinumërimi ka humbur 9 vota, ndërkohë që Maliqi ka humbur 4 vota.
Rinumërimi vjen si pasojë e një padie nga kandidati i koalicionit “Bashkë Fitojmë” për kryetar të Bashkisë së Kuçovës, Lefter Maliqi. Ai i ka mëshuar faktit se procesi zgjedhor ka qenë i manipuluar.
TIRANË- Kolegji Zgjedhor ka rinumëruar deri tani 11 nga 18 kuti të votimit në Kuçovë nga zgjedhjet e 14 majit. Janë rinumëruar 11 kuti votimi dhe janë bërë vlerësimet në kutitë e votave dhe të materialeve zgjedhore. Aktualisht ka një pushim, teksa mbeten dhe 7 kuti të tjera për t’u rinumëruar.
Nga rezultatet paprake nga këto kuti del se 5 vota më pak ka PS dhe 3 vota më pak BF. Rinumërimi vjen si pasojë e një padie nga kandidati i koalicionit “Bashkë Fitojmë” për kryetar të Bashkisë së Kuçovës, Lefter Maliqi. Ai i ka mëshuar faktit se procesi zgjedhor ka qenë i manipuluar.
TIRANË- Prej orës 09:00 po mbahet seanca për rinumërim e 18 kutive të Bashkisë së Kuçovës. Deri më tani ka shkuar në 4 numri i kutive të votimit në Bashkinë e Kuçovës të numëruara në sallën e gjyqit në Kolegjin Zgjedhor. Si rezultat është konstatuar se në 3 kuti votimi, nuk ka pasur procesverbal të mbylljes.
Kolegji ka dhënë urdhrin për hapjen e kutisë së materialeve. Ndërkohë është konstatuar se në 1 kuti votimi edhe pse kanë rezultuar 629 fletë votimi në procesverbal, në numërim kanë dalë 700 fletë votimi.
Koalicioni opozitar “Bashkë Fitojmë” pretendon se ato janë vota të vjedhura. Ndërkohë po verifikohen dhe fletët e papërdorura, si dhe ato te pavlefshme.
Kandidati Lefter Maliqi pretendon se 30 fletë votimi në kutinë e parë janë të favor të tij, ndersa Kolegji Zgjedhor po verifikon provat materiale.
Kolegji Zgjedhor nisi sot rinumërimin e 18 kutive të votimit në Kuçovë nga zgjedhjet e 14 majit. Rinumërimi është në vijim të procesit ankimor nga një padi e dorëzuar nga kandidati i koalicionit “Bashkë Fitojmë” për kryetar të bashkisë së Kuçovës, Lefter Maliqi.
Maliqi ka ngritur pretendime dhe akuza që procesi zgjedhor më 14 maj në bashkinë e Kuçovës ka qenë i manipuluar.
TIRANË- Numërimi i 18 kutive të Kuçovës është shoqëruar me incidente. Në Kolegjin Zgjedhor ku po mbahet seanca për rinumërimin e 18 kutive të Kuçovës, Lefter Maliqi ofendoi përfaqësuesin e KQZ, Ylli Merkajn, duke i thënë: Rrugaç, hajdut.
Pas daljes nga salla ku po kryhet numërimi, Maliqi tha për mediat se nuk kanë informacion sesa fletë votimi janë, si dhe shtoi se brenda sallës ngriti zërin pasi pa parregullsi. Ai pranoi se filmoi me telefon, por tha se i duhej për provë.
'Është krim shtetëror, elektoral. Se ca ka në këto 18 kuti nuk e di, sot filloi seanca. Ata marrin dokumentacionin por e kanë bosh për këto 18 kuti. Sekretari ka pasur probleme me avokatët e mi.
Ne nuk e dimë sesa fletë votimi janë. Unë tregoj muskujt e trurit dhe kundër krimit që është bërë. Unë kam qenë gjithmonë i pastër, nuk kam pasur asnjë biznes. Një gjë ta dini Kuçova është e majtë, unë kam mbështetje të majtë dhe të djathtë. Unë e ngrita zërin, unë filmova që nesër ta kisha si provë. Këtu kanë ardhur vëzhgues të tjerë, ai nuk është vëzhgues'- tha Maliqi.
TIRANE- Rinumërimi i 18 kutive të Kuçovës ka krijuar momente tensioni mes numëruesve dhe stafit të Kreshnik Hajdarit dhe Lefter Maliqit.
“Hajdutër!”, dëgjohet t’i drejtohet Maliqi atyre. Procesi i rinumërimit të 18 kutive të votimit është ndërprerë për disa minuta.
Shkak u bë ky moment tensioni mes kandidatit të koalicionit “Bashkë Fitojmë”, Lefter Maliqi dhe sekretarit të përgjithshëm të KQZ-së Ylli Merkaj.
Maliqi: Ti je hajdut, kë provokon ti, hajdutër. Mua më mëson ti, që kam qenë oficer policie 25-vjeç, 7 vite anëtar i Komisionit të Sigurisë, unë jam për të mbrojtur demokracinë këtu.
Kolegji Zgjedhor mori në shqyrtim ankimimin e koalicionit "Bashkë Fitojmë" dhe kandidatit të saj Lefter Maliqi, për rezultatin e zgjedhjeve në bashkinë e Kuçovës.
Maliqi dhe përfaqësuesit ligjor të koalicionit opozitar “Bashkë Fitojmë”, kërkuan nga trupa e Kolegjit që të shpallë pavlefshmëri për zgjedhjet e 14 majit.
TIRANË- Kolegji Zgjedhor ka nisur rinumërimin e votave në 18 qendra votimi në Bashkinë Kuçovë. Hapja e 18 kutive të Kuçovës ka nisur në orën 9:00, dhe sipas vendimit të gjykatës, ajo do të bëhet në ambientet e KQZ. Ky vendim erdhi pas ankimimit të koalicionit “Bashkë Fitojmë” për rezultatin e kësaj bashkie, në zgjedhjet vendore të 14 Majit.
“Besoj në një transparencë në hapjen e këtyre 18 kutive”, tha kandidati i "Bashkë Fitojmë", Lefter Maliqi.
Në sallë janë montuar pajisjet për 4 tavolina numërimi. Në seancën e kaluar, kandidati humbës në Kuçovë, Lefter Maliqi, pretendoi një sërë parregullsish në procesin zgjedhor të 14 majit në Kuçovë.
Sipas tij, 18 kutitë që do të rinumërohen kanë qenë jashtë këndit të shikimit të kamerës vëzhguese të KQZ-së në KZAZ-në e Kuçovës.
